Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Amasomo Agho Wang’igha Okwa by’Omwa Biblia

 ERISOMO 76

Yesu Akeraya Ehekalu

Yesu Akeraya Ehekalu

Omo kwezi ng’okwa kani omwaka owa 30 E.K., Yesu mwaghenda e Yerusalemu. Abandu banene babya ibabiryasayo okwa Kiro ky’Erikyuruka. Okwa kiro ekyo, mubahonga n’ebisoro okwa hekalu. Abandi mubalethania ebisoro byabu, aliwe abandi mubabighulira e Yerusalemu.

Yesu abere akaghenda omwa hekalu, mwalhangira abandu ibane mughulirya mw’ebisoro. Babya ibanemuyikolera esyosente omwa nyumba ya Yehova ey’eriramiryamo! Yesu mwayowa athi? Mwakolha omunyamba omwa mukoba kandi mwahighira esyombuli n’esyonde sy’eyihya w’ehekalu. Mwararangya esyomeza  sy’abakahingisaya esyosente n’eryutha esyosente syabu okwa kithaka. Yesu mwabwira ababya bakaghulya ehirikuku athi: ‘Mulhusaye ehi hyo muno! Simuyire enyumba ya Thatha waghe mo kathali!’

Abandu ababya okwa hekalu mubasweka busana n’ekya Yesu akolha. Abigha mub’ibuka obuminyereri obuhambire oku Masiya buno: ‘Ngendi syusulha n’omuhwa busana n’enyumba ya Yehova.’

Enyuma waho, omo mwaka owa 33 E.K, Yesu mw’erya ehekalu omurundi wakabiri. Abya isyanga lighira mundu wosi-wosi erithendi sikya enyumba ya Thatha wiwe.

“Simwanga thoka erikolera Nyamuhanga n’ebindu.”​—Luka 16:13