Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akaleberyo—ey’Erigha  |  Okwokubanza 2017

Wunalhue Wasi?

Wunalhue Wasi?

Abandu ba kera ibakakaya bathi omuliro bamabya okwa lhughendo?

OMWA Enzuko sura 22, e Biblia yikabugha yithi Nyamuhanga mwabwira Abrahamu athi aghende omwa kihugho ky’ehaali eriyaha obuhere. Yikabugha yithi: ‘Neryo Abrahamu mwimya esyongwe esy’obuhere bw’erihisirirya mwahekyasyo Isaka mughalha wiwe, neryo mwimya omuliro n’omuhamba omo byalha biwe. Ababiri mubaghenda bathya haghuma.’—Enzuko 22:6.

E Biblia siyirisoborera abakera nga babya bakakya bathi omuliro. Neryo mbwino Abrahamu na Isaka mubakya omuliro neryo bamahekagho inianemwaka? Omughuma w’okwa bakasoborera emyatsi y’omwa Biblia mwabugha athi sikyanga thokekene omuliro “eribya inianemwaka omwa lhughendo lhwosi olho.” Athi omwakanya k’ekyo Abrahamu na mughalha wiwe bangabya imubaheka obuli kindu ekya banga yithaghire bakakya omuliro.

Aliwe abandi bakabugha bathi okwa buthuku obo isikyolhobire eryakya omuliro. Neryo ikikabya kyamathokekana, abandu ibakakaya omuliro omw’iha omwa muliro owanemwaka mw’erikalha, obundi erimya okwa muliro w’omutaka. Abasomi bangyi bakabugha bathi obundi Abrahamu abere athali ahongoka, angabya imwimya okwa makalha w’omuliro ow’abya inianemwaka. Angabya imwahira amakalha ayo omwa kalegha k’erilerembya, neryo bamaheka akalegha ako bakaghenda. (Isaya 30:14) Angabya imwabya akakolesya amakalha ayo n’ehikwe ehyumire ndeke eryakya omuliro akayithagha gho.