ಜ್ಞಾನೋಕ್ತಿ 31:1-31

  • ರಾಜ ಲೆಮುವೇಲನ ಮಾತುಗಳು (1-31)

    • ಒಳ್ಳೇ ಹೆಂಡತಿ ಸಿಗೋದು ಅಪರೂಪ (10)

    • ಕಷ್ಟಪಟ್ಟು ದುಡಿತಾಳೆ (17)

    • ಪ್ರೀತಿಯಿಂದ ಮಾರ್ಗದರ್ಶನ (26)

    • ಗಂಡ, ಮಕ್ಕಳು ಅವಳನ್ನ ಹೊಗಳ್ತಾರೆ (28)

    • ಸೌಂದರ್ಯ ಶಾಶ್ವತ ಅಲ್ಲ (30)

31  ಇವು ರಾಜ ಲೆಮೂವೇಲನ ಮಾತುಗಳು. ಅವನ ಅಮ್ಮ ಅವನಿಗೆ ಕಲಿಸಿದ ಮುಖ್ಯ ಸಂದೇಶ:+   ನನ್ನ ಮಗನೇ, ನನ್ನ ಗರ್ಭಫಲವೇ,ನಾನು ನಿನಗೆ ಏನಂತ ಹೇಳಲಿ? ಹರಕೆ ಮಾಡಿ ನನಗೆ ಹುಟ್ಟಿದ ಮಗನೇ, ನಿನಗೆ ಏನಂತ ಹೇಳಲಿ?+   ನಿನ್ನ ಶಕ್ತಿಯನ್ನ ಹೆಂಗಸ್ರಿಗೆ ಕೊಡಬೇಡ,+ರಾಜರನ್ನ ನಾಶಕ್ಕೆ ನಡೆಸೋ ದಾರಿಯಲ್ಲಿ ನಡಿಬೇಡ.+   ಲೆಮೂವೇಲನೇ, ದ್ರಾಕ್ಷಾಮದ್ಯ ರಾಜರಿಗೆ ಯೋಗ್ಯವಲ್ಲ. ಮದ್ಯಪಾನ ರಾಜರಿಗೆ ಗೌರವ ತರಲ್ಲ. “ನನ್ನ ದ್ರಾಕ್ಷಾಮದ್ಯ ಎಲ್ಲಿ?” ಅಂತ ಕೇಳೋದು ಆಳುವವ್ರಿಗೆ ಸರಿ ಅಲ್ಲ.+   ಯಾಕಂದ್ರೆ ಮದ್ಯ ನೀತಿನಿಯಮಗಳನ್ನ ಮರೆಯೋ ತರ ಮಾಡುತ್ತೆ,ದೀನರ ಹಕ್ಕುಗಳನ್ನ ಕಿತ್ಕೊಳ್ಳೋ ತರ ಮಾಡುತ್ತೆ.   ನಾಶವಾಗಿ ಹೋಗುವವ್ರಿಗೆ ಮದ್ಯ ಕೊಡಿ,+ದುಃಖದಲ್ಲಿ ಮುಳುಗಿ ಹೋಗಿರುವವರಿಗೆ ದ್ರಾಕ್ಷಾಮದ್ಯ ಕೊಡಿ.+   ಅವರು ಅದನ್ನ ಕುಡಿದು ತಮ್ಮ ಬಡತನವನ್ನ ಮರಿಯಲಿ,ಅವ್ರ ಕಷ್ಟಗಳು ಅವ್ರ ನೆನಪಿಗೆ ಬರೋದು ಬೇಡ.   ತಮ್ಮನ್ನ ಕಾಪಾಡ್ಕೊಳ್ಳೋಕೆ ಆಗದವ್ರ ಪರವಾಗಿ ಮಾತಾಡು,ನಾಶವಾಗಿ ಹೋಗ್ತಾ ಇರುವವ್ರ ಪರವಾಗಿ ನಿಂತು ಅವ್ರ ಹಕ್ಕುಗಳಿಗಾಗಿ ವಾದಿಸು.+   ಸುಮ್ನೆ ಇರಬೇಡ, ನ್ಯಾಯವಾದ ತೀರ್ಪು ಕೊಡು. ದೀನರ, ಬಡವರ ಹಕ್ಕುಗಳಿಗಾಗಿ ಹೋರಾಡು.+ א [ಆಲೆಫ್‌] 10  ಒಳ್ಳೇ* ಹೆಂಡತಿ ಸಿಗೋದು ಅಪರೂಪ.