Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akaleberyo—ey’Erigha  |  Okwakathano 2017

 ERIYIKANIAKO

Eribya Mutsiha Sirithanyikakirya Okw’ikangirirya Abandi

Eribya Mutsiha Sirithanyikakirya Okw’ikangirirya Abandi

Nabatizibawa 1941, inganawithe myaka 12. Aliwe nayitheghereraya ndeke ekwenene ye Biblia omwa 1946. Ekyo kyasa kithi? Muleke ngababwire.

OMO MWAKA wa 1910, ababuthi baghe mubahuma erilhua e Tbilisi, e Georgia, erighenda e Kanada. Mubikalha omwa kanyumba kake hakuhi ne Pelly, e Saskatchewan, omwa Kanada. Munabuthwa omwa 1928, kandi iningye mulere omwa baana mukagha. Thatha mwaholha ingaghunza mezi mukagha omwanda, na mama mwaholha ingakine lhumekeke. Buthuku buke-buke, mwali wethu omukulhu iya Lucy amaholha iniawithe myaka 17. Neryo nyokolhome waghe Nick mwathulembera ingye n’abandi baana bethu.

Kiro kighuma inamabirithoka eribbasulha, thwabere ithune eka, mubalhangira inganemukura omukira w’epunda yethu. Mubakwa obuba bunene bathi obo yikayanyisamba, neryo mubalhaka kutsibu ibanemubugha bathi ngalhwikegho. Aliwe kundi nabya ngabalholirye kw’omughongo, munathowa emirenge yabu. Eky’omughisa, muyithanyisamba. Ekyo ky’ekiro baminya kwesi ku munabuthwa ingali mutsiha.

Omunywani w’eka yethu mwahabulha athi banyithwale okwa sukuru y’abatsiha. Neryo nyokolhome Nick mwandwalha okwa sukuru y’abatsiha e Saskatoon, omwa Saskatchewan. Esukuru eyi yabya haali okw’eka, kandi kundi nabya w’emyaka ithanu misa, munakwa obuba. Iningasa eka okwa kihumuro kisa. Erighunzerera, mun’igha omubughe w’abatsiha.

ERIGHA EKWENENE YE BIBLIA

Omwa 1939, mukulhu waghe Marion mwathahibwa na Bill Danylchuck, neryo  bamathulembera ingye na mwali wethu Frances. Omw’eka yethu, n’ibo batsuka erigha e Biblia n’Abema ba Yehova. Iningabya namasa okwa kihumuro, ibakalengaho kutsibu erinyikangirirya ebyo babya bak’igha omwa Biblia. Isikyolho ithwe erikanirania kundi sibabya basi omubughe w’abatsiha. Aliwe ibakalhangira ingatsemera ebyo ng’igha oku Yehova. Munaminya ngoku ebya bakakolha bihambene n’ebya Biblia yikabugha, neryo iningaghenda nabu bakayathulira. Buthuku buke enyuma w’aho, munanza eribatizibwa, neryo omwa Kwomwenda 5, 1941, Bill mwanyibatizirya omwa maghetse aw’abya omwa kikalaya kinene ky’amaghetse. Amaghetse abya ahuhirire kutsibu!

Ingane n’abandi batsiha, okwa lhuhindano e Cleveland, omwa Ohio, omwa 1946

Omwa 1946, kandi nabere nasa eka okwa kihumuro, muthwaghenda okwa lhuhindano e Cleveland, Ohio, e Amerika. Okwa kiro ky’erimbere, mwali wethu iniakanyihandikira okwa lhupapura emikania yikalhabibwa nuku nga kwama-kwamanaye. Aliwe okwa kiro kyakabiri, munaminya ngoku hane oyukahindulira abatsiha okwa lhuhindano, munatsema. Neryo aho ibbwa namatsemera endegheka y’olhuhindano, kandi nam’owa ndeke eribya lero inamayitheghererya ekya Biblia yikakangiriraya!

