Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Ekitabu Kyaghe eky’Esyangano sye Biblia

Olhughano 5: Engebe Eyikalire Yikatsuka

Olhughano 5: Engebe Eyikalire Yikatsuka

EYIHYA y’eririma, Adamu na Eva mubabana bitsibu bingi. Mubatsuka erikolha kutsibu eriyibanira ebyalya. Omwa mwanya w’emithi ey’ebighuma ebyuwene, mubalholha okw’amahwa n’amatholhu akalhasa ahabali. Eki kyakyabya kyabere Adamu na Eva babiri ghana eriowa Nyamuhanga n’erireka eribya banywani biwe.

Adamu na mughalha wiwe bane mukolha kutsibu

Aliriryo ibbwa eky’akabi kwilhaba aho, Adamu na Eva mubatsuka eriholha. Wibuke, Nyamuhanga asangawa inyabiri bakunga athi ibakendi syaholha bamalya okwa kighuma eky’omuthi mulebe. Kwenene, ekiro banalya mubatsukiraho eriholha. Kamubabya bakiru erithendi hulikirira Nyamuhanga!

Abana ba Adamu na Eva abosi muba buthwa Nyamuhanga inyabiri highitha ababuthi babu erilhua omw’irima erya Edeni. Eki kikamanyisaya kithi abana banga kekelhuhire n’eriholha.

Ya Adamu na Eva kubana thowa Yehova, ibo n’abana babu bangabere n’engebe ey’obutseme. Abosi bangabere omwa butseme okwa kihugho. Sihangabere na mughuma oyuwanga kekelhuhire, erilhwalha n’eriholha.

Nyamuhanga anzire abandu ib’ikalha omwa butseme kera na kera, kandi Iyo akalhaghanisaya athi kiro kithe ndaghano bakendi syabya bathya. Siky’ekihugho erisyabya kibuya lisa, aliriryo abandu abosi bakendisyabya n’amaghalha mabuya. Kandi obuli mundu okwa kihugho akendisyabya munywani wabuli mundu haghuma na Nyamuhanga.

Eva n’abaana biwe

Aliriryo Eva abya isiakiri munywani wa Nyamuhanga. Neryo abere abiributha abana biwe, mwakithabya kyolho eyali. Mwaghalhwa. Erithendiowa Yehova mukya mulethera malighe manene, siwuli ikiriraya?

Adamu na Eva mubabutha abana bangi ab’obulhume n’ab’obukali. Omwana wabu ow’obulhume ow’erimbere abere abiri buthwa, mubamulhuka mwa Kaina. N’omwana wabu ow’obulhume owakabiri mubamulhuka mwa Abeli. Niki ekyabya kyabahikireko? Wunasi?

Enzuko 3:16-23; 4:1, 2; Eribisulirwa 21:3, 4.



Ebibulyo

  • Engebe ya Adamu na Eva yabya yithi eyihya y’eririma ly’Edeni?
  • Niki ekyabya kyatsukire erihika oku Adamu na Eva, kandi busana naki?
  • Ekyangalekire abana ba Adamu na Eva ibakekelhuha n’eriholha niki?
  • Ya Adamu na Eva kubowa Nyamuhanga, engebe yabu n’ey’abana babu yangabere yithi?
  • Obuthowa bwa Eva mubwa mulethera buthi eriaghalhwa?
  • Amena w’abaghalha ba Adamu na Eva ababiri abatsuka ni ahi?
  • Abandi abana abali omwa kisasani ni bahi?

Ebibulyo eby’eryongerako

  • Soma Enzuko 3:16-23 na 4:1, 2.

    Eritsuma ekithaka mulyahamba lithi okwa ngebe ya Adamu? (Enz. 3:17-19; Abar. 8:20, 22)

    Busana naki erina lya Eva, erikamanyisaya ‘Oyuliho,’ litholere? (Enz. 3:20)

    Yehova mwa kangania athi eritsomana Adamu na Eva n’enyuma w’eribirihalya lyabu? (Enz. 3:7, 21)

  • Soma Eribisulirwa 21:3, 4. 

    Ni ‘myatsi ki ey’erimbere’ eya wanzire erisya lhangira yikalhusibwaho?