Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Akaleberyo  |  Na. 3 2017

 OMWATSI W’OKWA KIDIPA | EKIHEMBO EKILENGIRE EBYOSI KY’EKYAHI?

“Ky’ekihembo Ekilengire Ebyosi Ebya Nabirithahebwa”

“Ky’ekihembo Ekilengire Ebyosi Ebya Nabirithahebwa”

Omusika mughuma ow’emyaka 13 kw’abya ayowire athya akahebwa embwa ng’ekihembo. Omukali mughuma omusuburi mwabugha athi ekompyuta eya thatha wiwe amuha iniakine omwa sukuru kyabya kihembo ekya hindulha engebe yiwe. Omulhume mughuma, nayu mwabugha athi ekada eyo mukali wiwe amukolera bakaghunza omwaka omwa butheke ky’ekyabya kihembo ekilengireyo eby’amathabana.

Obuli mwaka, abandu bangyi bakakolesaya obuthuku n’akaghalha bakasondya ekihembo “ekilengire” ekyo bangaha omunywani kutse omuhughu okwa mukonga w’embaghane. Abangyi bakatsema bakaminya ekihembo kyabu ku kyamasimwa kutsibu. Kandi ibbwa iwe? Mbwino nawu wangananza erihererya kutse erihebwa ebihembo ebikasimawa kutsibu?

Ekyo kyangana tsemesya kutsibu, kundi ekihembo kikahamba oko yulyahebawakyo n’oyulyaghabakyo. Kundi nibya, ne Biblia yikabugha yithi: “Erihithya likaletha obutseme kwilhaba erihebwa.” (Emibiri 20:35) Obutseme obwa thukabana omw’ihithya ibwangan’ongera, oyo thulyaha amatsemera ndeke ekihembo.

Neryo ibbwa kwesi, wanga kolhaki erilhangira wuthi iwe n’oyulyahebawa ekihembo mukathunga etseme ey’okwenene? Kandi ibbwa wamabya isiwuthathoka eriha ekihembo “ekilengire,” ni kyahi ekya wangakolha nuku ekihembo kyawu kibye ekikasimawa?