ERIKANGIRIRYA EKWENENE

Okwa buthuku obo, Olhuhe lhw’Ekihugho Kyosi Olhwakabiri lhwabya imulhwanamahwa, neryo abandu bangyi ibali mw’eryanza erikangania bathi bakasighika ekihugho kyabu. Aliwe nabere nasuba okwa sukuru olhuhindano lhwabirihwamu, nabya inabirithwamu erisighalha muthaleghulha oku Yehova. Neryo munaleka eby’eritherera ebendera y’esaruti, eriimba olhwimbo lhw’erihanga, n’erisangira omwa biro bikulhu. Kandi munaleka erighenda n’abandi banya sukuru okwa makanisa wabu. Ekyo mukyaponesya abahalimu, neryo abandi mubalengaho n’erinyiswirya n’erimbwira amabehi nuku ngahindule amalengekania waghe. Abo nabya ngasoma nabu ibakabya ibanalhangire ebyosi ebyo bikabya, neryo munakolesya akaghisa ako eribathulira. Abaghuma okw’abo nabya ingasoma nabu imwamuli, Larry Androsoff, Norman Dittrick, na Emil Schneider, nabu mubaligha ekwenene, na lino bakinakolera Yehova.

Iningabya ingahika omwa yindi myanya, ingalengaho kutsibu erisondya abatsiha nuku ngabathulire. Ng’eky’erileberyako, omwa Montreal, munaghenda aho batsiha bakayisorokeraya. Munathulira omulhwana mughuma in’iyo Eddie Tager, oyuwabya omwa gurupu y’abayaya. Erihika okw’iholha liwe omwaka owahwa, abya isyalyathalhua omwa kithunga ekikakolesaya omubughe w’abatsiha ekiri e Laval, omwa Quebec. Kandi munabana owundi mulhwana iya Juan Ardanez. Ng’abanya Beroya b’omwa Biblia, mwasekulya akanza eriminya eby’ak’igha kwenene nga binaseghemere okwa Biblia. (Emibiri 17:10, 11) Nayu mwasa omwa kwenene, amabya musyakulhu w’ekithunga e Ottawa, omwa Ontario, erihika aho aholera.

Erithulira ery’okwa nzira omwa myaka eya 1950

Omwa 1950, Munasuba e Vancouver. Nomwakine indi ngatsemera erithulira abatsiha, singendi syibirirwa omukali oyo nathulira omwa nzira oyuwabya ak’ahulhwa mwa Chris Spicer. Mwaligha egazeti eyo namuha n’eribugha athi anzire ingalholha n’oku mwira wiwe, Gary. Munababungira ewabu, thwamakania mwatsi mungyi omw’ihandikirana okwa lhupapura. Erilhua ekiro ekyo, muthwabulhanako. Habere halhaba myaka, munasweka ingabalhangira bakasyanyiramukya ithune okwa lhuhindano e Toronto, omwa  Ontario. Ekiro ekyo Gary abya iniakendi batizibwa. Ekyo mukyany’ibukya ngoku ni kikulhu erithulira mughulhu wosi, kundi sithuliminya obundi oyo thwamathulira ng’akendi syasa omwa kwenene.

Enyuma w’aho munasuba e Saskatoon. Eyo munabanayo omukali oyuwabugha athi ng’ighe e Biblia n’abaana biwe abahasa, iya Jean na Joan Rothenberger. Babya ibakasomera okwa sukuru y’abatsiha eyo nabya ingasomerako. Abasika abo, nabu neryo mubatsuka eribwira abandi okwa sukuru okwa byo bak’igha. Erighunzerera, omwa klasi yabu mumwalhua bandu bathanu ababya babere Bema ba Yehova. Omughuma wa kubo abya ini Eunice Colin. Eunice nabya inanamubwene okwa sukuru eyo omo mwaka waghe w’erighunzerera. Okwa buthuku obo mwamba epipi, n’erinyisaba athi thubye banywani. Enyuma w’aho, abiribya mundu w’omughaso omwa ngebe yaghe. Mwabya mukali waghe!

Ingye na Eunice omwa 1960 na 1989

Mama wa Eunice abere aminya ngoku anemwigha e Biblia, mwabwira omukulhu w’abahalimu athi amuthange. Nomwakine indi omukulhu oyo mwalengaho erikolha ekyo, nibya n’erilhusya oku Eunice kw’ebitabu eby’akakolesaya erigha e Biblia, Eunice mwasighalha iniane muthaleghulha oku Yehova. Abere akanza eribatizibwa, ababuthi biwe mubamubwira bathi, “Wamabya Mwema wa Yehova, iwalhua oko wethu kuno!” Eunice abere ahikya myaka 17, mwalhua eka amayikalha omw’eka y’Abema ba Yehova. Mwalholha embere n’erigha, n’enyuma w’aho amabatizibwa. Nabere namuthahya omo mwaka wa 1960, ababuthi biwe mubaghana eryasa okwa bugheni bwethu. Aliwe emyaka yabere yinemulhaba, mubathusikya busana n’ebya thwikirirye n’emibere thwabya thukalembereramu abaana bethu.

