Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Ekitabu Kyaghe Eky’Esyangano sye Biblia

Enzuka-nzukana

Enzuka-nzukana

KINO ni kitabu eky’esyangano esy’ekwenene. Silhwire omwa kitabu kikulhu eky’ekihugho kyosi, e Biblia. Esyangano sikakuha emyatsi eya kera ey’ekihugho erilhua omughulhu Nyamuhanga atsuka erihangika erihika okwa mughulhu wethu ono. Kandi sika kanaya n’okwa ebya Nyamuhanga akalhaghanisaya erikolha omughulhu owakasa.

Ekitabu kino kikakuha ekyutsutsu eky’ebiri omwa Biblia. Kikakanaya okw’abandu abali omwa Biblia n’ebya bakolha. Kikathasya kanganaya amaha awuwene aw’engebe y’erikotha omwa kihugho paradiso awa Nyamuhanga abiriha abandu.

Ekitabu kiri mw’esyangano 116. Esyangano hino sithwire mwa bitsweka munani. Olhupapura olhukanjura obuli kitsweka lhuka soborera omwa bikuhi ebiri omwa kitsweka ekyo. Esyangano sithondire ndeke-ndeke ngokwa myatsi ya ghenda yikabya kera. Eki kikakuwathikaya eriminya emyatsi eyi nga yabya mughulhu wahi, n’erikilinganisyayo n’eyindi myatsi, eyabyaho kera.

Esyangano hino siri omwa mubughe mwolho-mwolho. Abangi okw’inywe abakiri balere mukendi thoka eriyisomerasyo. Inywe babuthi mukendi bana indi abana benyu abakiri balere bakendi tsemera erisomerwa esyangano hino emirundi n’emirundi. Mukendi sanga muthi omwa kitabu kino muli bingi ebikatsemesaya abalere n’abakulhu kuthya.

Emilhondo eyikaha obwema omwa Biblia yiri okw’ighunzerera erya buli lhughano. Wukasabawa erisoma ebitsweka bino ebye Biblia okwa syangano hino siseghemere. Wabirighunza erisoma olhughano, lhaba omwa bibulyo eby’olhughano olho ebikatsuka okwa lhupapura 257 kandi lengaho eryibuka eby’erisubirya.