ಯೆಶಾಯ 43:1-28
43 ಯಾಕೋಬನೇ, ಇಸ್ರಾಯೇಲೇ,ನಿನ್ನ ಸೃಷ್ಟಿಕರ್ತನೂ ನಿನ್ನನ್ನ ರಚಿಸಿದವನೂ ಆದಯೆಹೋವ+ ಹೀಗೆ ಹೇಳ್ತಿದ್ದಾನೆ“ಹೆದರಬೇಡ, ನಾನು ನಿನ್ನನ್ನ ಬಿಡಿಸಿದ್ದೀನಿ.+
ನಾನು ನಿನ್ನನ್ನ ಹೆಸ್ರಿಡಿದು ಕರೆದಿದ್ದೀನಿ.
ನೀನು ನನ್ನವನು.
2 ನೀನು ನೀರನ್ನ ದಾಟಿಹೋಗುವಾಗ, ನಾನು ನಿನ್ನ ಜೊತೆ ಇರ್ತಿನಿ.+
ನೀನು ನದಿಗಳನ್ನ ದಾಟುವಾಗ ಅದ್ರ ನೀರು ನಿನ್ನನ್ನ ಮುಳುಗಿಸಲ್ಲ.+
ಬೆಂಕಿಯಲ್ಲಿ ನೀನು ನಡಿಯೋವಾಗ ಅದು ನಿನ್ನನ್ನ ದಹಿಸಲ್ಲ,ಅದ್ರ ಜ್ವಾಲೆ ನಿನ್ನನ್ನ ಸುಡಲ್ಲ.
3 ಯಾಕಂದ್ರೆ ನಾನು ನಿನ್ನ ದೇವರಾದ ಯೆಹೋವ,ಇಸ್ರಾಯೇಲ್ಯರ ಪವಿತ್ರ ದೇವರು, ನಿನ್ನ ರಕ್ಷಕ.
ನಿನ್ನನ್ನ ಬಿಡಿಸೋಕೆ ನಾನು ಈಜಿಪ್ಟನ್ನ,ಇಥಿಯೋಪ್ಯವನ್ನ ಮತ್ತು ಸೆಬಾವನ್ನ ಬಿಡುಗಡೆ ಬೆಲೆಯಾಗಿ ಕೊಟ್ಟೆ.
4 ನೀನು ನನ್ನ ದೃಷ್ಟಿಯಲ್ಲಿ ತುಂಬ ಅಮೂಲ್ಯ,+ನಾನು ನಿನ್ನನ್ನ ಗೌರವಿಸಿದ್ದೀನಿ, ಪ್ರೀತಿಸಿದ್ದೀನಿ.+
ಹಾಗಾಗಿ ನಿನ್ನ ಜೀವ ಉಳಿಸೋಕೆನಾನು ಜನ್ರನ್ನ ಮತ್ತು ಜನಾಂಗಗಳನ್ನ ಕೊಡ್ತೀನಿ.
5 ಭಯಪಡಬೇಡ, ನಾನು ನಿನ್ನ ಜೊತೆ ಇದ್ದೀನಿ.+
ನಾನು ಪೂರ್ವದಿಂದ ನಿನ್ನ ಸಂತತಿಯನ್ನ ತರ್ತಿನಿ,ಪಶ್ಚಿಮದಿಂದ ನಿನ್ನನ್ನ ಒಟ್ಟುಗೂಡಿಸ್ತೀನಿ.+
6 ನಾನು ಉತ್ತರ ದಿಕ್ಕಿಗೆ ‘ಅವ್ರನ್ನ ಕೊಟ್ಟುಬಿಡು!’ ಅಂತೀನಿ.+
ದಕ್ಷಿಣ ದಿಕ್ಕಿಗೆ ‘ಅವ್ರನ್ನ ನಿನ್ನ ಹತ್ರ ಇಟ್ಕೊಬೇಡ.
ದೂರದಿಂದ ನನ್ನ ಗಂಡುಮಕ್ಕಳನ್ನ, ಭೂಮಿಯ ಕಟ್ಟಕಡೆಯಿಂದ ನನ್ನ ಹೆಣ್ಣು ಮಕ್ಕಳನ್ನ ಕರ್ಕೊಂಡು ಬಾ.+
7 ನನ್ನ ಹೆಸ್ರಿಂದ ಕರೆಯಲಾಗೋ ಪ್ರತಿಯೊಬ್ಬರನ್ನ+ನನ್ನ ಮಹಿಮೆಗಾಗಿ ನಾನು ಸೃಷ್ಟಿಮಾಡಿದವ್ರನ್ನನಾನು ರೂಪಿಸಿದವ್ರನ್ನ ರಚಿಸಿದವ್ರನ್ನನ್ನೂ+ ಕರ್ಕೊಂಡು ಬಾ’ ಅಂತೀನಿ.
