Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

E Biblia Kwenene Yikakangiriraya Ki?

Eki Kyakyabya Kighendererwa kya Nyamuhanga?

Eki Kyakyabya Kighendererwa kya Nyamuhanga?

THASOMA olhupapura lhwosi-lhwosi lhw’amakuru. Thungerera okwa televizoni, kutse hulikirira e radio. Hali emyatsi mingi ey’obutsindi, esyanyuhi, n’erithwa ebilhaghiro! Thalengekania okw’amalighe awu. Bwanganabya ibw’obulhwere kutse olhuholho lhw’omwanze wawu ebikakulethera obulighe. Wangana yowa ng’omulhume mubuya Yobu, oyuwabugha athi mwa ‘minya amalighe iwe.’—Yobu 10:15. Yibulhaye:

Yibulhaye:

  • Eki kya Nyamuhanga abya anyitheghekere n’abandi bandu abosi?
  • Nanga bana obuwathikya bwa hayi obw’erirwanisya ebitsibu byaghe?
  • Hane maha wosi-wosi indi thwanasyabana obuholho okwa kihugho?

E Biblia yikaha eby’erisubirya ebyuwene okwa bibulyo ebi.

E BIBLIA YIKAKANGIRIRAYA YITHI NYAMUHANGA AKENDI SYABERERERYA EMIBERE EYI OKWA KIHUGHO.

Omulhume mukulhu akasuba mulere

Asyasangulha emisonia yosi okw’ameso abu, kandi olhuholho silhwendi syaswabyaho, erisusumana kutse eririra, kutse eriaghalhwa.’—Eribisulirwa 21:4


Omwana-mutho oyukathasyathoka erithibitha

‘Olhughatha lhwa syathwa ebika ng’engabi.’—Isaya 35: 6


Omulhume ndime-thime akathasya lhangira

‘Ameso w’esyandima-thime asyalibulhwa.’—Isaya 35:5


Omukali akatsema akalhangira omwanzwa wiwe akalhubuka

‘Abosi abali omw’amasinda basyalhwa omw’amasinda abu.’—Yoane 5:28, 29


Omulhwana oyulhue alhwere akabya n’engebe eyuwene

Sihali ndulhani eyikendi syabugha yithi: Nyilhwere.’—Isaya 33:24


Eririma ly’engano

‘Engano yasyabya nene omwa kihugho.’—Esyonyimbo 72:16


GHASIRAWA OMWA EBYE BIBLIA YIKAKANGIRIRAYA

Abalhume babiri bane mwigha e Biblia

Si wughane lhuba emilhaghe eyi ng’emilhaghe buyira eyithendi syabererera. Nyamuhanga abirilhagha eriberererya emyatsi eyi, kandi e Biblia yikasoborera ngokwa akendi syaberererya yo.

Aliriryo e Biblia yikaghasa kwilhaba n’aho. Nalino yikaha ekisumuruzyo ekikakolhaya okw’ibana engebe eyikatsemesaya ndeke. Thalengekania ahabw’akathambi kake okw’amaghaniryo n’amalighe awu. Byanganabya imwamuli, eribulha esyombulho, ebitsibu by’amaka, amaghalha mabi, kutse eriherya omwanze wawu omwa lhuholho. E Biblia yangana kuwathikya erirwanisya ebitsibu munabwire, kandi yangana letha erihumulikana yikasubirya ebibulyo nga bino:

  • Busana naki thukaghalhawa?
  • Thwanga rwanisya thuthi amaghaniryo w’engebe?
  • Thwanga tsemesya thuthi amaka ethu?
  • Hakana thasyabya engebe enyuma w’olhuholho?
  • Thunamwendi sasyalhangira abanze bethu ababiriholha?
  • Thwanga ghumya thuthi ngoku Nyamuhanga akendi syaberererya emilhaghe yiwe ey’obuthuku obukayasa?

Iwe erisoma ekitabu kino kika kanganaya kithi wanzire eriminya ebye Biblia yikakangiriraya. Ekitabu kino kikendi kuwathikya. Wuminye wuthi ebibulyo ebihambangene n’obutsweka biri okwa lhupapura kw’ahikwa. Obukekulhu bw’abandu babiri tsemera erikolesya ekibulyo n’erisubirya bak’igha e Biblia n’Abema ba Yehova. Thuli n’amaha thuthi nawu wukendi tsemera emibere eyi. Ka wubane emighisa ya Nyamuhanga wukatsemera lino emyatsi eyika sisimulha eyikalhua omw’igha ebye Biblia kwenene yikakangiriraya!

MINYA E BIBLIA YAWU YA NDEKE

E Biblia

E BIBLIA yiri mw’ebitabu 66 ikwa kune n’esyonyawaliho. Ebitabu ebi bighabirwe omwa syasura n’emilhondo nuku kyolhobe eribana ahali emyatsi eya wukarondaya. Omughulhu amasako akakanganibawa omwa kitabu kino, enamba ey’erimbere erikwama erina ly’ekitabu, y’esura ey’ekitabu kye Biblia kutse enyawaliho, n’eyikakwamako w’omulhondo. Ng’eky’erireberyako, “2 Timoteo 3:16” kikamanyisaya kithi ni nyawaliho ya kabiri oku Timoteo, esura 3, n’omulhondo 16.

Wukendi minya e Biblia ya ndeke omwi sukulha amasako awakanganibwe omwa kitabu kino. Kandi busana naki iwuthatsuka endegheka ey’erisoma e Biblia buli kiro? Omw’isoma esyasura isathu erihika okw’ithanu buli kiro, wangana soma e Biblia yosi omwa mwaka mughuma.