Ghenda ahali omwatsi

Ghenda ahali obutsukiro obwakabiri

Abema ba Yehova

Lhukonzo

Obuthuku Obukasa Wubuwitheko Malengekaniaki?

Obuthuku Obukasa Wubuwitheko Malengekaniaki?

Mbwino ekihugho kino . . .

  • kikendibya ngoku kine?

  • kikendi tsandira ighuma?

  • kikendi uwana?

 EKYA BIBLIA YIKABUGHA

‘Nyamuhanga asyasangulha emisonia yosi okwa meso wabu. Kandi olhuholho silhwendi syasabyaho, erisusumana kutse eririra, kutse eriaghalhwa. Emyatsi y’erimbere iyabirirenga.’Eribisulirwa 21:3, 4, e Biblia eye Kinandi eya 1980.

OMUGHASO W’ERIKIRIRYA EKI

Wukasika ko wukendi syaghasirwa omwa bya wasyakolha.Isaya 65:21-23.

Ko hathendi syabya bulhwere kutse eriaghalhwa lyosi-lyosi.Isaya 25:8; 33:24.

Ko wukendi syabana engebe y’erikotha iwunatsemire n’eka yawu n’abanywani.Esyonyimbo 37:11, 29.

KWENENE THWANGANA LIGHA EBYA BIBLIA YAMABUGHA EBI?

Ee, habw’esyonzumwa ng’ibiri:

  • Nyamuhanga awithe amaaka aw’eriberererya eby’akalhagha. Omwa Biblia, Nyamuhanga Yehova iyo musa yukahulhawa mwa ‘Omuthoki w’Ebyosi,’ kundi amaaka wiwe syawithe busubuliro. (Eribisulirwa 15:3) Ni bugha ambu sihali ekyanga mulemesya eriberererya omulhaghe wiwe ow’eryuwania ekihugho kino. Ngoku e Biblia yikabugha, ‘oku Nyamuhanga emyatsi yosi yikathokekana.’Matayo 19:26.

  • Nyamuhanga anzire kutsibu erisyaberererya emilhaghe yiwe. Ng’eky’erileberyako, Yehova ‘anzire’ kutsibu erisyalhubukya ababiriholha.Yobu 14:14, 15.

Kandi e Biblia yikakanganaya yithi Mughalha wa Nyamuhanga, Yesu, mwalhamya abalhwere. Ekyaleka iniakolha ekyo niki? Kundi abya anzire. (Mariko 1:40, 41) Yesu mwagherererya ndeke emibere ya Thatha wiwe ey’erianza eriwathikya abali n’obwagha. Yoane 5: 19.

Neryo kwesi thwangana kakasya ngoku Yehova na Yesu banzire ithwabana etseme obuthuku obukasa!Esyonyimbo 72:12-14; 145:16; 2 Petero 3:9.

EKY’ERITHASYA LENGEKANIAKO

Nyamuhanga akendi syuwania ekihugho ky’athi?

E Biblia yikasubiraya okwa kibulyo ekyo omwa MATAYO 6:9, 10 na DANIELI 2:44.

Thasyaminya Bingyi

ENGULHU YUWENE ERILHUA OKU NYAMUHANGA!

Ni Kyahi Ekyaleka Nyamuhanga Iniahangika Ekihugho?

E Biblia yikasoborera ekyaleka Nyamuhanga iniahangika ekihugho, eriaghalhwa nga likendi syahwa mughulhu wahi, kandi ekihugho nga kikendi syabya kithi obuthuku obukasa n’abakendi syakikalhako.

ENGULHU YUWENE ERILHUA OKU NYAMUHANGA!

Obwami bwa Nyamuhanga Niki?

Omwami w’Obwami bwa Nyamuhanga nindi, kandi Obwami bukendi syakolhaki?