Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Ekitabu Kyaghe eky’Esyangano sye Biblia

Olhughano 96: Yesu Akalhamaya Abalhwere

Olhughano 96: Yesu Akalhamaya Abalhwere

YESU ane mulendera omwa kihugho kyosi, akalhamaya abalhwere. Omwatsi owahambire okwa bithiko-thiko bino akathulhughanibwa omwa byalu n’omwa miyi yosi. Neryo abandu bakamulethera ebirema, esyandimethime n’abatsiha, n’abandi abangi abalhwere. Na Yesu akalhamaya abosi.

Ebirimo ebilhabire omu bisathu byamabiri lhaba Yoane abatizirye Yesu. Na Yesu akabwira abakwenda biwe athi akisiya inyaghenda e Yerusalemu, eya bakendi mwithira, neryo kandi inyalhubuka erilhua omwa baholi. Endambi eyo yithe yahika, Yesu akalholhaya embere inyane mulhamya abalhwere.

Yesu akalhamaya omukali oyulhwere

Kiro kighuma Yesu anemukangirirya okwa kiro kye Sabato. E Sabato ni kiro eky’Abayuda eky’erilhuhuka. Omukali oyuwamalhangira hano alhwe alhwere kutsibu. Erighunza ebirimo 18 alhwe inyabiri kondoma isy’angathoka erimana. Neryo Yesu akamuhira kw’ebyalha biwe, neryo akatsuka erimana. Amalhama!

Eki kikahithanaya abakulhu b’amadini. Omughuma okw’ibo akabwira athya endeko y’abandu: ‘Hali biro mukagha ebya thutholere ithwa kolhamu. Ebyo by’ebiro eby’eryasirako erisyalhamibwa, butsira ekiro kye Sabato!’

Aliriryo Yesu akasubiraya athi: ‘Inywe balhume babi. Obuli mundu okw’inywe angana hangulha epunda yiwe n’erithwalha y’eyihya yika yanywa okwa kiro kye Sabato. Hathya omukali omwera oyu, oyuwamabiri lhwalha ahabw’ebirimo 18, sy’anga lhamibwa okwa kiro kye Sabato?’ Erisubirya lya Yesu lyamaleka abalhume babi aba ibakwa esisoni.

Enyuma waho, Yesu n’abakwenda biwe bakaghenda e Yerusalemu. Banamabya bahika eyihya y’omuyi we Yeriko, abalhume babiri esyandimethime abaka sabiriraya ba mwowa indi Yesu akalhaba. Neryo bakabirikira: ‘Yesu, thuwathikaye!’

Yesu akabirikira abalhume esyandimethime, n’eribabulya athi: ‘Mwanzire inga bakolera eki?’ Bakabugha bathi: ‘Mukama, wulibule ameso ethu.’ Yesu akathulha okwa meso abo, n’eritsuka erilhangira! Wunasi ekikaleka Yesu inyakolha ebithiko-thiko ebyosi ebi eby’eriswekya? Ni busana anzire abandu kandi akanza bamw’ikiriraye. N’ahabw’ekyo thuka kiminya ndeke-ndeke thuthi omughulhu akendi thabalha ng’Omwami, sihali n’omundu n’omughuma oyukendi sya lhwalha kandi.

Matayo 15:30, 31; Luka 13:10-17; Matayo 20:29-34.



Ebibulyo

  • Yesu akakolha ki akalendera omwa kihugho?
  • Ebirimo nga bisathu Yesu abatizibirwe, akabwira abakwenda biwe baki?
  • Abandu abali omwa kisasani ni bahi, kandi Yesu akakolera omukali yaki?
  • Busana naki erisubirya lya Yesu okwa buhaka bwa bakulhu b’amadini lika bahemulha?
  • Yesu n’abakwenda biwe bakabya bakahika hakuhi n’omuyi we Yeriko, akakolera ki esyandimethime ibiri esika sabiriraya?
  • Ekikaleka Yesu inyakolha ebithiko-thiko niki?

Ebibulyo eby’eryongerako

  • Soma Matayo 15:30, 31.

    Obuthoki bwa Yehova bukanganibirwe buthi omu Yesu omwanzira ey’eriswekya, kandi butholere ibwahamba buthi okw’iyitheghererya lyethu okwa bya Yehova abirilhagha busana n’ekihugho kihya-kihya? (Esy. 37:29; Isa. 33:24)

  • Soma Luka 13:10-17.

    Yesu erikolha ebindi bithiko-thiko biwe eby’akaghalha by’okwa kiro ekye Sabato, bikakanganaya bithi erilhuhuka ery’akendi syalethera abandu omughulhu w’Obuthabali bwiwe obw’Ebirimo Rukumi? (Luka 13:10-13; Esy. 46:9; Mt. 12:8; Kol. 2:16, 17; Erib. 21:1-4)

  • Soma Matayo 20:29-34.

    Omwatsi oyu akakanganaya athi ngoku Yesu syabya asurusuthire kutsibu erithendi wathikya abandu, kandi n’ethu eki thwang’igha mwaki? (Ebi. 15:7; Yak. 2:15, 16; 1 Yn. 3:17)