Langsung ka’ Content

Langsung ka’ menu kadua

Langsung ka’ daptar isi

Saksi-Saksi Yehuwa

Dayak Ahe

Barita Baik dari Allah!

 PALAJARAN 13

Ahe nang Mao’ Tajadi man Agama?

Ahe nang Mao’ Tajadi man Agama?

1. Ahe ge’ samua agama baik?

Ada urakng-urakng nang tulus ati ka’ samua agama. Allah nele’ man paduli ka’ urakng-urakng koa. Nian barita baik. Tapi sidi sayang, manyak hal jahat nang dipamuat make’ dama agama. (2 Korintus 4:3, 4; 11:13-15) Manurut laporan, ada agama nang ikut ka’ dalapm terorisme, pamunuhan manyak urakng, parang, man nyiksa kamuda’. Hal-hal nian nyusahatn ati manyak urakng nang pucaya’ ka’ Allah!Baca Matius 24:3-5, 11, 12.

Agama nang sajati muat Allah repo. Tapi, agama palsu nyakiti’ atinya. Agama palsu ngajaratn hal-hal nang nana’ sasue Alkitab, misalnya ajaran palsu tentang Allah man urakng mati. Tapi, Yehuwa mao’ urakng-urakng nau’an kabanaran tentang Ia.Baca Yehezkiel 18:4; 1 Timotius 2:3-5.

2. Ahe nang mao’ tajadi man agama?

Sukurlah, Allah nana’ bisa dialoki’ agama nang ngako’ kasih ka’ Ia tapi sabanarnya kasih ka’ dunia Setan. (Yakobus 4:4) Alkitab nyabut samua agama palsu sabage ”Babilon Besar”. Babilon koa kota ka’ jaman are’ tampat bamulanya agama palsu laka’ Ai’ Bah jaman Nuh. Ina’ lama agi’, Allah mao’ ngancuratnna’ agama nang nipu man nyusahatn manusia.Baca Wahyu 17:1, 2, 5, 16, 17; 18:8.

Tapi masih ada barita baik lain agi’. Yehuwa nana’ ngalupa’atn urakng-urakng nang tulus ati nang masih ada ka’ dalapm agama-agama palsu ka’ saluruh dunia. Allah ngajaratn kabanaran. Aselnya, urakng-urakng ka’ koa kaluar dari agama palsu.Baca Mikha 4:2, 5.

 3. Ahe nang harus dipamuat urakng-urakng nang tulus ati?

Agama nang banar nyatuatn samua urakng

Yehuwa paduli ka’ urakng-urakng nang ngasihi’ ahe nang baik man nang banar. Allah nyuruh ia ka’ koa kaluar dari agama palsu. Urakng-urakng nang kasih ka’ Allah mao’ mamuat parubahan untu’ nyanangan ati-Nya.Baca Wahyu 18:4.

Ka’ jaman Yesus de’e, waktu urakng-urakng nang tulus ati nangar barita baik dari murid-murid Yesus, ia ka’ koa sidi repo. Ia ka’ koa balajar cara idup nang baru dari Yehuwa. Nianlah pilihan idup nang labih bahagia sabab mare’atn tujuan man arapatn. Murid-murid Yesus nian mare’ contoh untu’ diri’ ampaikng sabab ia ka’ koa dah narima’ barita baik man nyambah Yehuwa.Baca 1 Tesalonika 1:8, 9; 2:13.

Yehuwa nyambut urakng-urakng nang dah ninggalatn agama palsu man ngundang ia ka’ koa untu’ bagabung ka’ ibadah sajati. Kade’ Kita’ nyambut undangan Yehuwa, Kita’ bisa barayukng man Ia, bagabung man kaluarga panyambahnya man namu kaidupatn kakal.Baca Markus 10:29, 30; 2 Korintus 6:17, 18.

4. Ngahe samua urakng ka’ bumi ahirnya bahagia?

Ukuman nang mao’ Allah atangan ka’ agama palsu pasti barita baik untu’ diri’. Agama palsu nana’ paranah agi’ nyasatatn man misahatn umat manusia. Samua urakng dinyatuatn ka’ sote’ ibadah untu’ nyambah sote’ Allah nang banar.Baca Wahyu 18:20, 21; 21:3, 4.