Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Ekitabu Kyaghe eky’Esyangano sye Biblia

Olhughano 11: Ekima eky’Erimbere

Olhughano 11: Ekima eky’Erimbere

WUNASI ekindu ky’erimbere Noa akolha omughulhu iyo n’erihiika liwe balhua omw’obwathu? Mwahonga kutse eriherera Nyamuhanga. Wangana mulhangira akakolha eki omwa kisasani ekiri ahikwa. Noa mwahonga ekihongo eki eky’ebisoro erisima Nyamuhanga ahabw’erilhamya erihiika liwe okw’ibogha linene ly’amaghetse.

Obwathu n’ekima

Wukalengekanaya Yehova mwanatsemesibwa n’ekihongo? Inga, mwatsemesibwa. Neryo mwalhaghanisya Noa indi syendi syaswaherya kandi ekihugho omw’ibogha ly’amaghetse.

Muhathalhaba mughulhu muli neryo amaghetse wosi muma, Noa n’erihiika liwe mubatsuka engebe nyihya-nyihya eyihya sy’obwathu. Nyamuhanga mwabatsumulha n’eribabwira athi: ‘Mutholere imwabutha abana bangi. Mutholere imwakanyirira omwa bungi erihika aho abandu basy’ikalira okwa kihugho kyosi.’

Aliriryo enyuma waho, omughulhu abandu bang’owire okw’ibogha ly’amaghetse, banga kwire buba bathi eribogha linene ery’amaghetse eriri ng’eri lyangana syabya kandi. Neryo Nyamuhanga mwahiraho ekindu ekya ng’ibukirye abandu okw’ilhagha liwe ery’erithendi syasandalya ekihugho kyosi kandi. Wunasi ekyathekaho ery’ibibukya? Kyabya ky’ekima.

Noa n’eka yiwe

Ekima mughulhu munene kika lhangirawa omwa kyanya omughulhu eryuba lika kolha enyuma w’embulha eriwa. Ebima byanganabya n’esyarangi nyingi esyuwene. Wune wathakilhangira? Wanamalhangira ekiri omwa kisasani?

Eki kya Nyamuhanga abugha: ‘Nga lhaghanisaya nyithi si ngendi syaswathoghothya kandi abandu bosi n’ebisoro omw’ibogha ly’amaghetse. Nga kandaya ekima kyaghe omwa bithu. Kandi omughulhu ekima kya syakanda, nasyalhangirakyo n’ery’ibuka endaghane yaghe eyi.’

Neryo omughulhu wukalhangira ekima, kitholere ikya kw’ibukya eki? Inga, erilhagha lya Nyamuhanga athi syendi syaswathoghothya ekihugho kandi omw’ibogha inene ly’amaghetse.

Enzuko 8:18-22; 9:9-17.



Ebibulyo

  • Ngokwa kikanganibwe omwa kisasani, Noa mwatsuka erikolha ki abirilhua omwa bwathu?
  • Nyamuhanga mwaha Noa n’erihiika liwe b’ekihano ki enyuma w’Eribogha ery’amaghetse?
  • Nyamuhanga mwakolha ndaghano ki?
  • Omughulhu thukalhangira ekima, kika thw’ibukaya ki?

Ebibulyo eby’eryongerako

  • Soma Enzuko 8:18-22.

    Ithwe munabwire thwangaha thuthi ‘obukwa obuwene’ oku Yehova? (Enz. 8:21; Ebr. 13:15, 16)

    Yehova mwabugha athiki okwa mubere ow’omuthima w’omundu, kandi ni theya muhanda ki erya thutholere ithwabya nalyo? (Enz. 8:21; Mt. 15:18, 19)

  • Soma Enzuko 9:9-17.

    Ni ndaghane ki eya Yehova akolha n’ebihangikwa byosi eby’ekihugho? (Enz. 9:10, 11)

    Endaghane ey’ekima yikendi syabyaho erighunza mughulhu wahi iyine mukolha? (Enz. 9:16)