Langsung ka’ Content

Langsung ka’ menu kadua

Saksi-Saksi Yehuwa

Dayak Ahe

Manurut Kita’ ampahe Masa Depan Diri’?

Manurut Kita’ ampahe Masa Depan Diri’?

Ahe ge’ dunia nian . . .

  • lea nian maan?

  • makin gagas?

  • makin jahat?

 AHE NANG ALKITAB NGATAATN

”Allah . . . mao ngapus samua ai’ mata diri’, man kamatiatn ina’ ada agi’, uga’ ina’ ada pakabongan man kampak kasakitatn, pakara-pakara nang are’ dah langit.”Wahyu 21:3, 4, Terjemahan Baru.

GUNANYA UNTU’ KITA’

Ngarasa puas man repo sabab samua pakarajaatn ada aselnya.—Yesaya 65:21-23.

Ina’ ada agi’ pandaritaatn, panyakit man kamatiatn.—Yesaya 25:8; 33:24.

Kaidupatn repo nang ina’ tabatas man samilikatn, kamarkapala, man samua urakng.—Mazmur 37:11, 29.

 AHE GE’ DIRI’ BISA PUCAYA’ KA’ AHE NANG ALKITAB NGATAATN?

Au’. Saina’nya ada dua alasan:

  • Allah sanggup napati’ janjinya. Ka’ Alkitab, hanya Allah Yehuwa nang disabut ”Mahakuasa”, sabab kuasanya ina’ tabatas. (Wahyu 15:3) Ia pasti sanggup napati’ janji-Nya untu’ ngarubah dunia nian jadi labih gagas. Alkitab ngataatn, ”Ka’ Allah samuanya bisa.”—Matius 19:26.

  • Allah sidi mao’ napati’ janji-Nya. Contohnya, Yehuwa ”reho” ngidupatnna’ urakng-urakng nang dah mati.Ayub 14:14, 15.

Alkitab matakatn Yesus batol mao’ nyamuhatn urakng nang sakit. (Markus 1:40, 41) Lea Allah, Yesus mao’ sidi manto’ urakng nang susah.—Yohanes 5:19.

Diri’ bisa pucaya’ ka’ Yehuwa man Yesus, kade’ ka’ masa depan ana mao’ mare’ diri’ kaidupatn nang repo!—Mazmur 72:12-14; 145:16; 2 Petrus 3:9.

 UNTU’ DIPIKIRI’

Ampahe Allah maikia’ dunia nian?

Alkitab nyawap patanyaan nian ka’ MATIUS 6:9, 10 man DANIEL 2:44.