8 ಕಣ್ಣುಗಳಿದ್ರೂ ಕುರುಡರಾಗಿರೋ ಜನ್ರನ್ನ,ಕಿವಿಗಳಿದ್ರೂ ಕಿವುಡರಾಗಿರೋ ಜನ್ರನ್ನ+ ಕರ್ಕೊಂಡು ಬಾ.
9 ಜನಾಂಗಗಳೆಲ್ಲ ಒಂದು ಸ್ಥಳದಲ್ಲಿ ಸಭೆಸೇರಲಿ,ಜನಾಂಗಗಳ ಜನ್ರೆಲ್ಲ ಒಟ್ಟುಗೂಡಲಿ.+
ನಿಮ್ಮ ದೇವರುಗಳಲ್ಲಿ ಯಾರಾದ್ರೂ ಇದನ್ನ ಹೇಳೋಕಾಗುತ್ತಾ?
ಅವ್ರಲ್ಲಿ ಯಾರಾದ್ರೂ ಮುಂದೆ ಆಗಲಿರೋ ವಿಷ್ಯಗಳ ಬಗ್ಗೆ ನಮಗೆ ತಿಳಿಸೋಕಾಗುತ್ತಾ?*+
ತಮ್ಮನ್ನ ತಾವು ಸರಿ ಅಂತ ಸಾಬೀತುಪಡಿಸೋಕೆ ಅವರು ತಮ್ಮ ಸಾಕ್ಷಿಗಳನ್ನ ಪ್ರಸ್ತುತಪಡಿಸಲಿ,ಇಲ್ಲವೇ ಇದನ್ನ ಕೇಳಿ ‘ಇದೇ ಸತ್ಯ!’ ಅಂತ ಒಪ್ಕೊಳ್ಳಲಿ.”+
10 ಯೆಹೋವ ಹೀಗೆ ಹೇಳ್ತಿದ್ದಾನೆ “ನೀವು ನನ್ನ ಸಾಕ್ಷಿಗಳು.+
ಹೌದು, ನಾನು ಆರಿಸ್ಕೊಂಡ ನನ್ನ ಸೇವಕ.+
ನೀವು ನನ್ನನ್ನ ತಿಳ್ಕೊಂಡು, ನನ್ನ ಮೇಲೆ ನಂಬಿಕೆಯನ್ನಿಟ್ಟು,*ನಾನು ಎಂದಿಗೂ ಬದಲಾಗದವನು+ ಅಂತ ಅರ್ಥ ಮಾಡ್ಕೊಳ್ಳೋಕೆಆಗೋ ತರ ನಾನು ನಿಮ್ಮನ್ನ ಆರಿಸ್ಕೊಂಡೆ.
ನನಗಿಂತ ಮುಂಚೆ ಯಾವ ದೇವರೂ ಇರಲಿಲ್ಲ.
ನನ್ನ ನಂತ್ರನೂ ಯಾವ ದೇವರೂ ಇರಲ್ಲ.+
11 ನಾನೇ, ನಾನೇ ಯೆಹೋವ.+ ನನ್ನ ಹೊರತು ಬೇರೆ ಯಾವ ರಕ್ಷಕನೂ ಇಲ್ಲ.”+
12 ಯೆಹೋವ ಹೀಗೆ ಹೇಳ್ತಿದ್ದಾನೆ“ನಿಮ್ಮ ಮಧ್ಯ ಬೇರೆ ಯಾವ ದೇವರುಗಳೂ ಇಲ್ಲದಿದ್ದಾಗ+ನಾನು ನಿಮ್ಮ ಜೊತೆ ಮಾತಾಡಿದೆ, ನಿಮ್ಮನ್ನ ರಕ್ಷಿಸಿದೆ ಮತ್ತು ನಿಮಗೆ ಅರ್ಥ ಮಾಡಿಸಿದೆ.
