Langsung ka’ Content

Langsung ka’ menu kadua

Langsung ka’ daptar isi

Saksi-Saksi Yehuwa

Dayak Ahe

Barita Baik dari Allah!

 PALAJARAN 5

Ahe Tujuan Allah untu’ Bumi?

Ahe Tujuan Allah untu’ Bumi?

1. Ngahe Allah mamuat bumi?

Yehuwa mare’atn bumi untu’ manusia. Nianlah rumah diri’. Jadi, manusia pertama, Adam man Hawa, ina’ dimamuat untu’ idup ka’ saruga—Allah udah mamuat malaekat-malaekat untu’ badiapm ka’ saruga. (Ayub 38:4, 7) Allah nampatatn Adam man Hawa ka’ sabuah firdaus nang edo’ nang di sabut Taman Eden. (Kejadian 2:15-17) Yehuwa mare’ ia man katurunannya kasampatan untu’ idup salamanya ka’ bumi.Baca Mazmur 37:29; 115:16.

De’e, hanya Taman Eden nang kaadaannya lea firdaus. Katurunan Adam man Hawa bisa manuhi’ bumi. Naenya, ia ka’ koa bisa nguasai’ saluruh bumi man mamuatnya jadi firdaus. (Kejadian 1:28) Bumi nian nana’ paranah diancuratnna’ tapi salalu jadi tampat badiapm manusia.Baca Mazmur 104:5.

2. Ngahe ampaikng bumi buke’ firdaus agi’?

Adam man Hawa nana’ naati’ Yehuwa, koalah sababnya Yehuwa ngusir ia badua dari taman koa. Firdaus dah ilang man nana’ ada manusia nang barasel mamuatnya agi’. Alkitab bakata, ”Bumi dah dinyarahatn ka urakng jahat.”—Ayub 9:24.Baca Kejadian 3:23, 24.

Ahe ge’ tujuan Yehuwa nang samula untu’ manusia dah gagal? Ina’! Ia mahakuasa. Ia nana’ paranah gagal. (Yesaya 45:18) Ia mao’ mulangan agi’ kaidupatn nang baik untu’ manusia nang sasue man ahe nang ia mao’ ka’ mulanya.Baca Mazmur 37:11, 34.

3. Ampahe Yehuwa mulangan Firdaus agi’?

Waktu Yesus mamarentah sabage Raja ka’ saruga, Ia mao’ mulangan Firdaus ka’ bumi. Ka’ parang nang disabut Armagedon, Yesus mimpin  malaekat-malaekat Allah untu’ ngalanyapatn samua musuh Allah. Laka koa, Yesus minjara’atn Setan salama’ 1.000 tahutn. Umat Allah salamat ka’ parang Armagedon nian sabab Yesus mimbing man ngalinukngi’ ia ka’ koa. Akhirnya umat Allah bisa idup salamanya ka’ bumi Firdaus.Baca Wahyu 20:1-3; 21:3, 4.

4. Kamule diri’ nana’ mandarita agi’?

Kamule Allah mao’ ngalanyapatn kajahatan ka’ dunia? Yesus mare’ ”tanda” nang nojokatn kade’ ahir koa dah samak. Kade’ kaadaan dunia lea nian ma’an, samua manusia pasti lanyap. Hal nian nojokatn kade’ diri’ dah idup ka’ ”pangabisatn dunia nian [”penutup sistem ini”, Terjemahan Dunia Baru]”.Baca Matius 24:3, 7-14, 21, 22.

Waktu Yesus mamarentah bumi dari saruga salama’ 1.000 tahutn, ia mao’ ngalanyapatn samua pandaritaan. (Yesaya 9:6, 7; 11:9) Ia uga’ mao’ ngapus dosa urakng-urakng nang ngasihi’ Allah. Jadi, ngalalui’ Yesus, Allah mao ngalanyapatn panyakit, umur tuha, man kamatiatn.Baca Yesaya 25:8; 33:24.

5. Sae nang badiapm ka’ Firdaus nae?

Ka’ Balai Kerajaan, Kita’ bisa batamu man urakng-urakng nang kasih ka’ Allah man mao’ balajar caranya mamuat Allah repo

Urakng-urakng nang naati’ parentah Allah bisa idup ka’ Firdaus. (1 Yohanes 2:17) Yesus nyuruh pangikutnya untu’ ngago’ urakng-urakng nang lamut ati man ngajari’ ia ka’ koa caranya mamuat ati Allah repo. Ampaikng, Yehuwa nyiapatn manyak urakng untu’ idup ka’ bumi Firdaus nae. (Zefanya 2:3) Ka’ Balai Kerajaan Saksi-Saksi Yehuwa, urakng-urakng bisa balajar jadi laki bini man apa’ uwe’ nang labih baik. Kamuda’ man urakng tuha barage ba’ibadah man balajar untu’ nyalanan parentah Allah supaya idupnya labih baik.Baca Mikha 4:1-4.