ಯೋಬ 14:1-22

  • ಯೋಬನ ಉತ್ತರ ಮುಂದುವರಿಯುತ್ತೆ (1-22)

    • ಮನುಷ್ಯನ ಆಯಸ್ಸು ಕಮ್ಮಿ ಆದ್ರೂ ತೊಂದ್ರೆಗಳಿಗೆ ಕಮ್ಮಿ ಇಲ್ಲ (1)

    • “ಕಡಿದ ಮರಕ್ಕೂ ನಿರೀಕ್ಷೆ ಇದೆ” (7)

    • ‘ನೀನು ನನ್ನನ್ನ ಸಮಾಧಿಯಲ್ಲಿ ಮುಚ್ಚಿಟ್ರೆ ಎಷ್ಟೋ ಒಳ್ಳೇದು!’ (13)

    • ಒಬ್ಬ ಮನುಷ್ಯ ಸತ್ತರೆ ಮತ್ತೆ ಬದುಕ್ತಾನಾ? (14)

    • ದೇವರು ಕೈಯಾರೆ ಸೃಷ್ಟಿಸಿದವನ ಮತ್ತೆ ನೋಡೋಕೆ ಹಂಬಲಿಸ್ತಾನೆ (15)

14  ಸ್ತ್ರೀಗೆ ಹುಟ್ಟಿದ ಮನುಷ್ಯ ಬದುಕೋದು ಸ್ವಲ್ಪ ದಿನ,+ಅವನ ಬದುಕಿನ ದಾರಿ ತುಂಬ ತೊಂದರೆಗಳು ಅನ್ನೋ ಮುಳ್ಳುಗಳೇ ಜಾಸ್ತಿ.*+   ಅವನು ಹೂವಿನ ತರ ಅರಳಿ ಬಾಡಿಹೋಗ್ತಾನೆ.*+ ನೆರಳು ತರ ಓಡಿ ನಾಪತ್ತೆ ಆಗ್ತಾನೆ.+   ಅಂಥವನ ಮೇಲೆ ನೀನು ಕಣ್ಣಿಟ್ಟಿದ್ದೀಯ,ಅವನಿಗೆ* ತೀರ್ಪು ಕೊಡೋಕೆ ನ್ಯಾಯಾಲಯಕ್ಕೆ ಕರ್ಕೊಂಡು ಬರ್ತಿಯ.*+   ಅಶುದ್ಧ ಮನುಷ್ಯನಿಗೆ ಶುದ್ಧ ಮನುಷ್ಯ ಹುಟ್ತಾನಾ?+ ಯಾವತ್ತೂ ಹುಟ್ಟಲ್ಲ!   ಮನುಷ್ಯನ ಜೀವಮಾನಕ್ಕೆ ಒಂದು ಮಿತಿ ಇದೆ,ಅವನು ಬದುಕೋ ತಿಂಗಳುಗಳ ಲೆಕ್ಕ ನಿನ್ನ ಕೈಯಲ್ಲಿದೆ,ನೀನಿಟ್ಟಿರೋ ಮಿತಿಯನ್ನ ಮೀರೋಕೆ ಅವನಿಗೆ ಆಗಲ್ಲ.+   ಅವನ ಮೇಲಿಂದ ನಿನ್ನ ಕಣ್ಣು ತೆಗಿ, ಅವನು ಸ್ವಲ್ಪ ಆರಾಮಾಗಿ ಇರಲಿ,ಕೂಲಿ ಕೆಲಸದವನ ಹಾಗೇ ಇಡೀ ದಿನ ಕೆಲಸ ಮುಗಿಸ್ಲಿ.+   ಕಡಿದ ಮರಕ್ಕೂ ನಿರೀಕ್ಷೆ ಇದೆ,ಅದು ಮತ್ತೆ ಚಿಗುರಿ, ಹೊಸ ರೆಂಬೆಕೊಂಬೆ ಬೆಳೆಯುತ್ತೆ.   ಅದ್ರ ಬೇರು ಎಷ್ಟೋ ಕಾಲದಿಂದ ಮಣ್ಣಲ್ಲೇ ಇದ್ರೂಅದ್ರ ಬುಡ ಮಣ್ಣಲ್ಲಿ ಸತ್ತುಹೋಗಿದ್ರೂ   ನೀರು ಸೋಕಿದ ಕೂಡ್ಲೇ ಚಿಗುರುತ್ತೆ,ಹೊಸ ಗಿಡದ ತರ ಮತ್ತೆ ರೆಂಬೆಕೊಂಬೆ ಬೆಳೆಯುತ್ತೆ. 10  ಆದ್ರೆ ಒಬ್ಬ ಮನುಷ್ಯ ಸತ್ರೆ ಅವನ ಶಕ್ತಿಯೆಲ್ಲ ಖಾಲಿ ಆಗುತ್ತೆ,ಒಬ್ಬನ ಉಸಿರು ನಿಂತ್ರೆ ಅವನು ಇಲ್ಲದೆ ಹೋಗ್ತಾನೆ.+ 11  ಸಮುದ್ರದ ನೀರು ಬತ್ತಿಹೋಗುತ್ತೆ,ನದಿ ನೀರು ಇಂಗಿ ಒಣಗಿಹೋಗುತ್ತೆ. 