Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Engulhu Yuwene Erilhua oku Nyamuhanga!

 Erisomo 14

Busana Naki Nyamuhanga Awithe Ekithunga Okwa Kihugho?

Busana Naki Nyamuhanga Awithe Ekithunga Okwa Kihugho?

1. Ni kyahi ekyaleka Nyamuhanga iniakolha e Israeli eyakera mwa kithunga?

Nyamuhanga mwathegha-theghania olhubuthu lhwa thathakulhu Abrahamu mwa kihanda kandi mwabaha ebihano. Ekihanda ekyo mwakyahulhwa mwa “Israeli” kandi mwabayira mwa bembembethya ab’eriramya ly’ekwenene n’ekinywe kiwe. (Esyonyimbo 147:19, 20) Busana n’ekyo, Abaisraeli banga lekire ebihanda byosi ibyatsumulhwa.Soma Emibiri 3:25.

Nyamuhanga mwasombolha Abaisraeli eribya bema biwe. Ebibahambireko ebyakera bikakanganaya ngoku abandu bakaghasirawa bamakenga ebihano bya Nyamuhanga. (Eryibuka Ebihano 4:6) Kwesi, erilhabira omw’Abaisraeli, abandi bangaminyire Nyamuhanga w’ekwenene.Soma Isaya 43:10, 12.

2. Busana naki Abakrisitayo ab’ekwenene ni kithunga?

Obuthuku mubwahika, Abaisraeli bamaherya obughuma bwabu na Nyamuhanga, neryo Yehova mwalhusya h’ekihanda ekyo amahira h’ekithunga ky’Ekikrisitayo. (Matayo 21:43; 23:37, 38) Munabwire, Abakrisitayo ab’ekwenene b’abema ba Yehova, omw’omwanya w’Abaisraeli.Soma Emibiri 15:14, 17.

Yesu mwathegha-theghania abigha biwe erithulha n’eriyira abigha omwa bihanda byosi. (Matayo 10:7, 11; 24:14; 28:19, 20) Omubiiri oyu anemughenda akahwererera omwa biro eby’erihwererera ery’emighulhu bino. Yehova amabirisangania esyomiliyoni sy’abandu omw’iramya ly’ekwenene erilhua omwa bihanda byosi, ekindu ekithe kyathabya. (Eribisulirwa 7:9, 10) Abakrisitayo ab’ekwenene bali omwa kithunga nuku banga himbangana n’eriwathikania. Omwa kihugho kyosi, bawithe endegheka nguma ey’erigha e Biblia omwa mihindano yabu.Soma Abaebrania 10:24, 25.

 3. Ekithunga eky’Abema ba Yehova ekya munabwire kyatsuka Kithi?

Omwa myaka eya 1870, abigha be Biblia bake mubatsuka erithasyabumbura emyatsi ey’ekwenene eye Biblia eyithulha iyabiribulirana. Babya ibanasi ngoku Yesu mwathegha-theghania ekithunga ky’Ekikrisitayo erithulha engulhu, neryo mubatsuka erithulhughania Obwami omwa kihugho kyosi. Omwa 1931 mubahulhwa mwa Abema ba Yehova.Soma Emibiri 1:8; 2:1, 4; 5:42.

4. Ekithunga ky’Abema ba Yehova kithondire kithi?

Omwa kighonye ky’erimbere, ebithunga by’Ekikrisitayo ebyabya omwa bitsweka muthina-muthina ibikabana obusondoli erilhua okw’akathunga akakasondolha akabya kasi Yesu kwa ya muthwe w’ekithunga. (Emibiri 16:4, 5) Kuthya munabwire, Abema ba Yehova omwa kihugho kyosi bakabana obusondoli erilhua okw’Akathunga Akakasondolha ak’abasyakulhu abalholire okwa bindi. Akathunga aka kakalebereraya ebyaghanda by’emithahulha eby’Abema ba Yehova ebikahindulha emibughe, eriprintinga ebitabu ebiseghemere okwa Biblia, n’ebikaghababyo omwa mibughe eyilhabire omu 600. Omwa nzira eyi, Akathunga Akakasondolha kakathoka erihumulikania n’eriha obusondoli obuseghemere okw’Amasako omwa bithunga ebilhabire omu 100,000 omwa kihugho kyosi. Omwa buli kithunga, abalhume abatholere bakakolha ng’abasyakulhu, kutse balebererya. Abalhume aba bakatheghaya ekihangulho kya Nyamuhanga.Soma 1 Petero 5:2, 3.

Abema ba Yehova bayitheghekenie erithulha engulhu yuwene n’eriyira abigha. Ng’abakwenda, thukathulira nyumba kwa nyumba. (Emibiri 20:20) Kandi thuk’igha e Biblia n’abanzire eriminya ekwenene. Aliriryo Abema ba Yehova si kithunga buyira. Thuli lihiika eriwithe Thatha w’olhwanzo. Thuli ng’abasubeneko abakawathikanaya. (2 Abanya Tesalonika 1:3) Kundi abandu ba Yehova bali bughuma busana n’eritsemesya Nyamuhanga n’eriwathikya abandi, kikaleka ekithunga kyabu ikyabya ikya kitsemire okwa kihugho.Soma Esyonyimbo 33:12; Emibiri 20:35.