Ghenda ahali omwatsi

Ghenda ahali obutsukiro obwakabiri

Ghenda ahali ebirimo

Abema ba Yehova

Lhukonzo

Mukangiriraye Abaana Benyu

 ERISOMO 1

Embiitha eya Thwanzire Eriminya

Embiitha eya Thwanzire Eriminya

Omundu ane athakubwira embiitha?— * E Biblia yikakanaya okwa mbiitha y’embaghane eyikalhua oku Nyamuhanga eyikahulhawa mwa “erikumbo.” Embiitha eyi yikahulhawa mw’ikumbo kundi abandu sibasiyo. Nibya n’abamalaika mubanza eriminya bingyi okw’ikumbo eryo. Wunanzire eriminya erikumbo eryo nga ni ryahi?—

Wukalengekanaya ni kyahi ekya bamalaika bakanza eriminya?

Kera kera, Nyamuhanga mwahangika omulhume n’omukali ab’erimbere. Babya bakahulhwa mwa Adamu na Eva. Nyamuhanga mwabaha ah’er’ikalha ahuwene kutsibu ahakahulhawa mwa Edeni. Adamu na Eva kubowa Nyamuhanga, ibo n’abaana babu banga kolire ekihugho kyosi mwa paradiso ng’Edeni. Kandi bang’ikere omwa Paradiso mwa kera na kera. Aliriryo wun’ibukire ekya Adamu na Eva bakolha?—

Adamu na Eva mubathowa Nyamuhanga, neryo ky’ekikaleka ithwabya isithuli omwa paradiso munabwire. Aliriryo Nyamuhanga mwabugha athi akendi syuwania ekihugho kyosi, neryo obuli mundu wosi iniabyaho kera na kera kandi inianatsemire. Angakolire ekyo ky’athi? Abandu babya isibasi. Yabya mbiitha.

Omughulhu Yesu asa okwa kihugho, mwakangirirya abandu b’emyatsi mingyi okwa mbiitha eyi. Mwabugha athi yihambire oko Bwami bwa Nyamuhanga. Yesu mwabwira abandu athi basabe bathi Obwami obo bwase. Bukendi syakolha ekihugho mwa paradiso eyuwene kutsibu.

Kyanamakutsemesya eriminya embiitha eyi?— Wuminye ngoku abakowa Yehova basa babakendi syikalha omwa Paradiso. E Biblia yikathubwira myatsi minene okwa balhume n’abakali abowa Yehova. Wunanzire erib’ighako?— Thulebaye abaghuma b’okw’ibo nga babya ini bahi kandi ngoku thwangabya ng’ibo.

SOMA OMWA BIBLIA

  • Mariko 4:11

  • 1 Petero 1:12

  • Enzuko 1:26-28; 2:8, 9; 3:6, 23

  • Matayo 6:9, 10

  • Esyonyimbo 37:11, 29

^ enu. 3 Omwa myatsi eyiri omwa katabu kano, wukendibya iwune mulhangira mw’akaminyikalho kano (—) okwa bindi bibulyo. Kakamanyisaya kathi wimane hake neryo iwaleka omwana wawu iniasubirya.