12  ಅದೇ ರೀತಿ ಮನುಷ್ಯ ಮರಣ ನಿದ್ರೆಗೆ ಜಾರಿದ್ರೆ ಮತ್ತೆ ಏಳಲ್ಲ,+ಆಕಾಶ ಇರೋ ತನಕ ಅವನು ಕಣ್ಣು ತೆರಿಯಲ್ಲ. ಅವನನ್ನ ಯಾರೂ ಆ ನಿದ್ದೆಯಿಂದ ಎಬ್ಬಿಸಲ್ಲ.+ 13  ನನ್ನನ್ನ ಸಮಾಧಿಯಲ್ಲಿ* ಮುಚ್ಚಿಟ್ರೆ,+ನಿನ್ನ ಕೋಪ ಇಳಿಯೋ ತನಕ ನನ್ನನ್ನ ಅಲ್ಲಿ ಬಚ್ಚಿಟ್ರೆ,ನನಗೆ ಇಂತಿಷ್ಟು ಸಮಯ ಅಂತ ನಿರ್ಧಾರ ಮಾಡಿ ಆಮೇಲೆ ನನ್ನನ್ನ ನೆನಪಿಸ್ಕೊ!+ 14  ಒಬ್ಬ ಮನುಷ್ಯ ಸತ್ರೆ ಮತ್ತೆ ಬದುಕ್ತಾನಾ?+ ನೀನು ಹೇಳಿರುವಷ್ಟು* ದಿನ ಕಾಯ್ತಾ ಅಲ್ಲೇ ಇರ್ತಿನಿ,ಆಮೇಲೆ ನನಗೆ ಬಿಡುಗಡೆ ಆಗುತ್ತೆ.+ 15  ನೀನು ನನ್ನನ್ನ ಕರೀತಿಯ, ಆಗ ನಾನು ಉತ್ತರ ಕೊಡ್ತೀನಿ.+ ನಿನ್ನ ಕೈಯಾರೆ ಸೃಷ್ಟಿ ಮಾಡಿದ ನನ್ನನ್ನ ಮತ್ತೆ ನೋಡೋಕೆ ಹಂಬಲಿಸ್ತೀಯ.* 16  ಆದ್ರೆ ಈಗ, ನಾನಿಡೋ ಒಂದೊಂದು ಹೆಜ್ಜೆಯನ್ನ ಲೆಕ್ಕ ಮಾಡ್ತೀಯ,ನನ್ನಲ್ಲಿ ತಪ್ಪು ಹುಡುಕೋದೇ ನಿನ್ನ ಕೆಲಸ. 17  ನನ್ನ ಅಪರಾಧಗಳನ್ನ ಒಂದು ಚೀಲದಲ್ಲಿ ಹಾಕಿ ಕಟ್ಟಿ ಇಟ್ಟಿದ್ದೀಯ,ನನ್ನ ತಪ್ಪುಗಳನ್ನ ಅಂಟುಹಾಕಿ ಮುದ್ರೆ ಒತ್ತಿ ಇಟ್ಟಿದ್ದೀಯ. 18  ಬೆಟ್ಟ ಕುಸಿದು ಪುಡಿಪುಡಿ ಆಗೋ ಹಾಗೆ,ಬಂಡೆ ಒಂದು ಕಡೆಯಿಂದ ಇನ್ನೊಂದು ಕಡೆ ಹೋಗೋ ಹಾಗೆ, 19  ನೀರು ಕಲ್ಲುಗಳನ್ನ ಸವೆಸಿ ಬಿಡೋ ಹಾಗೆ,ಪ್ರವಾಹ ಮಣ್ಣನ್ನೆಲ್ಲ ಕೊಚ್ಕೊಂಡು ಹೋಗೋ ಹಾಗೆ,ಒಂದಲ್ಲ ಒಂದಿನ ಸಾಯೋ ಮನುಷ್ಯನ ನಿರೀಕ್ಷೆಯನ್ನ ನುಚ್ಚುನೂರು ಮಾಡಿದ್ದೀಯ. 20  ಅವನು ಸಾಯೋ ತನಕ ಅವನನ್ನ ತುಳಿತೀಯ,+ಅವನ ರೂಪ ಬದಲಾಯಿಸಿ ಕಳಿಸಿಬಿಡ್ತೀಯ. 21  ಅವನ ಮಕ್ಕಳಿಗೆ ಗೌರವ ಸಿಕ್ಕಿದ್ರೂ,ಸಿಗದೇ ಇದ್ರೂ ಅವನಿಗೆ ಗೊತ್ತಾಗಲ್ಲ.+ 22  ಬದುಕಿರೋ ತನಕ ಅವನಿಗೆ ನೋವು ಗೊತ್ತಾಗುತ್ತೆ,ಉಸಿರಿರೋ ತನಕ ಅವನು ದುಃಖಪಡ್ತಾನೆ ಅಷ್ಟೇ.”

ಪಾದಟಿಪ್ಪಣಿ

ಅಥವಾ “ಕಳವಳದಿಂದ ತುಂಬಿದೆ.”
ಬಹುಶಃ, “ಅವನನ್ನ ಕಿತ್ತು ಬಿಸಾಡ್ತಾರೆ.”
ಅಕ್ಷ. “ನನಗೆ.”
ಅಥವಾ “ನಿನ್ನ ಪ್ರತಿವಾದಿಯಾಗಿ ನ್ಯಾಯಾಲಯದಲ್ಲಿ ನಿಲ್ಲಿಸ್ತೀಯ.”
ಅಕ್ಷ. “ಕಡ್ಡಾಯ ದುಡಿಮೆಯ.” ಅಥವಾ “ನೇಮಿತವಾದ.”
ಅಥವಾ “ತುಂಬ ಆಸೆಪಡ್ತೀಯ.”