Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Amasomo Agho Wang’igha Okwa by’Omwa Biblia

Ebikakyungulha Ekitsweka 6

Ebikakyungulha Ekitsweka 6

Erighunzerera, Abaisraeli babere bahika omwa Kihugho Ekyalhaghanisibawa, ahali ehema eyibuyirire muhabya ihabakaramiraya. Abahereri ibakakangiriraya Emighambo, n’abatsweri ibasondolha ekihanda kyosi. Ekitsweka kino kikakanganaya ngoku erithwamu n’emikolere y’omundu bikahamba kutsibu okwa bandi. Obuli Muisraeli aby’atholere iniabya muthaleghulha oku Yehova na mulikyabu. Kanganaya ebya kolhawa na Debora, Naomi, Yosua, Hana, mwali wa Yefuta, na Samweli nga mubyahamba bithi okwa bandu babu. Ghumaya wuthi nibya n’abathe Baisraeli, nga Rahabu, Ruta, Yaeli, n’Abagibeoni, mubathwamu eribya okwa lhuhandi lhw’Abaisraeli kundi mubaminya ngoku Nyamuhanga abya haghuma nabu.

OMWA KATSWEKA KANO

ERISOMO 29

Yehova Mwasombolha Yosua

Nyamuhanga mwaha Yosua y’obusondoli obwangana thuwathikya namunabwire, nibya.

ERISOMO 30

Rahabu Mwabisa Abalingyi

Esyombimbo sye Yeriko musyathera. Aliwe enyumba ya Rahabu muyithathera, nomwakine indi yabya omwa syombimbo esyo.

ERISOMO 31

Yosua n’Abagibeoni

Yosua mwasaba Nyamuhanga athi: “Eryuba, wimane” Mbwino Nyamuhanga mwanasubirya?

ERISOMO 32

Omusondoli Muhyaka n’Abakali Babiri Abathubaha

Yosua abere abiriholha, Abaisraeli mubatsuka eriramya esyosanamu. Mubanuba, aliwe mubabana obuwathikya erilhua okwa Mutsweri Baraka, Debora omuminyereri w’obukali, na Yaeli, n’engyingyi y’ehema yiwe!

ERISOMO 33

Ruta na Naomi

Abakwakali babiri bakasuba e Israeli. Omukwakali mughuma iya Ruta, mwaya omw’irima, eyo ya Boazi amulhangirira.

ERISOMO 34

Gideoni Mwakinda Abamidiani

Abamidiani babere babirinubya Abaisraeli, abandu mubasaba Yehova y’obuwathikya. Abasirikali bake ba Gideoni mubakinda bathi esyonzighu 135,000?

ERISOMO 35

Hana Akasaba Erihebwa Omwana w’Obulhume

Elkana mwathwalha Hana na Penina n’eka yiwe eyiri ehema e Silo eriyaramya. Eyo, Hana mwasaba erihebwa omwana. Enyuma waho, Hana mwabutha Samweli!

ERISOMO 36

Eriyilhagha lya Yefuta

Yefuta mwayilhagha athiki, kandi busana naki? Mwali wa Yefuta mwakolhaki busana n’eriyilhagha lya thatha wiwe

ERISOMO 37

Yehova Akakanaya na Samweli

Baghalha babiri ab’Omuhereri Mukulhu Eli mubakolha ng’abahereri eyiri ehema, aliwe mubathowa ebihano bya Nyamuhanga. Samweli abya wambaghane kandi Yehova mwakania nayu.

ERISOMO 38

Yehova Mwaha Samusoni y’Amaaka

Nyamuhanga mwaha Samusoni y’amaaka w’erilhwa n’Abafilisitini, aliwe Samusoni mwathwamu nabi, Abafilisitini mubamuhamba.