Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Hulikirira Nyamuhanga Wanasyabyaho Kera na Kera

 EKITSWEKA 1

Thukahulikirira Thuthi Nyamuhanga?

Thukahulikirira Thuthi Nyamuhanga?

Nyamuhanga akakanaya nethu erilhabira omwa Biblia. 2 Timoteo 3:16

Nyamuhanga ow’ekwenene mwasondolha abandu erihandika amalengekania wiwe omwa kitabu kighuma ekibuyirire. Ekitabu ekyo ye Biblia. Kiri mw’omwatsi w’omughaso owa Nyamuhanga anzire iwaminya.

Nyamuhanga anasi ebikathughasira, kandi ya Ngununuko y’amenge wosi. Wamamuhulikirira, iwukendibya n’amenge aw’ekwenene.Emisyo 1:5.

Nyamuhanga anzire obuli mundu oyuli okwa kihugho iniasoma e Biblia. Lino yihandikire omwa mibughe mingyi.

Wamabya wanzire erihulikirira Nyamuhanga, wukathekawa erisoma e Biblia n’eriyitheghereryayo.

 Abandu ehosi-hosi bane muhulikirira. Matayo 28:19

Abema ba Yehova bangana kuwathikya eriyitheghererya e Biblia.

Omwa kihugho kyosi, bakakangiriraya ekwenene eyihimbire oku Nyamuhanga.

Si bugha indi wutholere iwathuha esyosente busana n’erikukangirirya. Kandi wangan’igha oku Nyamuhanga omwa Kisenge ky’Obwami eky’Abema ba Yehova ekiri omwa kitsweka eky’ewenyu.