ಹಾಗಾಗಿ ನೀವು ನನ್ನ ಸಾಕ್ಷಿಗಳು ಮತ್ತು ನಾನು ನಿಮ್ಮ ದೇವರು.+
13 ಅಷ್ಟೇ ಅಲ್ಲ ನಾನು ಯಾವತ್ತೂ ಬದಲಾಗದವನು.+
ನನ್ನ ಕೈಯಿಂದ ಯಾರೂ ಏನೂ ಕಿತ್ಕೊಳ್ಳೋಕೆ ಆಗಲ್ಲ.+
ನಾನೇನಾದ್ರೂ ಮಾಡೋವಾಗ ಯಾರು ತಾನೇ ನನ್ನನ್ನ ತಡಿಯೋಕಾಗುತ್ತೆ?”+
14 ನಿಮ್ಮನ್ನ ಬಿಡಿಸುವವನೂ+ ಇಸ್ರಾಯೇಲ್ಯರ ಪವಿತ್ರ ದೇವರೂ+ ಆದ ಯೆಹೋವ ಹೀಗೆ ಹೇಳ್ತಿದ್ದಾನೆ“ನಿಮ್ಮ ಸಲುವಾಗಿ ನಾನು ಒಂದು ಸೈನ್ಯವನ್ನ ಬಾಬೆಲಿಗೆ ಕಳಿಸ್ತೀನಿ,ಅಲ್ಲಿನ ಬಾಗಿಲುಗಳ ಕಂಬಿಗಳನ್ನ ಮುರಿದುಹಾಕ್ತೀನಿ.+
ಕಸ್ದೀಯರು ತಮ್ಮ ಹಡಗುಗಳಲ್ಲಿ ದುಃಖದಿಂದ ಅಳ್ತಾರೆ.+
15 ನಾನೇ ಯೆಹೋವ, ನಿಮ್ಮ ಪವಿತ್ರ ದೇವರು,+ಇಸ್ರಾಯೇಲನ್ನ ಸೃಷ್ಟಿಸಿದವನು,+ ನಿಮ್ಮ ರಾಜ.”+
16 ಯೆಹೋವ ಸಮುದ್ರದ ಮಧ್ಯ ದಾರಿ ಮಾಡ್ತಾನೆ,ಪ್ರವಾಹದ ನೀರಿನ ಮಧ್ಯ ಮಾರ್ಗವನ್ನ ತೆರಿತಾನೆ,+
17 ಯುದ್ಧ ರಥಗಳನ್ನ, ಕುದುರೆಗಳನ್ನ ನಡೆಸ್ತಾ,+ಬಲಿಷ್ಠ ವೀರ ಸೈನಿಕರ ಜೊತೆ ಇಡೀ ಸೈನ್ಯವನ್ನ ತಗೊಂಡು ಬರುವವನು ಆತನೇ ಆಗಿದ್ದಾನೆ. ಆತನು ಹೀಗೆ ಹೇಳ್ತಾನೆ“ಅವರು ಮಲಗ್ತಾರೆ, ಆದ್ರೆ ಮತ್ತೆ ಏಳಲ್ಲ.+
ಉರಿತಿರೋ ಬತ್ತಿಯನ್ನ ಆರಿಸೋ ತರ ಅವ್ರನ್ನ ಆರಿಸಿಬಿಡಲಾಗುತ್ತೆ.”
18 “ಹಿಂದಿನ ವಿಷ್ಯಗಳನ್ನ ನೆನಪಿಸ್ಕೊಳ್ಳಬೇಡಿ,ನಡೆದ ವಿಷ್ಯಗಳ ಬಗ್ಗೆನೇ ಚಿಂತಿಸ್ತಾ ಕೂರಬೇಡಿ.
19 ಇಗೋ! ನಾನೊಂದು ಹೊಸ ವಿಷ್ಯವನ್ನ ಮಾಡ್ತಿದ್ದೀನಿ,+ಈಗಾಗಲೇ ಅದು ಶುರುವಾಗಿದೆ.
ನಿಮಗದು ಗೊತ್ತಾಗ್ತಿಲ್ವಾ?
