Langsung ka’ Content

Langsung ka’ menu kadua

Langsung ka’ daptar isi

Saksi-Saksi Yehuwa

Dayak Ahe

Barita Baik dari Allah!

 PALAJARAN 7

Ahe Kerajaan Allah Koa?

Ahe Kerajaan Allah Koa?

1. Ahe Kerajaan Allah koa?

Ngahe Yesus koa’ Raja nang paling tapat?MARKUS 1:40-42.

Kerajaan Allah koa sote’ pamarentahatn ka’ saruga. Kerajaan nian mao’ ngantia’ samua pamarentahatn lain, supaya tujuan Allah tajadi ka’ saruga man ka’ bumi. Pasti nian barita baik untu’ diri’. Manusia sidi paralu pamarentahatn nang baik, ina’ lama agi’ Kerajaan Allah mao’ nyatuatnna’ samua urakng nang idup ka’ bumi.Baca Daniel 2:44; Matius 6:9, 10; 24:14.

Kerajaan biasanya diparentah seko’ raja. Yehuwa dah milih Yesus Karistus untu’ jadi Raja ka’ Kerajaannya.Baca Wahyu 11:15.

2. Ngahe Yesus koa’ Raja nang sidi’ tapat?

Yesus koa’ Raja nang paling tapat sabab ia baik ati, man ia salalu mela kabanaran. (Yohanes 1:14) Laka’ dingidupatn, ia naik ka’ saruga man duduk ka’ sabalah kanan Yehuwa. Allah mare’ ia kuasa untu’ mamarentah. (Ibrani 10:12, 13) Koalah sababnya ia bakuasa manto’ urakng-urakng ka’ bumi sabab ia mamarentah dari saruga.Baca Daniel 7:13, 14.

3. Sae nang mamarentah man Yesus?

Sakalompok urakng nang dinyabut ”urakng-urakng kudus” mamarentah man Yesus ka’ saruga. (Daniel 7:27) Nang pertama dimilih jadi urakng-urakng kudus koa murid-murid Yesus nang satia. Sampe ampaikng pun, Yehuwa masih milih nang laki man nang bini nang ba’iman untu’ jadi urakng-urakng kudus. Lea Yesus, ia ka’ koa dingidupatn ka’ saruga man dimare’ tubuh roh.Baca Yohanes 14:1-3; 1 Korintus 15:42-44.

 Sangahe jumbalah urakng nang ampus ka’ saruga? Jumbalahnya 144.000. Yesus nyabut ia ka’ koa ”kawanan kecil”. (Lukas 12:32, Terjemahan Dunia Baru) Urakng-urakng nianlah nang mamarentah man Yesus dari saruga.Baca Wahyu 14:1.

4. Ahe nang tajadi waktu Yesus mulai’ mamarentah?

Kerajaan Allah mulai’ mamarentah tahutn 1914. * Nang pertama Yesus pamuat sabage Raja, Yesus nabakatn Setan man antu-antunya ka’ bumi. Setan sidi bera lalu mamuat kasusahatn ka’ saluruh dunia. (Wahyu 12:7-10, 12) Koa lah sababnya pandaritaan diri’ makin ari makin manyak. Parang, kalaparatn, panyakit man gempa bumi koa jadi ”tanda” kade’ ina’ lama agi’ Kerajaan Allah bakuasa ka’ dunia.Baca Lukas 21:7, 10, 11, 31.

5. Ahe nang mao’ dipamuat Kerajaan Allah?

Ngalalui’ pakarajaatn pambaritaan ka’ saluruh dunia, Kerajaan Allah dah nyatuatn manyak urakng dari samua bangsa. Urakng-urakng nang lamut ati nian mao’ jadi rakyat Yesus. Ia ka’ koa dingalinukngi’ waktu Kerajaan Allah ngancuratn pamarentahatn nang ada ka’ dunia. Samua urakng nang mao’ namu barakat dari Kerajaan Allah harus balajar ta’at ka’ Yesus.Baca Wahyu 7:9, 14, 16, 17.

Salama’ 1.000 tahutn, Kerajaan Allah mao’ mamuat saluruh bumi nian jadi firdaus. Ahirnya, Yesus nyarahatn Kerajaan koa ka’ Apa’nya. (1 Korintus 15:24-26) Ka’ sae Kita’ mao’ bagesah tentang Kerajaan Allah?Baca Mazmur 37:10, 11, 29.

 

^ par. 6 Untu’ katarangan tentang nubuat Alkitab soal tahutn 1914, tele’ alaman 215-218 buku Apa yang Sebenarnya Alkitab Ajarkan? (Dah ada ka’ dalapm Bahasa Indonesia)