Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Amasomo Agho Wang’igha Okwa by’Omwa Biblia

 ERISOMO 96

Yesu Akasombolha Saulo

Yesu Akasombolha Saulo

Saulo abya Munya Roma oyuwabuthirawa e Tarso. Abya Mufarisayo oyuwabya asi ndeke Emighambo y’Abayuda kandi iniaponire Abakristayo. Iniakayahamba abalhume n’abakali Abakristayo omwa manyumba wabu n’eribahira omwa ngomo. Nibya mwimana n’erisamalira ekingungu ky’abandu abahithene bak’itha omwigha Setefano y’omw’amabwe.

Aliwe Saulo mwathahamba Abakristayo abe Yerusalemu basa. Mwasaba omuhereri mukulhu y’ehamuli ey’erighenda omwa muyi we Damasiki nuku angayahamba n’Abakristayo ab’eyo. Saulo abere akayahika omwa muyi, ekyakakalha mukyamukolerya neryo amawa okwa kithaka. Mwowa omulenge akabugha athi: ‘Saulo, busana naki wukanyendereraya?’ Saulo mwabugha athi: ‘Wuli indi?’ Mwasubirya athi: ‘Indi Yesu. Wughende e Damasiki, kandi wukendi minya ebya wutholere erikolha.’ Aho n’aho, Saulo abya iniamabiribya ndimethime, kandi mubamuhambako erimuthwalha omwa muyi.

E Damasiki, yabya Omukristayo omuthaleghulha iya Anania. Omwa kilhotho Yesu mwamubwira athi: ‘Wughende omwa nyumba ya Yuda omwa nzira eyikahulhawa mwa Lithunganene, wusondaye Saulo.’ Anania mwabugha athi: ‘Mukama, Nganasi ebyosi ebihambire okwa mulhume oyo! Anemuhira abigha bawu b’omwa ngomo!’ Aliwe Yesu mwabugha athi: ‘Wughende eya ali. Nabirisombolha Saulo erithulira engulhu yuwene okwa bihanda bingyi.’

Neryo Anania mwabana Saulo n’erimubwira athi: ‘Saulo, mulikyethu, Yesu abirinyithuma erisyalibulha ameso wawu.’ Aho n’aho, Saulo mwalhangira. Mwigha oku Yesu kandi mwabya mwigha wiwe. Neryo Saulo mwabatizibwa ng’Omukristayo, amatsuka erithulira omwa sinagogi iniane n’Abakrisitayo balikyabo. Thalengekania nga mukyaswekya bungahi Abayuda bakalhangira Saulo  akakangirirya abandu oku Yesu? Mubabugha bathi: ‘Oyu si y’omulhume oyuwabya akendererya abigha ba Yesu?’

Omo myaka isathu, Saulo mwathulira abandu be Damasiki. Abayuda mubapona Saulo kandi mubanza n’erimwitha. Aliwe balikyethu mubaminya ekyo neryo mubamutswesya. Mubamuhira omwa kithiri n’erikilhabya omwa kyuna ky’olhuhimbo lhw’omuyi.

Saulo abere akaghenda e Yerusalemu, mwalengaho eriyiyunga okwa balikyabo b’eyo. Aliwe mubamusagha. Neryo omwigha w’olhukeri iya Baranaba mwaletha Saulo eyiri abakwenda n’eribakakasya ngoku kwenene Saulo abirihinduka. Saulo mwatsuka erithulha engulhu yuwene n’omuhwa iniane n’abalikyabo be Yerusalemu. Enyuma waho, mwahulhwa mwa Paulo.

“Kristo Yesu mwasa omwa kihugho busana n’erilhamya abakolha-nabi. Naghe indi mukolha-nabi kwilhaba abosi.”​—1 Timoteo 1:15