Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Ni Bahi Abakakolha Erisonda lya Yehova Munabwire?

 ERISOMO 15

Abasyakulhu Bakawathikaya Bathi Ekithunga?

Abasyakulhu Bakawathikaya Bathi Ekithunga?

Finland

Erikangirirya

Abasyakulhu bakatheghaya

Erithulira

Omwa kithunga kyethu simuli abakulhu abakathuhawa. Aliriryo ngoku byanabya ekithunga ky’Ekikrisitayo kikatsuka, abalebererya abatholere bakasombolhawa ‘erilisya ekanisa ya Nyamuhanga.’ (Emibiri 20:28) Abasyakulhu aba ni balhume abakulire bunyakirimu abak’embembethaya ekithunga n’erikighumya “butsir’ikakwa, aliwe omw’iyihayo embere sya Nyamuhanga; si busana n’erianza eribana amaghoba, nikwa omwa muthima w’erikolha.” (1 Petero 5:1-3, NW) Ni byahi ebya bakathukolera?

Bakathutheghaya. Abasyakulhu bakasondolha ekithunga n’erikitheya bunyakirimu. Kundi bakyasi ngoku Nyamuhanga yubahere olhukwamirwa lhunene olhu, sibalianza erithabalha okwa bandu biwe, aliriryo bakalhangira bathi thukabya ithune ndeke kandi ithunatsemire. (2 Abanya Korinto 1:24) Abasyakulhu bakalengaho eriminya obuli mundu oyuli omwa kithunga, ngoku omulisya akaminya obuli mbuli yiwe.—Emisyo 27:23.

Bakathweghesaya ngoku thwanga kolha erisonda lya Nyamuhanga. Obuli yenga, abasyakulhu bakasondolha emihindano y’ekithunga nuku erikirirya lyethu lighume. (Emibiri 15:32) Kandi abalhume abayihereyo aba bakathwembembethaya n’omwa mubiiri w’erithulira, erikolha haghuma nethu n’erithukangirirya esyonzira syosi esy’erithulira.

Bakahimba obuli mundu. Abasyakulhu bangana hika okwa mundu inian’eka ewiwe kutse iniane okwa Kisenge ky’Obwami bakanza erimuwathikya n’erimuhumulikania omwa Masako nuku bamutheghaye bunyakirimu.—Yakobo 5:14, 15.

Eryongera okwa mubiiri owa bawithe omwa kithunga, abasyakulhu bangyi banawithe n’emibiiri yabu eyabakakolha, n’amaka aw’erilabirira. Kandi ebi bikayithaghisaya endambi. Thutholere ithwasikya baghalha bethu abakakolha kutsibu aba.—1 Abanya Tesalonika 5:12, 13.

  • Abasyakulhu b’ekithunga bawithe lhukwamirwaki?

  • Abasyakulhu bakakanganaya bathi ngoku bathutsomene?