Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Ni Bahi Abakakolha Erisonda lya Yehova Munabwire?

 ERISOMO 17

Abalebererya b’Omuthimbo Bakathuwathikaya Bathi?

Abalebererya b’Omuthimbo Bakathuwathikaya Bathi?

Malawi

Egurupu ey’eriyathulira

Omw’ithulira

Omuhindano w’abasyakulhu

Amasako w’Ekigiriki akakanaya kutsibu oku Baranaba n’omukwenda Paulo. Abalhume aba babya balebererya ababya bakabungira ebithunga omwa kighonye ky’erimbere. Busana naki? Babya batsomene kutsibu Abakrisitayo balikyabo. Paulo mwabugha athi anzire ‘iniasubulha eriyabana balikyabo’ eriminya ng’abali bathi. Olhughendo eribya lhuuli mukithaleka akathendi yabahimba. (Emibiri 15:36) Eki kyanakilhubirirwa eky’abalebererya bethu abamunabwire abakabunga.

Bakasyathuhimba. Obuli mulebererya w’omuthimbo akalhaba omwa bithunga nga 20, erighunza eyenga n’obuli kithunga kabiri omo mwaka. Thwangana ghasirwa kutsibu omwa byalholirweko eby’abaghalha bethu aba n’eby’abakali babu bamabya ibanathahirye. Bakalengaho eriminya abalere n’abakulhu, kandi bakabya ibananzire kutsibu erighenda nethu omw’ithulira n’okwa bigha bethu. Abalebererya aba bakabungira esyombuli ibane n’abasyakulhu b’ekithunga, kandi bakathughumaya bakalhabya emikania okwa mihindano emike-mike n’eminene-minene.—Emibiri 15:35.

Bakatsomana obuli mundu. Abalebererya b’omuthimbo batsomene kutsibu obunyakirimu bw’ebithunga. Bakabya n’omuhindano n’abasyakulhu n’abaghombe abawathikya erilebya ebyamathakolhwa n’eribawathikya ngoku banga berererya olhukwamirwa lhwabu omwa kithunga. Bakawathikya abatemburi erithoka omubiiri wabu ow’erithulira, kandi kikabatsemesaya eriminya abahya-bahya n’eriowa ngoku bakakulha-kulhana bunyakirimu. Baghalha bethu aba bakayihayo erithukolera. (2 Abanya Korinto 8:23) Thutholere ithwagherererya erikirirya n’eriyihayo lyabu oku Nyamuhanga.—Abaebrania 13:7.

  • Ni kyahi ekikaleka abalebererya b’omuthimbo ibabungira ebithunga?

  • Wanga ghasirwa wuthi omwa lhubungo lhwabu?