Ir al contenido

Ir al menú secundario

Ir al índice

Testigos de Jehová

akateko

Abʼ tzet chiyal naj Dios jojachkahikanoj yin junelne

 YOX TUJAN

¿Tzet utbʼil yaʼon jun qʼinale bʼey Edén?

¿Tzet utbʼil yaʼon jun qʼinale bʼey Edén?

Naj Kumam Dios xyaʼ naj miman tzetal watxʼ tet naj Adán yetoj ix Eva (Génesis 1:28)

Naj Jehová jaʼ naj xwaʼnen ix Eva, ix bʼaabʼel ix, xʼale ix yistiloj naj Adán (Marcos 10:6, 7).

Naj Adán yetoj ix Eva xwaʼxi jebʼ yin kaw watxʼ yu naj Dios. Yetojkʼal snaabʼal jebʼ yetoj smimanil jebʼ watxʼ xunskawxi.

Jatuʼ elehokto jebʼ bʼey Edén saqʼal chʼan yokle. Ey teʼ teʼ, ey aʼ jaʼ yetoj noʼ noqʼ.

Naj Jehová chiqʼanabʼle naj yetoj jebʼ, chikuylele jebʼ yin swatxʼilal. Ta tol xoche jebʼ xʼehi bʼey Edén, sowalil xyabʼ jebʼ, sjijento jebʼ tzet chiyal naj Kumam Dios.

 Naj Kumam Dios albʼilkan yu naj tol kʼam chiskeʼ sloon jebʼ sat jun teʼ teʼ tuʼ (Génesis 2:16, 17)

Ey jun ángel xpakʼaj yin naj Dios. Jun ángel tuʼ jaʼ jun Nawal.

Naj Dios xyal naj tet naj Adán yetoj ix Eva tol kʼam chisloʼ jebʼ sat jun teʼ teʼ bʼey Edén. Ta chisloʼ jebʼ sat jun teʼ teʼ tuʼ, chikam jebʼ.

Jun Nawal ma yoche sjije naj Adán yetoj ix Eva tzet chiyal naj Jehová. Sqʼanbʼalne jun labʼa katuʼ xyalon tet ix Eva man jojexkamoj ta cheloʼ sat jun teʼ teʼ tiʼ. Xyalon junelxa jojexʼok diosal. ¡Wal sleʼtiʼal! (Génesis 3:1-5.)