Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Amasomo Agho Wang’igha Okwa by’Omwa Biblia

 ERISOMO 53

Obuthubaha bwa Yehoyada

Obuthubaha bwa Yehoyada

Yezebeli abya withe mwali wiwe oyukahulhawa mwa Atalia, nayu abya mubi nga mama wiwe. Atalia mwathahibwa n’omwami we Yuda. Mwira wiwe abere abiriholha, mughalha wiwe mwatsuka erithabalha. Aliwe mughalha wiwe abere abiriholha, Atalia mwayiyira mwa muthabali we Yuda. Neryo mwalengesya erighunzaho erihiika ly’abangabere bami, er’itha owosi-wosi oyuwangabere muthabali athe iyo, nibya n’abitsikulhu biwe mwabitha. Obuli mundu mwamusagha.

Omuhereri Mukulhu Yehoyada na mukali wiwe Yehoseba, babya ibanasi ngoku ebya Atalia akakolha ni bibi kutsibu. Mubatsama engebe yabu bamabisa omw’itsikulhu mughuma wa Atalia, omwana oyuwabya akahulhwa mwa Yoasi. Mubamukulirya okwa hekalu.

Yoasi abere akahikya myaka musanju, Yehoyada mwahindania abakulhu abosi n’Abalawi n’eribabwira athi: ‘Mutheghaye esyonyuyi sy’ehekalu, kandi isimwalighira mundu wosi-wosi akingiramu.’ Yehoyada mwayira Yoasi mwa mwami we Yuda n’erimwambalya embitha okwa muthwe wiwe. Abandu be Yuda mubabirikira bathi: ‘Mwami wukothe!’

Omwami-kali Atalia mwowa etoko y’abandu banene neryo amathibitha omwa hekalu. Abere akalhangira omwami muhyaka, mwalira athi: “Olhuhothe! Olhuhothe!” Abakulhu mubahamba omwami-kali mubi oyo, bamamuthwalha eyihya n’eriyamwitha. Kandi ibbwa obubi obw’abya iniabiringirya omwa kihanda kyosi?

Yehoyada mwawathikya Abayuda erikolha endaghane na Yehova bamayilhaghanisya erimuramya iyo musa. Yehoyada mwababwira athi  bahimbule ebiherero bya Baali n’erithulhanga esyosanamu. Mwaha abahereri n’Abalawi b’omubiiri w’erikolera okwa hekalu nuku abandu bangathasyaramiryako. Mwahira kw’abatheya nuku simwingire omundu mubi. Neryo Yehoyada n’abakulhu mubathwalha Yoasi y’omwa kikale n’erimuhira okwa kithumbi ky’obwami. Abandu be Yuda mubatsema. Mubakolera Yehova, isihakiri Atalia omubi n’eriramya lya Baali. Wanamalhangira ngoku obuthubaha bwa Yehoyada mubwawathikya abandu bangyi?

‘Siwubahe abakitha omubiri, nikwa sibethoka eritha omuthima, nikwa kumbe wangubaha Nyamuhanga oyukathoka eriherya omuthima n’omubiri omwa Gehena.’​—Matayo 10:28