Langsung ka’ Content

Langsung ka’ daptar isi

Saksi-Saksi Yehuwa

Pilih Bahasa Dayak Ahe

 PALAJARAN 6

Ahe Arapatn untu’ Urakng Mati?

Ahe Arapatn untu’ Urakng Mati?

1. Ahe barita baik untu’ urakng mati?

Waktu Yesus ka’ bumi, ayukngnya nang badama Lazarus mati. Ia dah mati salama’ ampat ari waktu Yesus atakng ka’ rumahnya. Yesus ampus ka’ suburnya barage Marta man Maria, adi’ Lazarus nang bini. Laka’ koa, urakng-urakng atakng bakomo’. Coba Kita’ bayangkan ampahe parasaan Marta man Maria waktu Yesus ngidupatn Lazarus agi’?Baca Yohanes 11:21-24, 38-44.

Marta dah nau’an barita baik untu’ urakng mati. Ia nau’an kade’ Yehuwa mao’ ngidupatn urakng mati untu’ idup ka’ bumi agi’.Baca Ayub 14:14, 15.

2. Ampahe kaadaan urakng mati?

Allah bakata ka’ Adam, ”Kao dari dabu pulakng agi’ ka’ dabu.”KEJADIAN 3:19.

Manusia dimamuat dari dabu tanah. (Kejadian 2:7; 3:19) Nana’ ada roh ka’ dalapm tubuh diri’. Jadi, kade’ manusia mati nana’ ada agi’ bagian dari tubuhnya nang tarus idup. Samuanya mati. Otak pun mati uga’, jadi nana’ ada agi’ nang diingat. Koalah sababnya, Lazarus nana’ bacurita ahe ma’an nang ia ngalami’ waktu ia mati, sabab urakng mati nana’ sadar ahe pun.Baca Mazmur 146:4; Pengkhotbah 9:5, 6, 10.

Ahe ge’ Allah nyiksa urakng mati ka’ dalapm api naraka? Alkitab ngataatn kade’ urakng mati nana’ nau’an ahe pun. Koalah sababnya, api naraka koa ajaran palsu nang nuduh Allah. Nyiksa urakng ka’ dalapm api naraka, nana’ ada ka’ dalapm pikiran Allah, Ia teget ka’ hal koa.Baca Yeremia 7:31.

 3. Bisa ge’ diri’ ngomong man urakng mati?

Urakng mati nana’ bisa ngomong ato nangar. (Mazmur 115:17) Tapi ada malaekat-malaekat nang jahat. Malaekat nian ngomong ka’ urakng-urakng supaya urakng bapikir kade’ urakng nang dah mati masih idup. (2 Petrus 2:4) Yehuwa mai’an diri’ untu’ ngomong man urakng mati.Baca Ulangan 18:10, 11.

4. Sae nang diidupatnna’ agi’?

Manyak urakng nang dah mati diidupatnna’ agi’ ka’ bumi. Urakng-urakng nang nana’ nganal Allah man mamuat hal-hal nang jahat pun diidupatnna’ uga’.Baca Lukas 23:43; Kisah 24:15.

Urakng-urakng nang dingidupatn dimare’ kasampatan untu’ balajar kabanaran tentang Allah, pucaya’ ka’ Yesus man naati’ parentahnya. (Wahyu 20:11-13) Urakng-urakng nang dingidupatn agi’ man mamuat hal-hal nang baik bisa idup salama-lamanya ka’ bumi.Baca Yohanes 5:28, 29.

5. Ahe nang bisa diri’ palajari’ tentang Yehuwa dari urakng-urakng nang dingidupatn agi’?

Urakng mati bisa ngampu’ arapatn untu’ idup agi’ sabab Allah dah mare’ tabusan ngalalui’ Yesus nang dah mati untu’ diri’. Jadi, urakng-urakng mati nang dingidupatn koa, muktiatn kasih man kabaikatn ati Yehuwa. Waktu urakng mati dingidupatn agi’, sae nang paling mao’ Kita’ tamui’?Baca Yohanes 3:16; Roma 6:23.