Ghenda ahali omwatsi

Ghenda ahali obutsukiro obwakabiri

Abema ba Yehova

Lhukonzo

Obwami bwa Nyamuhanga Niki?

Obwami bwa Nyamuhanga Niki?

Mbwino iwukendi bugha wuthi . . .

  • ni kindu kiri omwa muthima?

  • ni butseme buli elhubulha?

  • ni buthabali obuli elhubulha?

 EKYA BIBLIA YIKABUGHA

‘Nyamuhanga w’elhubulha asyahangania obwami obuthendi syaheribwa na kera.’Danieli 2:44, E Biblia eye Kinandi eya 1986.

‘Thwasyahebwa omughalha; n’obuthabale bwasyabya oko bithigho biwe.’Isaya 9:6.

EKYA BUKENDI SYALETHA ERIKUGHASIRA

  •  Obuthabali obuhikene obwanga kughasira.Isaya 48:17, 18.

  •  Engebe eyihikene n’etseme omwa kihugho kihya-kihya ekikayasa. Eribisulirwa 21:3, 4.

 KWENENE ITHWANA LIGHA EBYA BIBLIA YIKABUGHA?

Ee, ahabw’esyonzumwa ng’ibiri:

  • Yesu mwakangania ekya Bwami bwa Nyamuhanga bukendi syakolha. Yesu mwakangirirya abigha biwe athi basabe bathi Obwami bwa Nyamuhanga bwase n’erisonda liwe likoleke omwa kihugho. (Matayo 6:9, 10) Yesu mwakolha ebikakanganaya ngoku omusabe oyu akendi syasubwamu.

    Omughulhu Yesu abya okwa kihugho, mwalisya abakwire enzalha, amalhamya abalhwere, n’erisubya ababya baholire! (Matayo 15:29-38; Yoane 11:38-44) Yesu, ng’oyukendisyabya Muthabali w’Obwami bwa Nyamuhanga, mwakangania ebyo Bwami obo bukendi syakolera abandu abali omw’isi syabu.Eribisulirwa 11:15.

  • Ebikabya omwa kihugho bikakanganaya ngoku Obwami bwa Nyamuhanga bukisiya ibwasa. Yesu mwabugha athi Obwami bwa Nyamuhanga bwangabere buthe bwaletha obuholho okwa kihugho, ekihugho kyangabere mw’esyonyuhi, esyonzalha, n’emisiki.Matayo 24:3, 7.

    Thune mulhangira ebi bikabya. Busana n’ekyo, thwangana minya ngoku Obwami bwa Nyamuhanga bukisiya ibwa ghunzaho ebitsibu ebyosi ebi.

 EKY’ERILENGEKANIAKO

Engebe yikendi syabya yithi omw’ithabalha ly’Obwami bwa Nyamuhanga?

E Biblia yikasubiraya okwa kibulyo ekyo omwa ESYONYIMBO 37:29 na ISAYA 65:21-23.