Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Ekitabu Kyaghe eky’Esyangano sye Biblia

Olhughano 71: Nyamuhanga Akalhaghanisaya e Paradiso

Olhughano 71: Nyamuhanga Akalhaghanisaya e Paradiso

EKI ni kisasani ekye paradiso eyiri ng’eya Nyamuhanga angabya inyakanganaya omuminyereri wiwe Isaya. Isaya abyaho enyuma sya Yona.

Abandu omwa Paradiso

Paradiso yikamanyisaya “eririma” kutse “eparaki.” Yanamakw’ibukya ekindu ekya thwabirilholhako omwa kitabu kino? Yisosire ndeke ng’eririma eryuwene erya Yehova Nyamuhanga akolera Adamu na Eva, kwa kithe? Aliriryo ekihugho kyosi kinamwendi syabya paradiso?

Yehova mwabwira omuminyereri wiwe Isaya erisakanga okwa paradiso nyihya-nyihya eyikayasira abandu ba Nyamuhanga. Mwabugha athi: ‘Embwa y’omwali n’ekyana ky’embuli byasikalha haghuma omwa buholho. Ebyana by’ende n’ebyana by’esyondale byasya lira haghuma, n’abana balere basyasondolhabyo. N’olhumekeke silhwendi syahuthalibwa lhwamasathira hakuhi n’enzoka y’obusewa.’

Abandi bangana bugha bathi: ‘Eki sikyangathokekana.’ ‘Okwa kihugho kulhue ikune ebitsibu, kandi bikendibya ibineko.’ Aliriryo thalengekania kukyo: Ni maka muhanda ki awa Nyamuhanga ahereraya Adamu na Eva?

Nyamuhanga mwahira Adamu na Eva omwa paradiso. Ni busana n’erithendi owa Nyamuhanga ky’ekyaleka ibaherya amaka abu mabuya, iba kekelhuha n’eriholha. Nyamuhanga akalhaghanisaya athi akendi syahererya abandu abamwanzire b’ebindu ebya Adamu na Eva baheraya.

Omwa paradiso nyihya-nyihya eyikayasa simwendisyabya kindu ekikahuthalhaya kutse erithoghothya. Yikendi syabya mw’obuholho obuhikene. Abandu abosi bakendisyabya n’amaghalha mabuya kandi ibanatsemire. Kikendisyabya ngokwa Nyamuhanga ananza athi kibye okw’itsuka. Aliriryo embere thukendi igha Nyamuhanga ngokwa akendi syalethayo.

Isaya 11:6-9; Eribisulirwa 21:3, 4.



Ebibulyo

  • Isaya abya nindi, abyaho mughulhu wahi, na Yehova mwa mukangania ki?
  • Ekinywe “paradiso” kikamanyisaya ki, kandi kika kw’ibukaya ki?
  • Yehova mwabwira Isaya athi asakange ki okwa Paradiso nyihya-nyihya?
  • Ekyaleka ya Adamu na Eva ibaherya eka yabu eyuwene niki?
  • Yehova akalhaghanisaya ki aba mwanzire?

Ebibulyo eby’eryongerako

  • Soma Isaya 11:6-9.

    Ekinywe kya Nyamuhanga kikakanganaya kithi obuholho obukendi syabya ahakathi-kathi k’abandu n’ebisoro omwa kihugho kihya-kihya? (Esy. 148:10, 13; Isa. 65:25; Eze. 34:25)

    Ebinywe bya Isaya binamubererera bithi bunyakirimu okw’abandu ba Yehova munabwire? (Abar. 12:2; Efe. 4:23, 24)

    Nindi oyutholere erisimwa ahabw’erihinduka ly’emibere y’abandu hathya n’omwa kihugho kihya-kihya? (Isa. 48:17, 18; Gal. 5:22, 23; Fil. 4:7)

  • Soma Eribisulirwa 21:3, 4.

    Amasako akanganaya athi ngokwa Nyamuhanga erikalha n’abandu sikiri manyisaya kithi ikere nabu hene-hene? (Law. 26:11, 12; 2 Emy. 6:18; Isa. 66:1; Erib. 21:2, 3, 22-24)

    Ni misonia n’eriaghalhwa muhanda ki ebikendi syahwaho? (Luka 8:49-52; Abar. 8:21, 22; Erib. 21:4)