Langsung ka’ Content

Langsung ka’ menu kadua

Saksi-Saksi Yehuwa

Dayak Ahe

Bisa ge’ Diri’ Nana’ Mandarita Agi’?

Bisa ge’ Diri’ Nana’ Mandarita Agi’?

Ahe jawapan Kita’?

  • Bisa.

  • Ina’ bisa.

  • Nana’ nauan.

 AHE NANG ALKITAB NGATAATN

Allah . . . mao ngapus samua ai’ mata diri’ man kamatiatn ina’ ada agi’, uga’ ina’ ada pakabongan man kampak kasakitatn.”—Penyingkapan (Wahyu) 21:3, 4, Terjemahan Dunia Baru.

GUNANYA UNTU’ KITA’

Nauan kade’ pandaritaatn man cobaan buke’ dari Allah.Yakobus 1:13.

Repo nauan Allah padih ati nele’ diri’ mandarita.Zakharia 2:8.

Ada arapatn samua kajahatatn nana’ ada agi’.—Mazmur 37:9-11.

 AHE GE’ DIRI’ BISA PUCAYA’ KA’ AHE NANG ALKITAB NGATAATN?

Au’. Saina’nya ada dua alasan:

  • Allah teget ka’ pandaritaatn man kaina’adilatn. Coba tele’ lea ampahe Allah Yehuwa nele’ umat-Nya dinyiksa jaman are’. Alkitab matakatn ”ati Yehuwa padih nele’ umat-Nya kasakitatn dinyiksa”.—Hakim 2:18, Bahasa Indonesia Masa Kini.

    Allah teget ka’ urakng nang nyakiti’ urakng lain. Contohnya Alkitab matakatn, Allah sidi teget ka’ urakng nang munuh urakng nang ina’ basalah.—Amsal 6:16, 17.

  • Allah Yehuwa paduli ka’ satiap urakng. Allah ngataatn, ”Tabakatn samua kakuatiratn kita’ ka’ Ia, sabab Ia paduli ka’ diri’.”—1 Petrus 5:7.

Ngalalui Pamarentahatn-Nya, Yehuwa ina’ lama agi’ ngapusa’ pandaritaatn satiap urakng. (Matius 6:9, 10) Ampeatn, Ia dah pangasih ngibur samua urakng nang tulus ati ngagoi’ Ia.—Kisah 17:27; 2 Korintus 1:3, 4.

 UNTU’ DIPIKIRI’

Ngahe Allah miaratn pandaritaatn?

Alkitab nyawap patanyaan nian ka’ ROMA 5:12 man 2 PETRUS 3:9.