ಜ್ಞಾನೋಕ್ತಿ 5:1-23
5 ನನ್ನ ಮಗನೇ, ನಾನು ಹೇಳೋ ವಿವೇಕದ ಮಾತುಗಳನ್ನ ಕೇಳು.
ವಿವೇಚನಾ ಶಕ್ತಿ ಬಗ್ಗೆ ನಾನು ಕಲಿಸೋದನ್ನ ಶ್ರದ್ಧೆಯಿಂದ ಕೇಳಿಸ್ಕೊ.+
2 ಆಗ ನೀನು ನಿನ್ನ ಬುದ್ಧಿಯನ್ನ ಕಾಪಾಡ್ಕೊಳ್ತೀಯ.
ನಿನ್ನ ತುಟಿಗಳು ಸತ್ಯಾನೇ ಹೇಳುತ್ತೆ.+
3 ನಡತೆಗೆಟ್ಟ* ಹೆಂಗಸಿನ ಮಾತು ಜೇನಿನ ಹಾಗೆ ಸಿಹಿ,+ಅವಳ ಮಾತು ಎಣ್ಣೆಗಿಂತ ನಯ.+
4 ಆದ್ರೆ ಕೊನೇಲಿ, ಅವಳು ಕಹಿ ಗಿಡದ* ಹಾಗೆ,+ಇಬ್ಬಾಯಿಕತ್ತಿ ತರ ಹರಿತ.+
5 ಅವಳ ಕಾಲು ಸಾವಿನ ಹತ್ರ ಓಡುತ್ತೆ.
ಅವಳ ಹೆಜ್ಜೆ ನೇರವಾಗಿ ಸ್ಮಶಾನಕ್ಕೆ* ಕರ್ಕೊಂಡು ಹೋಗುತ್ತೆ.
6 ಜೀವ ಕೊಡೋ ದಾರಿ ಬಗ್ಗೆ ಅವಳು ಸ್ವಲ್ಪನೂ ಯೋಚಿಸಲ್ಲ.
ಅವಳ ಕಾಲು ಎಲ್ಲೆಲ್ಲೊ ಅಲೆಯುತ್ತೆ, ಅವು ಎಲ್ಲಿಗೆ ಕರ್ಕೊಂಡು ಹೋಗುತ್ತೆ ಅಂತ ಅವಳಿಗೆ ಗೊತ್ತಿಲ್ಲ.
7 ಹಾಗಾಗಿ ನನ್ನ ಮಗನೇ,* ನನ್ನ ಮಾತು ಕೇಳು.
ನಾನು ಹೇಳೋ ವಿಷ್ಯಗಳನ್ನ ಈ ಕಿವಿಯಲ್ಲಿ ಕೇಳಿ ಆ ಕಿವಿಯಲ್ಲಿ ಬಿಟ್ಟುಬಿಡಬೇಡ.
8 ಅವಳಿಂದ ದೂರ ಇರು,ಅವಳ ಮನೆ ಬಾಗಿಲ ಹತ್ರನೂ ಹೋಗಬೇಡ.+
9 ಹಾಗೆ ಹೋದ್ರೆ ನಿನಗಿರೋ ಒಳ್ಳೇ ಹೆಸ್ರು ಹಾಳಾಗುತ್ತೆ,+ಇಡೀ ಜೀವನ ನೀನು ಕಷ್ಟಪಡಬೇಕಾಗುತ್ತೆ.+
10 ನಿನ್ನ ಆಸ್ತಿಪಾಸ್ತಿ ಅಪರಿಚಿತರ ಪಾಲಾಗುತ್ತೆ,+ಬೆವರು ಸುರಿಸಿ ದುಡಿದದ್ದೆಲ್ಲ ಬೇರೆಯವ್ರ ಪಾಲಾಗುತ್ತೆ.
11 ಹಾಗೇನಾದ್ರೂ ಆದ್ರೆ ನಿನ್ನ ಜೀವನದ ಕೊನೇಲಿನಿನ್ನ ಬಲ ಕಮ್ಮಿ ಆದಾಗ, ಶರೀರ ಶಕ್ತಿ ಕಳ್ಕೊಂಡಾಗ ಕೊರಗ್ತೀಯ.+
12 ಆಗ ಹೀಗೆ ಅಂದ್ಕೊಳ್ತೀಯ “ಅಯ್ಯೋ! ನಾನು ಯಾಕೆ ಶಿಸ್ತನ್ನ ದ್ವೇಷಿಸಿದೆ?
ನನ್ನನ್ನ ತಿದ್ದಿದಾಗ ಹೃದಯ ಯಾಕೆ ಬೇಡ ಅಂದಿತು?
