Langsung ka’ Content

Langsung ka’ menu kadua

Langsung ka’ daptar isi

Saksi-Saksi Yehuwa

Dayak Ahe

Barita Baik dari Allah!

 PALAJARAN 2

Sae ge’ Allah nang Banar?

Sae ge’ Allah nang Banar?

1. Ngahe diri’ harus nyambah Allah?

Allah nang banar koa pancipta samua hal. Ia nana’ ada awal man ahir. (Mazmur 90:2) Barita baik ka’ dalapm Alkitab barasal dari Allah. (1 Timotius 1:11) Karna Allah mare’ diri’ kaidupatn, cuma Ia nang harus diri’ sambah.Baca Wahyu 4:11.

2. Ahe nang Alkitab ngataatn tentang Allah?

Nana’ ada urakng nang suah nele’ Allah karna Ia koa Roh, ratinya bentuk kaidupatn Allah koa labih tingi daripada ciptaan-Nya nang ada ka’ dunia. (Yohanes 1:18; 4:24) Tapi diri’ bisa nau’an sipat Allah dari ciptaan-Nya. Contohnya, bamacam buah man bunga nojokatn kade’ Ia koa pangasih, hebat, man pintar. Langit nang luas nojokatn kuasa-Nya.Baca Roma 1:20.

Waktu maca Alkitab diri’ bisa nau’an labih manyak tentang sipat Allah. Contohnya, Alkitab mare’ diri’ nau’an ahe nang Allah sukai’ man nana’ Ia sukai’, cara Ia ba’urusan man urakng-urakng, man cara Ia ngadapi’ manyak situasi.Baca Mazmur 103:7-10.

3. Ahe ge’ Allah badama?

Yesus bakata, ”Apa’ kami nang ka’ saruga, biarlah dama Kita’ dikudusatn.” (Matius 6:9) Walopun Allah manyak gelar tapi Ia hanya ngampu’ sote’ dama. Cara nyabutatn dama Allah babeda-beda bagantung ka’ bahasanya. Ka’ dalapm bahasa Dayak Ahe, dama koa disabut ”Yehuwa”. Tapi ada uga’ nang nyabutnya ”Yahweh”.Baca Mazmur 83:18.

Ka’ manyak Alkitab dama Allah dah dingapus man dinganti pake gelar Tuhan ato Allah. Tapi, waktu Alkitab dinulis, dama Allah dinyatat kira-kira 7.000 kali.  Waktu ngajar urakng tentang Allah, Yesus mare’ nau’an uga’ dama Allah.Baca Yohanes 17:26.

4. Ahe ge’ Yehuwa sayang ka’ diri’?

Lea apa’ nang pangasih, Allah batindak untu’ kabaikatn diri’

Karna ada manyak pandaritaan, ahe ge’ nian barati Yehuwa nana’ sayang ka’ diri’? Manyak urakng bakata kade’ pandaritaan diri’ koa cobaan dari Allah. Tapi, nian nana’ banar.Baca Yakobus 1:13.

Allah ngaragai’ martabat manusia man mare’ ia ka’ koa kabebasan untu’ milih. Diri’ pasti ngaragai’ kabebasan nian kan? (Yosua 24:15) Tapi manyak urakng milih untu’ babuat jahat ka’ urakng lain. Koalah sababnya, sidi manyak pandaritaan. Yehuwa padih ati nele’ pabuatan nang nana’ adil lea koa.Baca Kejadian 6:5, 6.

Allah Yehuwa sayang ka’ diri’. Ia mao’ supaya diri’ bisa nikmati’ idup. Sabantar agi’, Allah mao’ ngilangan pandaritaan man samua panyababnya. Pasti ada alasannya ngahe Ia miaratn pandaritaan masih ada sampe ampaikng. Ka’ palajaran 8, diri’ bisa nau’an ahe alasannya.Baca 2 Petrus 2:9; 3:7, 13.

5. Ampahe diri’ bisa samak man Allah?

Yehuwa ngundang diri’ supaya samak ka’ Ia, caranya koa ngomong man Ia ngalalui’ doa. Ia maratiatn tiap urakng. (Mazmur 65:2; 145:18) Ia mao’ ngampuni’ diri’. Ia ngaragai’ usaha diri’ untu’ muat Ia repo, walopun kadang-kadang diri’ nana’ barasel. Jadi, biarpun diri’ nana’ sampurana, diri’ bisa akrab man Allah.Baca Mazmur 103:12-14; Yakobus 4:8.

Kasih diri’ ka’ Yehuwa harus labih aya’ dari pada kasih diri’ ka’ urakng lain, sabab Yehuwa nang mare’ diri’ kaidupatn. (Markus 12:30) Kasih koa Kita’ tele’atn ngalalui’ balajar labih manyak tentang Allah uga’ mamuat ahe nang Ia minta’. Aselnya, Kita’ makin akrab man Ia.Baca 1 Timotius 2:4; 1 Yohanes 5:3.