Ghenda ahali omwatsi

Ghenda ahali obutsukiro obwakabiri

Abema ba Yehova

Lhukonzo

Ekihugho Kwenene Kiri Omwa Buthoki Bwandi?

Ekihugho Kwenene Kiri Omwa Buthoki Bwandi?

Mbwino wukalengekanaya . . .

  • obwa Nyamuhanga?

  • obw’abandu?

  • kutse hali wundi?

 EKYA BIBLIA YIKABUGHA

‘Ekihugho kyosi kiri omwa buthoki bw’omubi.’1 Yoane 5:19, e Biblia eye Kinandi eya 1980.

‘Mughalha wa Nyamuhanga mwaminyikalha busana n’eriherya emibiiri ya sitani.’1 Yoane 3:8.

OMUGHASO W’ERIKIRIRYA EKI

Wukaminya ekikaleka omwa kihugho imwabya ebitsibu.Eribisulirwa 12:12.

Wukabana enzumwa eyanga leka iwikirirya ngoku ekihugho kikendi syuwana.1 Yoane 2:17.

 KWENENE THWANGANA LIGHA EBYA BIBLIA YAMABUGHA EBI?

Ee, habw’esyonzumwa ng’isathu:

  • Obuthabali bwa Sitani ni bw’erihwaho. Yehova akendi ghunzaho obuthabali bwa Sitani obu. Akalhaghanisaya ‘eriherya Sitani,’ n’erithasyuwania ebyosi ebya Sitani abiritsandya. Abaebrania 2:14.

  • Nyamuhanga abirisombolha Yesu Kristo erithabalha ekihugho. Yesu ni w’embaghane kutsibu ok’oyukathabalha ekihugho kino munabwire, omubi kutsibu kandi oyuyitsomene. Erikwamana n’obuthabali bwa Yesu, Nyamuhanga akalhaghanisaya athi: ‘Akaghanyira abera, n’abandu bolho-bolho,’ kandi ‘akalhamayabo okw’inubya.’Esyonyimbo 72:13, 14.

  • Nyamuhanga syangabiha. E Biblia yikabugha ndeke-ndeke yithi: ‘Nyamuhanga syalithoka eribiha.’ (Abaebrania 6:18) Yehova amalhaghanisya erikolha ekindu kyosi-kyosi, kikabya ng’ekyabiribya! (Isaya 55:10, 11) ‘Omuthabali w’ekihugho kino asyaghuswa eyihya.’Yoane 12:31.

 EKY’ERITHASYA LENGEKANIAKO

Ekihugho kikendi syabya kithi omuthabali oyu abirilhusibwa mukyo?

E Biblia yikasubiraya okwa kibulyo ekyo omwa ESYONYIMBO 37:10, 11 na ERIBISULIRWA 21:3, 4.

Thasyaminya Bingyi

ENGULHU YUWENE ERILHUA OKU NYAMUHANGA!

Ni Kyahi Ekyaleka Nyamuhanga Iniahangika Ekihugho?

E Biblia yikasoborera ekyaleka Nyamuhanga iniahangika ekihugho, eriaghalhwa nga likendi syahwa mughulhu wahi, kandi ekihugho nga kikendi syabya kithi obuthuku obukasa n’abakendi syakikalhako.