Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Ni Bahi Abakakolha Erisonda lya Yehova Munabwire?

 ERISOMO 9

Thwanga Yitheghekera Thuthi Ndeke Emihindano?

Thwanga Yitheghekera Thuthi Ndeke Emihindano?

Cambodia

Ukraine

Wamabya iwunemwigha e Biblia n’Omwema wa Yehova, obundi wukalengaho erisangwa wathegheka omwatsi owa mukend’igha. Wamanza erighasirwa ndeke omwa mihindano yethu ikuwanakolha wuthya. Wukendi lhangira omughaso w’ekyo wamabya wukakikolha mughulhu wosi.

Lebaya aha wang’ighira kandi mughulhu wahi. Wukalengekanaya wang’igha mughulhu wahi iwunathekene? Mbwino omwa ngyakya-ngyakya wuthe watsuka emibiiri yawu, kutse omw’igholho abaana babirikesya? Nomuwangabya isiwanga ghunza ndambi nene iwunemuyeghesya, lebaya nga wangakolesya ndambi nyingahi erikolha eki, kandi lhangira wuthi simuli yitsungira ekindu kyosi-kyosi. Sondaya omwanya owathekene, n’erilimya ebyanga kutokerera ng’eradio, etivi, n’esimu. Eritsuka erisaba likendi kuwathikya erithendi lengekania okwa misulhusutho y’ekiro ekyo nuku wangahira amalengekania wawu wosi okwa Kinywe kya Nyamuhanga.—Abanya Filipi 4:6, 7.

Ramba esyonzumwa, n’eriyithegheka erisubirya. Tsuka eriminya omwatsi wosi ngahambire okuki. Lengekanaya okwa muthwe wawu, emithwe emike-mike nga yihambire yithi kugho, n’erilebya ebisasani n’ebibulyo ebikakuwathikaya eriminya esyonzumwa ngulhu-ngulhu. Neryo soma obuli katsweka, wanasondya eky’erisubirya okwa kibulyo ekihandikire. Soma amasako awakanganibwe, n’erilebya ng’akasighika athi ebya wamasoma. (Emibiri 17:11) Wamabiribana ekikasubiraya, ramba ebinywe ebiri omwa katsweka ebyanga kw’ibukya kyo. Neryo mune omwa muhindano, wamanza iwangana sumba ebyalha byawu neryo iwasubirya omwa bikuhi omwa binywe byawu.

Erighanirya okwa myatsi muthina-muthina eyikakanibawako omwa mihindano yethu obuli yenga, likendi leka iwongera oko bya wasi kw’ebihya-bihya.—Matayo 13:51, 52.

  • Ni kyahi ekya wutholere iwabya wukakolha eriyitheghekera emihindano?

  • Wanga yithegheka wuthi nuku wusubiraye omwa mihindano?