Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Mukangiriraye Abaana Benyu

 ERISOMO 12

Muhwa wa Paulo Abya Muthubaha

Muhwa wa Paulo Abya Muthubaha

Thuth’igha okwa mwojo oyuwaleka ibathitha nyokolhome wiwe. Nyokolhome w’omwojo oyu abya iy’omukwenda Paulo. Sithwasi erina ly’omwojo oyu, aliriryo thunasi ku mwakolha ekindu ekikakanganaya obuthubaha. Wunanzire eriminya eky’akolha?—

Paulo abya omwa ngomo e Yerusalemu. Babya ibabirimuhamba kundi abya akathulira abandu oku Yesu. Abandi balhume ababi mubapona Paulo, neryo mubaya embiitha nyibi, ni bugha mbu, erithegheka ekindu kibi omwa bubiso-biso. Mubabugha bathi: ‘Thusabe omukulhu w’abasirikali thuthi abwire abasirikali biwe athi bathwale Paulo y’omwa koti. Neryo thukendi balhamba omwa nzira, nuku bakendibya bakaletha Paulo, ithwamwitha!’

Muhwa wa Paulo mwabwira Paulo n’omukulhu w’abasirikali okwa mbiitha nyibi

Muhwa wa Paulo mwabowa bakabugha ebi. Angakolireki? Mwaghenda eyiri engomo amabwira Paulo. Aho n’aho, Paulo mwamubwira athi ayabwire omukulhu w’abasirikali okwa mwatsi oyu. Wukalengekanaya kyanabya kyolhobire muhwa wa Paulo eriyabwira omukulhu oyo?— Eyihi, kundi omukulhu oyo abya mulhume w’ekitsumbi kinene. Aliriryo muhwa wa Paulo mwathasagha neryo mwayabwira omukulhu oyo.

Omukulhu w’abasirikali mwaminya eky’erikolha. Mwimya abasirikali nga 500 nuku batheghaye Paulo okwa balhume babi! Mwabalhaghira athi balikithasyalinda, athi balhue bathwale Paulo ye Kaisaria omwa kiro. Paulo mwanahika buholho?— Ee, abalhume babi abo mubathathoka erimwitha! Ekyabanza erikolha mukyathabya.

Omwatsi oyu akakweghesayaki?— Nawu wanganabya nga muhwa wa Paulo, mwathasagha. Sithutholere thukasagha eribwira abandi oku Yehova. Wunemwendi bwira abandi oku Yehova ahathe erisagha?— Wamakolha ekyo, iwangana wathikya abandi erisyabana engebe y’erikotha.

SOMA OMWA BIBLIA

  • Emibiri 23:12-24

  • Matayo 24:14; 28:18-20

  • 1 Timoteo 4:16