Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Engulhu Yuwene Erilhua oku Nyamuhanga!

 ERISOMO 3

Nina Kwenene Indi Engulhu Yuwene Yikalhua oku Nyamuhanga?

Nina Kwenene Indi Engulhu Yuwene Yikalhua oku Nyamuhanga?

1. Omwinye e Biblia Nindi?

Engulhu yuwene eyikabugha yithi abandu bakendi syabyaho kera na kera okwa kihugho yiri omwa Biblia. (Esyonyimbo 37:29) E Biblia yiri mw’ebitabu 66. Nyamuhanga mwakolesya abalhume nga 40 erihandikabyo. Ebitabu bithano eby’erimbere-mbere byahandikawa na Musa emyaka nga 3,500 eyihwere. Ekitabu eky’erighunzerera kyahandikawa n’omukwenda Yoane emyaka eyilhabire omu 1,900 eyihwere. Abahandiki be Biblia bahandika amalengekania wandi? Nyamuhanga iniakakanaya n’abahandiki erilhabira omwa mulimu wiwe abuyirire. (2 Samweli 23:2) Mubahandika amalengekania wa Nyamuhanga, butsira awabu. Busana n’ekyo, Yehova y’Omwinye Biblia.Soma 2 Timoteo 3:16; 2 Petero 1:20, 21.

2. Thwanga kakasya thuthi ngoku e Biblia yihikire?

Thukaminya ngoku e biblia yilhuire oku  Nyamuhanga kundi yikalhaghulha ndeke-ndeke ebikendi syabya omwa buthuku bw’embere. Sihali oyuwanga kolha ekyo. (Yosua 23:14) Nyamuhanga Omuthoki w’Ebyosi musa yuwanga kolha ekyo.Soma Isaya 42:9; 46:10.

Ekitabu ekikalhua oku Nyamuhanga kitholere ikyabya ky’embaghane, kandi kwabine bithya. Esyobbiliyoni esy’esyokopi sye Biblia syabirighabwa omwa mibughe eyilhabire 450. Nomwakine kitabu kyakera, eyindi myatsi eyirimu yikalighirana n’eby’esayansi. Nibya, abahandiki bayo 40, mubahandika ebikahambangana. Eryongera okw’ekyo, yikakanganaya ndeke-ndeke olhwanzo lhwa Nyamuhanga,  kandi yiwithe obuthoki obw’eryuwania esyongebe sy’abandu. Ebi bikaleka abangyi ibikirirya ngoku e Biblia ni Kinywe kya Nyamuhanga.Soma 1 Abanya Tesalonika 2:13.

3. E Biblia yikakanaya okuki?

E Biblia yikakanaya kutsibu ngoku Nyamuhanga awithe ekighendererwa ky’olhwanzo busana n’abandu. Amasako akasoborera ngoku omundu aheraya olhusunzo olhw’eribya okwa kihugho paradiso kandi ngoku erighunzerera eparadiso eyi yikendi syasubibwaho.Soma Eribisulirwa 21:4, 5.

Kandi Ekinywe kya Nyamuhanga kiri mw’ebihano, emisingyi, n’erihabulha. Eryongera okw’ekyo, e Biblia yikakanganaya emibere eya Nyamuhanga abya akakolanganiramu n’abandu, ikyaleka ithwaminya emibere yiwe. Kwesi, e Biblia yangana kuwathikya eriminya Nyamuhanga. Yikasoborera ngoku wangabya munywani wiwe.Soma Esyonyimbo 19:7, 11; Yakobo 2:23; 4:8.

4. Wanga yitheghererya wuthi e Biblia?

Akatabu kano kakendi kuwathikya eriyitheghererya e Biblia omw’ikolesya enzira eya Yesu anakolesaya. Iniakakolesaya amasako n’erisoborera gho.Soma Luka 24:27, 45.

Sihali ekikatsemesaya ng’engulhu yuwene ya Nyamuhanga. Aliriryo, abandi sibatsomeneyo, n’abandi bakapona bakowayo. Si wuhwe amani busana n’eki. Iwe erisyabana engebe y’erikotha liseghemere okw’iminya Nyamuhanga.Soma Yoane 17:3.

 

Thasyaminya Bingyi

ENGULHU YUWENE ERILHUA OKU NYAMUHANGA!

Thwanga Kakasya Thuthi Ngoku e Biblia Yihikire?

E Biblia yamabya ini kitabu kya Nyamuhanga iyikendibya ya mbaghane okwa bindi bitabu ebya birithahandikwa.

E Biblia Kwenene Yikakangiriraya Ki?

E Biblia—Ekitabu Ekikalhua Eyiri Nyamuhanga

E Biblia Kwenene Yikakangiriraya Ki?

Ekwenene Eyihambire oku Nyamuhanga ni Yahi?