Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Amasomo Agho Wang’igha Okwa by’Omwa Biblia

 ERISOMO 48

Omwana w’omukwakali Mwasuba

Omwana w’omukwakali Mwasuba

Omwa mughulhu w’ekyanda, Yehova mwabwira Eliya athi: ‘Wughende e Zarefati. Yine omukwakali akendi kuha ebyalya.’ Okwa lhukyo lhw’omuyi, Eliya mwalhangira omukwakali omwera akasenya. Mwamusaba amaghetse w’erinywa. Omukwakali abere akayenda amaghetse, Eliya mwamubirikira athi: ‘Kisi, wunyirethere omuggati.’ Aliwe omukwakali mwamusubirya athi: ‘Singwithe muggati w’erikuha. Ngawithe eyisyano n’othughutha othw’erikolha mw’omuggati waghe n’omwana waghe basa.’ Eliya mwamubwira athi: ‘Yehova abirilhaghanisya athi wamanyikolera omuggati, eyisyano yawu n’amaghutha wawu isibyendi syahwa erihika aho embulha yikendi syawira.’

Neryo omukwakali mwaghenda eka eriyakolha omuggati w’omuminyereri wa Yehova. Ngoku Yehova analhaghanisaya, omukwakali n’omwana wiwe mubabya ibanawithe eby’erirya omwa buthuku bw’ekyanda. Akalegha kiwe k’eyisyano n’ak’amaghutha mubyabya ibinuswire.

 Neryo ekindu ekikalire mukyabya. Omwana w’omukwakali mwalhwalha neryo amaholha. Mwasaba Eliya y’obuwathikya. Eliya mwamulhusya kw’omwana n’erimuthwalha omwa kisenge ky’eyighulhu omwa nyumba y’omukwakali. Mwamulhalya okwa ngyingo neryo mwasaba athi: ‘Kisi Yehova, subaya omwana oyu.’ Wunasi nga ni busana naki Yehova erikolha eki kyangabere kindu ekikaswekaya? Kundi ngoku thwasi, sihabya n’omughuma oyuwabya iniabirithasuba. Kandi nibya omukwakali oyu n’omwana wiwe sibabya Baisraeli.

Aliwe omulhwana mwathasyathunga engebe kandi, amatsuka erihumulha! Eliya mwabwira omukwakali athi: ‘Lebaya! Mughalha wawu abirisuba.’ Mwatsema kutsibu n’eribwira Eliya athi: ‘Kwenene wuli mundu wa Nyamuhanga. Ngaminya eki kundi wukabugha ebya Yehova akakubwira athi wubughe kandi bikabererera.’

“Mulebaye ebikororo: Kusangwa sibyebiba kutse sibyeghesa; sibiwithe embiso kutse kighona; nikwa Nyamuhanga akalisayabyo. Nenyu muli bw’obughuli kwilhaba esyonyonyi esyo!”​—Luka 12:24