Sino di kanam . . .

  • aw?

  • aga ono adi?

  • siguro?

 NO SINO DI KANAN DI BIBLIYA

“[Di] Diyos . . . ponasana din am-in ay lowa da, et maga kasin di matey, maga abe di manladingit ya man-oga, ya maga abe di sakit.”​—Naipaammo 21:3, 4, Kalin Diyos.

NO SINO DI MAIBADANGNA EN SIK-A NO PATIEM NA

Masigurado tako ay baken si Apo Diyos di mangidawdawat si problema tako.​—Santiago 1:13.

Maliwliwa tako ay mangammo ay maawatan di Diyos di rikna tako no manrigat tako.​—Zacarias 2:8, New World Translation.

Namnama ay manpatingganto amin ay panagrigrigat.​—Salmo 37:9-11.

 AY TET-EWA AY KAPAPATI DI IBAGBAGA DI BIBLIYA?

Aw, begew sin duwa ay rason:

  • Kagkagege di Diyos di panagrigrigat ya kamaga di hustisya. Nemnemem no sino di rikna di Diyos no maparparigat di ilina sin tiempo di Bibliya. Kanan di Bibiya ay naseg-angan sisya begew sin “napalpaligatan da.”​—Papangolo 2:18.

    Kaliliget di Diyos dadin mangikedse si ib-ana. Kas pagarigan, kanan di Bibliya ay “din manpeses ipogaw ay magay basol na” et kagkagegena.​—Proverbio 6:16, 17.

  • Isakit di Diyos di tunggal esa en datako. Baken wat din ipogaw di makaammo sin “saplit ya rigatna”, ammo abe en Jehova sa!​2 Cronicas 6:29, 30, New World Translation.

    No dumateng di Turayna, panpatinggaen Jehova di panagrigrigat di tunggal esa. (Mateo 6:9, 10) Ngem edwani, liwliwaenna dadin tet-ewa ay mangan-anap en sisya.​—Inam-amag 17:27; 2 Corinto 1:3, 4.

 NEMNEMEM

Apay ay intulok di Diyos di panagrigrigat?

Sungbatan di Bibliya sa ay saludsod sin ROMA 5:12 ya 2 PEDRO 3:9.