Ghenda ahali omwatsi

Ghenda ahali ebirimo

 ERISOMO 1

Nyamuhanga aka Kukokaya Eribya Munywani Wiwe

Nyamuhanga aka Kukokaya Eribya Munywani Wiwe

Nyamuhanga anzire wubye munywani wiwe. Wune wathalengekania wuthi wanganabya munywani ow’Omundu oyu lengire omwa kihugho kyosi? Abrahamu, oyuwabyaho kera, mwahulhwa mwa munywani wa Nyamuhanga. (Yakobo 2:23) Abandi abakakanibawako omwa Biblia nabo mubatsemera obunywani bwa Nyamuhanga kandi mubatsumulhwa kutsibu. Munabwire, abandu erilhwa omwa mbande syosi esy’ekihugho babiribya banywani ba Nyamuhanga. Nawu kuthya wanganabya munywani wa Nyamuhanga.

Eribya munywani wa Nyamuhanga lisingire eribya munywani wa mundu wosi-osi. Nyamuhanga syalitha banywani biwe abayisiwa b’isoni. (Esyonyimbo 18:25) Eribya munywani wa Nyamuhanga lisingire eribya n’obughuda. Omughulhu omughuda akaholha, esyo mbulho siwe sikaya okw’abandi. Aliriryo, abo abawithe obunywani na Nyamuhanga bawithe ndundi eya mundu athe angabalhusyako.​—Matayo 6:19.

Abandi bandu bangana lengesya erikuthanga er’igha oku Nyamuhanga. Abangakolha eki banganabya abaghuma ab’okwa banywani baghu n’abeka yaghu. (Matayo 10:36, 37) Abandi bamakusekerera kutse erikubahisya, yibulhaye, ‘Nyanzire eritsemesya ndi—abandu kutse Nyamuhanga?’ Thalengekanaya oku kino: Omundu alyakubwira athi lekeraho erirya, wangana mwowa? Ni kwenene eyihi! Wukayithagha ebyalya eribyaho. Aliriryo Nyamuhanga anganaleka iwabyaho kera na kera! Kolitya siwase wuleke mundu wosi akakuthanga er’igha ngokwa wangabya munywani wa Nyamuhanga.​—Yoane 17:3.