Langsung ka’ Content

Langsung ka’ menu kadua

Saksi-Saksi Yehuwa

Dayak Ahe

Ahe Pamarentahatn Allah koa?

Ahe Pamarentahatn Allah koa?

Manurut Kita’, ahe ge’ . . .

  • ada ka’ dalapm ati diri’?

  • pamarentahatn ka’ saruga?

  • nana’ nauan?

 AHE NANG ALKITAB NGATAATN

”Allah ka’ saruga mao’ mamuat pamarentahatn nang kakal salamanya.”Daniel 2:44, Bahasa Indonesia Masa Kini.

”Seko’ kamuda’ dah dimaranakatn untu’ diri’, bujakng tarigas dah dimareatn untu’ diri’; tanda pamarentahatn ada ka’ atas bahunya.”Yesaya 9:5, Terjemahan Baru.

GUNANYA UNTU’ KITA’

  • Kita’ bisa idup dame barakat ada pamarentahatn nang adil man bisa dipucaya’.Yesaya 48:17, 18.

  • Kita’ ina’ sakit agi’, ba tubuh ringakng, man idup repo ka’ dunia barahu.Penyingkapan (Wahyu) 21:3, 4.

 AHE GE’ DIRI’ BISA PUCAYA’ KA’ AHE NANG ALKITAB NGATAATN?

Au’. Saina’nya ada dua alasan:

  • Yesus dah mare’ bukti ahe nang bisa dipamuat Pamarentahatn Allah. Ia ngajari’ pangikutnya untu’ noaatn biar Pamarentahatn Allah atakng man kahendak-Nya tajadi ka’ dunia. (Matius 6:9, 10) Yesus mare’ bukti doa koa pasti dijawap ana.

    Waktu Yesus ka’ dunia, ia mare’ makatn nang lapar, nyamuhatn nang sakit, ngidupatn nang mati! (Matius 15:29-38; Yohanes 11:38-44) Nian bukti, ana kade’ ia jadi Raja ka’ Pamarentahatn Allah, ia mao’ mamuat nang labih hebat agi’ untu’ rakyatnya.Penyingkapan 11:15.

  • Kaadaatn dunia mare’ bukti kade’ Pamarentahatn Allah koa dah atakngnga’. Yesus ngataatn paparangan, kalaparatn, man gempa bumi ka’ manyak tampat pasti tajadi doho sanape’ Pamarentahatn Allah ngatangan padamean ka’ dunia.Matius 24:3, 7.

    Koalah nang dah diri’ nele’ ampeatn. Jadi, diri’ bisa pucaya’ Pamarentahatn Allah koa ina’ lama agi’ ngapusa’ samua masalah.

 UNTU’ DIPIKIRI’

Ahe nang bisa diri’ ngampu’ kade’ Pamarentahatn Allah bakuasa?

Alkitab nyawap patanyaan nian ka’ MAZMUR 37:29 man YESAYA 65:21-23.