ನಾನು ಕಾಡಿನ ಮಧ್ಯದಲ್ಲಿ ಒಂದು ದಾರಿ ಮಾಡ್ತೀನಿ,+ಮರುಭೂಮಿಯ ಮಧ್ಯದಲ್ಲಿ ನದಿಗಳು ಹರಿಯೋ ತರ ಮಾಡ್ತೀನಿ.+
20 ಕಾಡುಪ್ರಾಣಿಗಳು ನನ್ನನ್ನ ಮಹಿಮೆಪಡಿಸ್ತವೆ,ಗುಳ್ಳೆನರಿಗಳು ಮತ್ತು ಉಷ್ಟ್ರಪಕ್ಷಿಗಳು ನನ್ನನ್ನ ಘನತೆಗೇರಿಸ್ತವೆ,ಯಾಕಂದ್ರೆ ನಾನು ಆರಿಸ್ಕೊಂಡಿರೋ ನನ್ನ ಜನ್ರಿಗೆ ಕುಡಿಯೋಕೆ+ಬರಡುಭೂಮಿಯಲ್ಲಿ ನೀರನ್ನೂಮರುಭೂಮಿಯಲ್ಲಿ ನದಿಗಳನ್ನೂ ಕೊಡ್ತೀನಿ.+
21 ಹೌದು, ನನ್ನ ಗುಣಗಾನ ಮಾಡೋಕಂತನಾನು ನನಗಾಗಿ ರಚಿಸಿರೋ ಜನ್ರಿಗೋಸ್ಕರ ಹೀಗೆ ಮಾಡ್ತೀನಿ.+
22 ಆದ್ರೆ ಯಾಕೋಬನೇ, ನೀನು ನನಗೆ ಪ್ರಾರ್ಥಿಸಲಿಲ್ಲ.+
ಯಾಕಂದ್ರೆ ಇಸ್ರಾಯೇಲನೇ, ನೀನು ನನ್ನ ವಿಷ್ಯದಲ್ಲಿ ಬೇಸರ ಮಾಡ್ಕೊಂಡೆ.+
23 ನೀನು ಸರ್ವಾಂಗಹೋಮಗಳನ್ನ ಅರ್ಪಿಸೋಕೆ ನನಗಾಗಿ ಕುರಿಗಳನ್ನ ತರಲಿಲ್ಲ,ನಿನ್ನ ಬಲಿಗಳಿಂದ ನನ್ನನ್ನ ಮಹಿಮೆಪಡಿಸಲಿಲ್ಲ.
ನೀನು ನನಗಾಗಿ ಉಡುಗೊರೆ ತರಲೇಬೇಕಂತ,ಸಾಂಬ್ರಾಣಿ ಕೊಡಲೇಬೇಕಂತ ನಾನು ನಿನ್ನನ್ನ ಒತ್ತಾಯ ಮಾಡಲಿಲ್ಲ.+
24 ನೀನು ನಿನ್ನ ಹಣದಲ್ಲಿ ನನಗಾಗಿ ಸುವಾಸನೆ ಬೀರೋ ಕೋಲನ್ನ ಖರೀದಿಸಲಿಲ್ಲ,ಬಲಿಯಲ್ಲಿ ಕೊಬ್ಬನ್ನ ಕೊಟ್ಟು ನನ್ನನ್ನ ತೃಪ್ತಿಪಡಿಸಲಿಲ್ಲ.+
ಬದಲಿಗೆ ನೀನು ನಿನ್ನ ಪಾಪಗಳ ಹೊರೆಯನ್ನ ನನ್ನ ಮೇಲೆ ಹೊರಿಸಿದೆ,ನಿನ್ನ ತಪ್ಪುಗಳಿಂದ ನನ್ನನ್ನ ಬೇಸರಗೊಳಿಸಿದೆ.+
25 ನಾನೇ, ಹೌದು ನಾನೇ ನನ್ನ ಹೆಸ್ರಿಗಾಗಿ+ ನಿನ್ನ ತಪ್ಪುಗಳನ್ನ* ಅಳಿಸಿಹಾಕ್ತೀನಿ,+ನಿನ್ನ ಪಾಪಗಳನ್ನ ನೆನಪಿಸ್ಕೊಳ್ಳಲ್ಲ.+
26 ನಮ್ಮ ಮಧ್ಯ ಇರೋ ವಿವಾದದ ಬಗ್ಗೆ ನಾವು ಮಾತಾಡೋಣ, ಅದನ್ನ ನನಗೆ ಜ್ಞಾಪಿಸು,ನೀನೇ ಸರಿ ಅಂತ ನಿರೂಪಿಸೋಕೆ ನಿನ್ನ ವಾದವಿವಾದಗಳನ್ನ ಮಂಡಿಸು.
27 ನಿನ್ನ ಮೊದಲ ಪೂರ್ವಜ ಪಾಪ ಮಾಡಿದ,ನಿನ್ನ ಪರವಾಗಿ ಮಾತಾಡುವವನು* ನನ್ನ ವಿರುದ್ಧ ದಂಗೆಯೆದ್ದ.+
28 ಹಾಗಾಗಿ ನಾನು ಪವಿತ್ರ ಸ್ಥಳದ ಮುಖ್ಯಸ್ಥರನ್ನ ಅಪವಿತ್ರರನ್ನಾಗಿ ಮಾಡ್ತೀನಿ,ಯಾಕೋಬನನ್ನ ನಾಶನಕ್ಕೆ ಒಪ್ಪಿಸ್ತೀನಿ,ಇಸ್ರಾಯೇಲನ್ನ ನಿಂದೆಯ ಮಾತುಗಳಿಗೆ ಗುರಿಮಾಡ್ತೀನಿ.+