13 ನಾನು ನನ್ನ ಬೋಧಕರ ಮಾತುಗಳನ್ನ ಕೇಳಿಲ್ಲ,ನನ್ನ ಶಿಕ್ಷಕರಿಗೆ ಗಮನಕೊಡಲಿಲ್ಲ.
14 ಇಡೀ ಸಭೆಯ ಕಣ್ಣಲ್ಲಿ,ನಾನು ಸಾವಿನ ದವಡೆಯಲ್ಲಿ ನಿಂತಿದ್ದೀನಿ.”+
15 ನೀನು ನಿನ್ನ ಸ್ವಂತ ಬಾವಿ ನೀರನ್ನ ಕುಡಿ,ನಿನ್ನ ಸ್ವಂತ ತೊಟ್ಟಿಯಲ್ಲಿರೋ* ನೀರು ಕುಡಿ.+
16 ನಿನ್ನ ಬುಗ್ಗೆಗಳು ನಿನ್ನ ಮನೆಯಿಂದ ಹೊರಗೆ ಹರಿಬೇಕಾ?
ನಿನ್ನ ನದಿ ನೀರು ಪಟ್ಟಣದ ಮುಖ್ಯಸ್ಥಳಗಳಲ್ಲಿ* ಹರಿದುಹೋಗಬೇಕಾ?+
17 ಅವು ಇರೋದು ನಿನಗೆ,ಬೇರೆಯವ್ರಿಗೆ ಅಲ್ಲ.+
18 ನಿನ್ನ ನೀರಿನ ಚಿಲುಮೆಗೆ ಆಶೀರ್ವಾದ ಸಿಗಲಿ,ನಿನ್ನ ಯೌವನದ ಹೆಂಡತಿ ಜೊತೆ ಖುಷಿಯಾಗಿರು.+
19 ಅವಳು ನಿನ್ನ ಪ್ರೀತಿಯ ಹೆಣ್ಣುಜಿಂಕೆ, ಆಕರ್ಷಕವಾದ ಬೆಟ್ಟದ ಮೇಕೆ.+
ಅವಳ ಮೊಲೆಗಳು ನಿನ್ನನ್ನ ಯಾವಾಗ್ಲೂ ತೃಪ್ತಿಪಡಿಸಲಿ.*
ಅವಳ ಪ್ರೀತಿಯ ಬಂಧನದಲ್ಲಿ ನೀನು ಸದಾಕಾಲ ಸೆರೆಯಾಗಿರು.+
20 ಹೀಗಿರುವಾಗ ನನ್ನ ಮಗನೇ, ನಡತೆಗೆಟ್ಟ* ಸ್ತ್ರೀಗೆ ಯಾಕೆ ಮರುಳಾಗ್ತೀಯ?
ನಾಚಿಕೆಗೆಟ್ಟ* ಹೆಂಗಸನ್ನ ಯಾಕೆ ಅಪ್ಕೊಳ್ತೀಯ?+
21 ಮನುಷ್ಯ ನಡಿಯೋ ದಾರಿ ಯೆಹೋವನ ಕಣ್ಮುಂದೆನೇ ಇದೆ,ಅವನು ಇಡೋ ಪ್ರತಿ ಹೆಜ್ಜೆಯನ್ನ ಪರೀಕ್ಷಿಸ್ತಾನೆ.+
22 ಕೆಟ್ಟವನಿಗೆ ಅವನ ತಪ್ಪುಗಳೇ ಉರ್ಲು,ಅವನ ಪಾಪಗಳೇ ಅವನನ್ನ ಹಗ್ಗದ ತರ ಕಟ್ಟಿಹಾಕುತ್ತೆ.+
23 ಅವನು ಅತಿಯಾದ ಮೂರ್ಖತನದಿಂದ ಅಡ್ಡದಾರಿ ಹಿಡಿತಾನೆ.
ಶಿಸ್ತು ಸ್ವೀಕರಿಸದೆ ಇದ್ದದ್ರಿಂದ ಸಾಯ್ತಾನೆ.
ಪಾದಟಿಪ್ಪಣಿ
^ ಅಕ್ಷ. “ಅಪರಿಚಿತ.” ಜ್ಞಾನೋಕ್ತಿ 2:16 ನೋಡಿ.
^ ಅಕ್ಷ. “ಮಕ್ಕಳೇ.”
^ ಅಥವಾ “ಬುಗ್ಗೆಯ ತಾಜಾ.”
^ ಅಥವಾ “ಮೈಮರೆಸಲಿ.”
^ ಅಕ್ಷ. “ಅಪರಿಚಿತ.” ಜ್ಞಾನೋಕ್ತಿ 2:16 ನೋಡಿ.
^ ಅಕ್ಷ. “ವಿದೇಶಿ.” ಜ್ಞಾನೋಕ್ತಿ 2:16 ನೋಡಿ.
