Ir al contenido

Ir al menú secundario

Ir al índice

Testigos de Jehová

akateko

Abʼ tzet chiyal naj Dios jojachkahikanoj yin junelne

 SJOʼ TUJAN

Jun mimej nabʼ yet peyxa: ¿Majtxekel abʼen tzet chiyal naj Kumam Dios?

Jun mimej nabʼ yet peyxa: ¿Majtxekel abʼen tzet chiyal naj Kumam Dios?

Wan anima yet skʼuhal naj Noé wal speenahil jebʼ (Génesis 6:5)

Xʼel yuninal naj Adán yetoj ix Eva. Xnohel yibʼan txʼotxʼ txʼootxʼ yu anima. Ey waanxa ángel jixok yetoj jun Nawal xpakʼok jebʼ yin naj Dios.

Xʼeyte jebʼ satkan xyahonok sbʼa jebʼ animahil xyihonʼaaj yistil jebʼ. Peena yuninal jebʼ xʼeli yetoj wan ix tuʼ.

An Biblia chiyal an xchʼibʼ speenahil yibʼan txʼotxʼ txʼootx, wan anima yet tuʼ speenahil kʼal tzet chisnaʼ jebʼ yetoj tzet chiswaʼne jebʼ.

 Naj Noé xyabʼ naj tzet xyal naj Jehová; swaʼnen naj jun arca (Génesis 6:13, 14, 18, 19, 22)

Naj Noé watxʼ winajil naj. Naj Jehová xyal naj ey naj Noé: «Jinkʼeyel wan anima peena tiʼan yetoj jun mimej nabʼ».

Yal naj tet naj Noé ja waʼne jun mimej arca yetoj chem teʼ tol jojekʼ maahoj yibʼan jaʼ. «Jachoktoj yuul yetoja wuninal, yetoj noʼ noqʼ», xhi naj Dios tet naj Noé tuʼ.

Naj Noé xekʼyalel naj tet wan anima tol ey jun mimej nabʼ jojuloj. ¿Tzet xute sbʼa wan anima? Mayabʼ jebʼ tzet chiyal naj. Ey jebʼ tuʼal tzehi yin naj wanxa xin tol xjowihel jebʼ.

Yet xlaawi yaa teʼ arca yu naj Noé, sjoyonoktoj noʼ noqʼ naj yuul teʼ arca tuʼ.