Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Wanganabya Munywani wa Nyamuhanga!

 ERISOMO 7

Erikunga Erilhwire Okwa Ebyabiri Lhaba

Erikunga Erilhwire Okwa Ebyabiri Lhaba

Yehova syendisy’ikirirya abandu babi eritsandya e Paradiso. Banywani biwe basa babakendi syabyamu. Niki ekikendisyahika okwa abandu babi? Eribana eky’erisubirya, thalengekania ekyabya okwa mughulhu wa Noa. Noa abyaho ebirimo n’ebirimo ebilhabire. Abya mulhume mubuya oyuwabya akalengesya kutsibu erikolha ebya Yehova anzire. Aliriryo abandi bandu okwa kihugho ibakakolha bindu bibi. Busana nekyo Yehova mwabwira Noa athi Akendiwisya eribogha ery’amaghetse manene erighunzaho abandu babi abo. Mwabwira Noa athi ahimbe obwathu bunene nikwa iyo n’erihiika liwe bangasyasabuka erithendiholera Omw’ibogha ery’amaghetse lyasa.​ —Enzuko 6:9-18.

Noa n’erihiika liwe mubahimba obwathu. Noa mwakunga abandu athi Eribogha ery’amaghetse likayasa, aliriryo mubathamuhulikirira. Mubalholya emuliro n’erikolha bindu bibi. Obwathu bwabere bwahwa, Noa mw’ingirya ebisoro by’omwa bwathu, neryo iyo n’erihiika liwe nabo mubingira. Neryo Yehova mwaletha ekibulha kinene. Embulha muyawa habw’ebiro 40  omw’ithungi n’omwa kiro. Amaghetse mwabogha okwa kihugho kyosi.​—Enzuko 7:7-12.

Abandu babi mubaherya esyangebe syabo, aliriryo Noa n’erihiika liwe mubasabuka. Yehova mwasabulhabo omw’ibogha ery’amaghetse ahirabo omwa kihugho ekyabirilhusibwa mw’obubi. (Enzuko 7:22, 23) E Biblia yikabugha yithi kandi endambi yinemwasa omughulhu Yehova akendi syathoghothya abo abakaghana erikolha ebitholere. Abandu abuwene sibendi syathoghothibwa. Bakendisy’ikalha kera na kera okwa kihugho ekye Paradiso.​—2 Petero 2:5, 6, 9.

Munabwire abandu bangi bakakolha bindu bibi. Ekihugho kyoswire mw’omulyambo. Yehova akathuma Abema biwe ngendo-ngendo eriyakunga abandu, aliriryo abangi sibali anza erihulikirira ebinywe bya Yehova. Sibanzire eribindulha emibere yabo. Sibanzire er’ikirirya ekya Nyamuhanga akabugha okwa kihikire n’ekithahikire. Niki ekyasyahika okw’abandu aba? Omughulhu anemwendi syahika ibahindulha emibere yabo? Abangi sibendi syabindulha. Endambi yikasa omughulhu abandu babi bakendi syathoghothibwa isibendi syaswasyabyaho kandi.​—Esyonyimbo 92:7.

Ekihugho sikyendi syathoghothibwa; kikendi syakolhwa mwa paradiso. Abo abakabya banywani ba Nyamuhanga bakendisy’ikalha kera na kera omwa Paradiso okwa kihugho.​—Esyonyimbo 37:29.