Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Ekitabu Kyaghe eky’Esyangano sye Biblia

Ekitsweka 2: Eribogha ly’Amaghetse Erihika okw’Iboholhwa ly’Erilhua e Misiri

Ekitsweka 2: Eribogha ly’Amaghetse Erihika okw’Iboholhwa ly’Erilhua e Misiri

Abandu munani basa ba basabuka Eribogha ly’Amaghetse, aliriryo obuthuku mubwahika bamakanya erihika esyankumi n’esyankumi. Neryo, ebirimo 352 enyuma w’Eribogha ly’Amaghetse, Abrahamu mwabuthwa. Thuk’igha ngokwa Nyamuhanga atheghaya erilhagha liwe ery’eriha Abrahamu y’omwana oyukahulhawa mwa Isaka. Neryo, okw’abana ba Isaka ababiri ab’obulhume, Yakobo mwasombolhwa na Nyamuhanga.

Yakobo abya withe erihiika linene ery’abalhwana 12 n’abandi bana b’obukali. Baghalha ba Yakobo 10 babya baponire mughalha wabu mulere Yozefu neryo mubamughulya ng’omukobe e Misiri. Enyuma waho, Yozefu mwabya muthabali mukulhu owe Misiri. Omughulhu enzalha mbi yasa, Yozefu mwalengesya baghalha babu erilhangira nga banawithe omuthima owabindukire. Okw’ighunzerera, erihiika lyosi lya Yakobo, Abaisraeli, mubaghenda e Misiri. Eki kyabanika enyuma w’ebirimo 290 Abrahamu abuthirwe.

Ahabw’ebindi birimo 215, Abaisraeli mubikalha omwa Misiri. Yozefu abere abiri holha, mubabya bakobe eyo. Endambi muyahika, Musa mwabuthwa, na Nyamuhanga mwa mukolesya erilhamya Abaisraeli erilhua e Misiri. Omwa byosi, ebirimo 857, ebyabya kera bikanibirweko omwa Kitsweka ekya KABIRI.

Erihiika lya Yakobo likaghenda e Misiri