ಯೋಬ 35:1-16

  • ಯೋಬನ ಯೋಚನೆ ತಪ್ಪು ಅಂತ ಎಲೀಹು ಹೇಳಿದ (1-16)

    • ದೇವ್ರಿಗಿಂತ ತಾನೇ ನೀತಿವಂತ ಅಂದ ಯೋಬ (2)

    • ಮಾನವರ ಪಾಪದಿಂದ ದೇವರಿಗೇನೂ ನಷ್ಟವಾಗಲ್ಲ (5, 6)

    • ಯೋಬ ದೇವರಿಗಾಗಿ ಕಾಯಬೇಕು (14)

35  ಎಲೀಹು ಮತ್ತೆ ಹೀಗಂದ:   “ದೇವ್ರಿಗಿಂತ ನೀನೇ ನೀತಿವಂತ ಅಂತ ಹೇಳ್ತಿಯಲ್ಲಾ,ನೀನೇ ಸರಿ ಅಂತ ನಿನಗೆ ಅಷ್ಟೊಂದು ನಂಬಿಕೆನಾ?+   ‘ನಾನು ನೀತಿವಂತನಾಗಿ ಇರೋದ್ರಿಂದ ನಿನಗೇನು* ಪ್ರಯೋಜನ? ನಾನು ಪಾಪ ಮಾಡದೆ ಇದ್ದದ್ರಿಂದ ಏನಾದ್ರೂ ಲಾಭ ಆಗಿದ್ಯಾ?’+ ಅಂತ ನೀನು ಕೇಳ್ತಿಯಲ್ಲಾ.   ಇದಕ್ಕೆ ನಾನು ನಿನಗೆ ಉತ್ತರ ಕೊಡ್ತೀನಿ,ನಿನ್ನ ಸ್ನೇಹಿತರಿಗೂ+ ಉತ್ತರ ಕೊಡ್ತೀನಿ.   ನೀನು ಸ್ವಲ್ಪ ತಲೆಯೆತ್ತಿ ಆಕಾಶ ನೋಡು,ಎತ್ತರದಲ್ಲಿ ಇರೋ ಮೋಡಗಳನ್ನ ನೋಡು.+   ನೀನು ಪಾಪ ಮಾಡಿದ್ರೆ ದೇವ್ರಿಗೆ ಏನಾದ್ರೂ ನಷ್ಟ ಆಗುತ್ತಾ?+ ನಿನ್ನ ಅಪರಾಧಗಳು ಹೆಚ್ಚಾದ್ರೆ ದೇವ್ರಿಗೆ ಏನಾದ್ರೂ ಕಡಿಮೆ ಆಗುತ್ತಾ?+   ನೀನು ನೀತಿವಂತನಾಗಿದ್ರೆ ಆತನಿಗೆ ನೀನೇನು ಕೊಟ್ಟ ಹಾಗಾಗುತ್ತೆ? ನೀನು ಒಳ್ಳೆಯವನಾಗಿದ್ರೆ ಆತನಿಗೆ ನಿನ್ನಿಂದ ಏನು ಲಾಭ ಆಗುತ್ತೆ?+   ನೀನು ಕೆಟ್ಟವನಾಗಿದ್ರೆ ಅದ್ರಿಂದ ಕೆಟ್ಟದಾಗೋದು ನಿನ್ನಂಥ ಮನುಷ್ಯರಿಗೆ ಮಾತ್ರ,ನೀನು ನೀತಿವಂತನಾಗಿದ್ರೆ ಅದ್ರಿಂದ ಒಳ್ಳೇದಾಗೋದು ಮನುಷ್ಯರಿಗೆ ಮಾತ್ರ.   