Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Amasomo Agho Wang’igha Okwa by’Omwa Biblia

Ebikakyungulha Ekitsweka 7

Ebikakyungulha Ekitsweka 7

Ekitsweka kino kikakanaya okwa byabya omwa ngebe ey’Omwami Saulo n’Omwami Dawudi, ebya ghunza myaka nga 80. Okw’itsuka, Saulo abya mwolho kandi iniakubaha Nyamuhanga, aliwe endambi muyahika amahinduka, amaghana erithasyakwama obusondoli bwa Yehova. Yehova mwamughana neryo amabwira Samweli athi ahakabaye Dawudi eribya mwami w’Abaisraeli. Saulo ow’obuha mwalengaho mirundi minene erianza eritha Dawudi, aliwe Dawudi mwathathuhulya. Yonatana mughalha wa Saulo mwaminya ngoku Yehova yuwabirisombolha Dawudi, neryo amabya muthaleghulha oku Dawudi. Dawudi mwakolha amalholho awakalire, aliwe mwathaghana erihabulha lya Yehova.  Wamabya iwuli mubuthi, wathikaya omwana wawu alhangire omughaso w’erisighika ebya Nyamuhanga akathegheka.

OMWA KATSWEKA KANO

ERISOMO 39

Omwami we Israeli ow’Erimbere

Yehova abya iniabiriha Abaisraeli ba batsweri abanga basondolha, aliwe mubanza erithunga omwami. Samweli mwahakabya Saulo ng’omwami w’erimbere aliwe enyuma waho Saulo mwaghana Yehova. Busana naki?

ERISOMO 40

Dawudi na Goliata

Yehova akasombolha Dawudi eribya mwami we Israeli, na Dawudi akakanganaya obubuya bwiwe.

ERISOMO 41

Dawudi na Saulo

Busana naki omughuma w’okwa balhume aba mwapona owundi, kandi oyuwabya aponirwe mwakolha athi?

ERISOMO 42

Yonatana Abya Muthubaha Kandi Muthaleghulha

Mughalha w’omwami amabya munywani mubuya wa Dawudi.

ERISOMO 43

Erilholho ly’Omwami Dawudi

Erithwamu nabi kikaletha ebitsibu.