Langsung ka’ Content

Langsung ka’ menu kadua

Langsung ka’ daptar isi

Saksi-Saksi Yehuwa

Dayak Ahe

Barita Baik dari Allah!

 PALAJARAN 11

Ahe Gunanya Parinsip-Parinsip Alkitab untu’ Diri’?

Ahe Gunanya Parinsip-Parinsip Alkitab untu’ Diri’?

1. Ngahe manusia paralu dibimbing?

Ampahe parinsip Alkitab manto’ diri’ ba’ati-ati supaya nana’ cilaka? —MAZMUR 36:9.

Pancipta diri’ labih bijaksana daripada diri’. Sabage Apa’ nang pangasih, Ia sidi paduli ka’ diri’. Salain koa, diri’ nana’ dipamuat untu’ idup bebas. (Yeremia 10:23) Lea kamuda’ enek nang paralu dibimbing urakng tuhanya, diri’ pun sidi paralu dibimbing Allah. (Yesaya 48:17, 18) Parinsip-parinsip Alkitab koa pamimbing nang Allah mare’ untu’ diri’.Baca 2 Timotius 3:16.

Kade’ nyalanan ukum man parinsip Yehuwa, kaidupatn diri’ labih baik ampaikng man namu barakat nang kakal ka’ masa depan. Karna Allah koa Pancipta diri’, saharusnya diri’ repo ngikuti’ bimbingan-Nya.Baca Mazmur 19:7, 11; Wahyu 4:11.

2. Ahe parinsip-parinsip Alkitab koa?

Parinsip Alkitab koa kabanaran-kabanaran nang nana’ bisa barubah. Kade’ Ukum bisa barubah sasue man kaadaan ato masalah. (Ulangan 22:8) Diri’ harus ngunaan kamampuan bapikir diri’ untu’ nau’an caranya nyalanan parinsip Alkitab. (Amsal 2:10-12) Contohnya, Alkitab bakata kade’ kaidupatn koa pamare’atn Allah.

Jadi, waktu diri’ bakaraja, ka’ rumah ato waktu bajalatn, parinsip nian manto’ diri’ ba’ati-ati supaya nana’ cilaka.Baca Kisah 17:28.

3. Dua parinsip mae nang sidi panting?

Yesus mare’ nau’an dua parinsip nang sidi panting. Parinsip pertama ba’ubungan man tujuan idup manusia, untu’ nganal, ngasihi’, man satia ngalayani’  Allah. Parinsip pertama nian paralu diri’ pikiri’ waktu muat kaputusan ahe pun. (Amsal 3:6) Urakng-urakng nang nyalanan parinsip nian bisa barayukng man Allah, namu kabahagiaan sajati, man idup kakal.Baca Matius 22:36-38.

Parinsip kadua mimbing diri’ supaya bisa ngampu’ ubungan nang dame man urakng lain. (1 Korintus 13:4-7) Untu’ nyalanan parinsip kadua nian, diri’ paralu niru cara Allah baurusan man manusia.Baca Matius 7:12; 22:39, 40.

4. Ahe gunanya parinsip-parinsip Alkitab untu’ diri’?

Kade’ nyalanan parinsip-parinsip Alkitab, kaluarga-kaluarga bisa saling ngasihi’. (Kolose 3:12-14) Parinsip Alkitab uga’ bisa ngalinukngi’ kaluarga. Alkitab bakata kade’ panganten koa untu’ saumur idup.Baca Kejadian 2:24.

Kade’ nyalanan parinsip-parinsip Alkitab, ati diri’ tanang man idup nana’ bakakurangan. Contohnya, bos labih suka ka’ anak buah nang jujur man rajin bakaraja sabab nyalanan parinsip Alkitab. (Amsal 10:4, 26; Ibrani 13:18) Alkitab uga’ ngajari’ diri’ supaya ngarasa cukup man puas ka’ ka’adaan diri’, sabab barayukng man Allah labih panting dari pada kakayaan.Baca Matius 6:24, 25, 33; 1 Timotius 6:8-10.

Nyalanan parinsip Alkitab uga’ bisa ngalinukngi’ kasehatan diri’. (Amsal 14:30; 22:24, 25)Misalnya, kade’ diri’ naati’ parentah Allah nang ngalarang diri’ untu’ kamabuk, diri’ nana’ kana panyakit man kacalakaan. (Amsal 23:20) Yehuwa nana’ ngalarang diri’ nyocok, tapi ame balabihatn sampe kamabuk. (Mazmur 104:15; 1 Korintus 6:10) Parinsip-parinsip nang Allah mare’atn sidi baguna untu’ ngajar diri’ supaya nyaga pabuatan man pikiran diri’. (Mazmur 119:97-100) Urakng Karisten ngaragai’ parinsip Allah buke’ hanya baguna untu’ ia babaro. Tapi, ia ka’ koa mao’ mamuat ati Allah repo.Baca Matius 5:14-16.