ಜನ್ರು ಕ್ರೂರ ದಬ್ಬಾಳಿಕೆ ಸಹಿಸ್ಕೊಳ್ಳೋಕೆ ಆಗದೆ ದೂರು ಹೇಳ್ತಾರೆ,ಶಕ್ತಿಶಾಲಿಗಳ ಕ್ರೂರ ಆಡಳಿತದಿಂದ ಮುಕ್ತಿ ಕೊಡಿ ಅಂತ ಬೇಡ್ಕೊಳ್ತಾರೆ.+ 10  ಆದ್ರೆ ಒಬ್ರು ಕೂಡ ‘ನನ್ನನ್ನ ಸೃಷ್ಟಿ ಮಾಡಿದ ಮಹಾನ್‌ ದೇವರು ಎಲ್ಲಿ?+ ರಾತ್ರಿ ಗೀತೆಗಳನ್ನ ಹಾಡೋಕೆ ಪ್ರೇರಿಸುವವನು ಎಲ್ಲಿ?’ ಅಂತ ಕೇಳಲ್ಲ.+ 11  ಆತನು ಪ್ರಾಣಿಗಳಿಗಿಂತ+ ನಮಗೆ ಹೆಚ್ಚು ವಿಷ್ಯ ಕಲಿಸ್ತಾನೆ,+ಪಕ್ಷಿಗಳಿಗಿಂತ ನಮ್ಮನ್ನ ಹೆಚ್ಚು ಬುದ್ಧಿವಂತರಾಗಿ ಮಾಡ್ತಾನೆ. 12  ಜನ್ರು ಕೂಗಿಕೊಳ್ತಾರೆ, ಆದ್ರೆ ಆತನು ಉತ್ತರ ಕೊಡಲ್ಲ,+ಯಾಕಂದ್ರೆ ಅವರು ಅಹಂಕಾರಿಗಳು, ಕೆಟ್ಟವರು.+ 13  ಅವರು ಸುಮ್ನೆ ಕೂಗಿದ್ರೆ* ದೇವರು ಕೇಳಿಸ್ಕೊಳ್ಳಲ್ಲ,+ಸರ್ವಶಕ್ತ ಅದಕ್ಕೆ ಕಿವಿ ಕೊಡೋದೇ ಇಲ್ಲ. 14  ಹೀಗಿದ್ದ ಮೇಲೆ ‘ದೇವರೇನೂ ಮಾಡ್ತಿಲ್ಲ’ ಅಂತ ನೀನು ದೂರಿದ್ರೆ ಉತ್ತರ ಕೊಡ್ತಾನಾ?+ ನಿನ್ನ ದೂರು* ಆತನ ಮುಂದೆನೇ ಇದೆ, ಆತನ ತೀರ್ಪು ಸಿಗೋ ತನಕ ನೀನು ಕಾಯಬೇಕು.+ 15  ಯಾಕಂದ್ರೆ ಆತನು ನಿನ್ನ ಮೇಲೆ ಕೋಪ ಮಾಡ್ಕೊಂಡು ಶಿಕ್ಷೆ ಕೊಡಲಿಲ್ಲ,ನೀನು ಹಿಂದೆಮುಂದೆ ಯೋಚಿಸದೆ ಏನೇನೋ ಮಾತಾಡಿದ್ರೂ ಲೆಕ್ಕಕ್ಕೆ ತಗೊಳ್ಳಲಿಲ್ಲ.+ 16  ಯೋಬ, ನೀನು ಸುಮ್ನೆ ಬಾಯಿಗೆ ಬಂದ ಹಾಗೆ ಮಾತಾಡಿದೆ,ಬುದ್ಧಿಯಿಲ್ಲದೆ ಅತಿಯಾಗಿ ಮಾತಾಡಿದೆ.”+

ಪಾದಟಿಪ್ಪಣಿ

ದೇವ್ರಿಗೆ ಸೂಚಿಸುತ್ತಿರಬಹುದು.
ಅಥವಾ “ಅವ್ರ ಸುಳ್ಳನ್ನ.”
ಅಥವಾ “ಮೊಕದ್ದಮೆ.”