YEHOVA ABIRINYITSOMANA

Mughalha waghe Nicholas na mukali wiwe, Deborah, bakakolera okwa Beteli ye London

Ithwe ng’ababuthi abatsiha, sikyabya kyolho erilembera abaana abathe batsiha. Aliwe muthwalhangira thuthi bak’igha omubughe w’abatsiha nuku thwanga  thoka eribya thukakanirania nabu n’eribakangirirya ekwenene. Baghalha bethu na bali bethu omwa kithunga mubathuwathikya kutsibu. Ng’eky’erileberyako, mulikyethu mughuma mwathuhandikira okwa lhupapura athi omughuma w’oko baana bethu akabugha ebinywe ebithuwene okwa muhindano. Muthwamuwathikya lhuba. Baghalha baghe bbani​—James, Jerry, Nicholas, na Steven​—ni basyakulhu b’ekithunga, kandi banemukolera Yehova buthaleghulha na bakali babu n’abaana babu. Nicholas bana mukali wiwe, Deborah, bakawathikaya okwa Beteli ye Britain omw’ihindulha omubughe w’abatsiha, kandi na Steven haghuma na mukali wiwe Shannan, bane okwa Beteli ye Amerika, nabu bakawathikya omw’ihindulha omubughe w’abatsiha.

Baghalha baghe iya James, Jerry, na Steven na bakali babu bakasangira omwa mubiiri w’erithulira omwa mubughe w’abatsiha omwa nzira muthina-muthina

Eky’obulighe, thwabere ithukisiya mwezi mughuma ithwaghunza myaka 40 omwa butheke, Eunice mwaholha busana n’ekansa. Omwa bulhwere obukalire obo, amaha agho abya awithe omw’ilhubuka mwaleka iniabya iniana ghumire. Ngalindirire kutsibu ekiro ngendisya mulholhako kandi.

Faye na James, Jerry na Evelyn, Shannan na Steven

Omwa Kwakabiri, 2012, munayithinira namabbunika omwa kihinga. Munalhangira ininga yithagha obuwathikya, neryo  munay’ikalha ew’omughuma w’oko baghalha baghe. Thukahindanira omwa kithunga kye Calgary eky’omubughe w’abatsiha. Ngawathikayamu ng’omusyakulhu w’ekithunga. Oyo w’omurundi waghe w’erimbere eribya omwa kithunga ekikakolesaya omubughe w’abatsiha musa-musa! Emyaka eyosi eyo ingane omwa kithunga ky’Olhusungu, munakolhaki erilhangira indi obughuma bwaghe na Yehova bukabya ibunaghumire? Yehova mwangwathikya. Mwaberererya ekyo ayilhagha athi akendi syawathikya esyongubi. (Esyonyimbo 10:14) Ngasima kutsibu balikyethu abosi ababya bakayihayo erinyihandikira ebinywe, erigha omubughe w’abatsiha, n’erilengaho erinyihindulira ngoku bangathoka.

Ingane okwa Sukuru y’abatemburi omwa mubughe w’abatsiha ingana withe myaka 79

Hanabya hakabya obuthuku inabya isinanga yitheghererya ebyamabuwa kutse inayowa nga sihali oyuwanga wathikya ndeke abatsiha. Omughulhu nabya ngayowa indya, n’eryanza erihwa amani, ininga lengekanaya okwa kya Petero abwira Yesu athi: “Mukama, thwasyaghenda okundi kwehi? Iwe wuwithe ebinywe by’engebe y’erikotha.” (Yoane 6:66-68) Ng’abandi balikyethu bangyi abatsiha ababiribya omwa kwenene habw’omughulhu muuli, nabirigha erighumisirizya. Nabirigha eriyikethera Yehova n’ekithunga kiwe, kandi eki kyabirinyighasira kutsibu. Hathya hali myatsi mingyi eyiri omwa mubughe waghe w’abatsiha, kandi ngatsemire kundi ngahindana okwa mihindano y’ekithunga n’emihindano eminene-minene omwa mubughe w’abatsiha owe Amerika. Omo kwenene, nabiribana engebe eyikatsemesya omw’ikolera Yehova, Nyamuhanga wethu w’amaaka.