Langsung ka’ Content

Langsung ka’ daptar isi

Saksi-Saksi Yehuwa

Pilih Bahasa Dayak Ahe

 BAGIAN 3

Saparati Ahe ge’ Kaidupatn ka’ Firdaus?

Saparati Ahe ge’ Kaidupatn ka’ Firdaus?

Yehuwa mare’ manyak barakat ka’ Adam man Hawa. Kejadian 1:28

Yehuwa mamuat Hawa, man mare’atnnya ka’ Adam sabage bininya.​—Kejadian 2:21, 22.

Yehuwa nyiptaatn Adam man Hawa sampurana, pikiran man tubuhnya nana’ bacacat.

Ia badua badiapm ka’ Firdaus ato Taman Eden​—tampat nang sidi gagas, ada sunge, puhutn buah, man manyak laok.

Yehuwa bakata ka’ Adam man Hawa, ngajari’ ia badua. Kade’ nangaratn Allah, ia badua bisa idup salamanya ka’ bumi Firdaus.

 Allah ngalarang Adam man Hawa makatn buah dari sote’ puhutn. Kejadian 2:16, 17

Yehuwa bapadah ka’ Adam man Hawa ame makatn buah dari sote’ puhutn nang ada ka’ taman. Kade’ ia badua makatn buah koa pasti mati.

Seko’ malaekat nantang man ngalawan Allah. Malaekat nang jahat koa disabut Setan Balis.

Setan bai’ kade’ Adam man Hawa naati’ Yehuwa. Ia make seko’ ular untu’ mataki’ Hawa, kade’ Hawa makatn buah puhutn koa ia ina’ mati, tapi bisa jadi saparati Allah. Jalas katanya koa alok.​—Kejadian 3:1-5.