+ ಅವಳು ಹವಳಕ್ಕಿಂತ* ಅಮೂಲ್ಯ. ב [ಬೆತ್‌] 11  ಅವಳ ಗಂಡ ಅವಳನ್ನ ಪೂರ್ತಿಯಾಗಿ ನಂಬ್ತಾನೆ,ಅವನಿಗೆ ಯಾವ ಕೊರತೆನೂ ಇರಲ್ಲ. ג [ಗಿಮೆಲ್‌] 12  ಅವಳು ಸಾಯೋ ತನಕಗಂಡನಿಗೆ ಒಳ್ಳೇದು ಮಾಡ್ತಾಳೆ, ಕೆಟ್ಟದು ಮಾಡಲ್ಲ. ד [ಡಾಲತ್‌] 13  ಅವಳು ಉಣ್ಣೆ ಬಟ್ಟೆ, ನಾರನ್ನ ಹುಡುಕಿ ತರ್ತಾಳೆ. ಏನೇ ಕೆಲಸ ಇದ್ರೂ ಖುಷಿಖುಷಿಯಾಗಿ ಮಾಡ್ತಾಳೆ.+ ה [ಹೆ] 14  ವ್ಯಾಪಾರಿಯ ಹಡಗುಗಳ ತರ,+ದೂರದಿಂದ ಆಹಾರ ತರ್ತಾಳೆ. ו [ವಾವ್‌] 15  ಅವಳು ಇನ್ನೂ ಕತ್ತಲೆ ಇರುವಾಗ್ಲೇ ಎದ್ದು,ಕುಟುಂಬಕ್ಕಾಗಿ ಅಡಿಗೆ ಮಾಡ್ತಾಳೆ. ತನ್ನ ಸೇವಕಿಯರಿಗೆ ಅವ್ರ ಪಾಲು ಕೊಡ್ತಾಳೆ.+ ז [ಜಯಿನ್‌] 16  ಅವಳು ಒಂದು ಹೊಲವನ್ನ ಚೆನ್ನಾಗಿ ನೋಡಿ, ತಗೋಳ್ತಾಳೆ. ಅವಳು ತನ್ನ ದುಡಿಮೆಯಿಂದ ಒಂದು ದ್ರಾಕ್ಷಿತೋಟ ಮಾಡ್ತಾಳೆ. ח [ಹೆತ್‌] 17  ಅವಳು ಕಷ್ಟಪಟ್ಟು ಕೆಲಸ ಮಾಡೋಕೆ ತಯಾರಾಗಿ ಇರ್ತಾಳೆ,*+ತನ್ನ ಕೈಗಳನ್ನ ಬಲಪಡಿಸ್ಕೊಳ್ತಾಳೆ. ט [ಟೆತ್‌] 18  ಅವಳು ತನ್ನ ವ್ಯಾಪಾರದಲ್ಲಿ ಲಾಭ ಸಿಗೋ ತರ ನೋಡ್ಕೊಳ್ತಾಳೆ. ರಾತ್ರಿ ಅವಳ ದೀಪ ಆರಿಹೋಗಲ್ಲ. י [ಯೋದ್‌] 19  ಅವಳು ಒಂದು ಕೈಯಲ್ಲಿ ಸೀಳುಗೋಲು ಹಿಡ್ಕೊಂಡು,ಇನ್ನೊಂದು ಕೈಯಲ್ಲಿ ಚರಕದ ಕಡ್ಡಿ ಹಿಡಿತಾಳೆ.*+ כ [ಕಾಫ್‌] 20  ಅವಳು ತನ್ನ ಕೈ ಚಾಚಿ,ದೀನರಿಗೆ ಸಹಾಯ ಮಾಡ್ತಾಳೆ, ಬಡವ್ರಿಗೆ ಉದಾರವಾಗಿ ಕೊಡ್ತಾಳೆ.+ ל [ಲಾಮೆದ್‌] 21  ಹಿಮ ಬೀಳುವಾಗ ಅವಳು ತನ್ನ ಕುಟುಂಬದ ಬಗ್ಗೆ ಚಿಂತೆ ಮಾಡಲ್ಲ,ಯಾಕಂದ್ರೆ ಅವರೆಲ್ಲ ಬೆಚ್ಚಗಿನ* ಬಟ್ಟೆ ಹಾಕೊಂಡು ಇರ್ತಾರೆ. מ [ಮೆಮ್‌] 22  ತನ್ನ ಹಾಸಿಗೆ ಮೇಲೆ ಹಾಸೋ ಬಟ್ಟೆಗಳನ್ನ ತಾನೇ ಮಾಡ್ಕೊಳ್ತಾಳೆ. ಅವಳು ನಾರಿನ, ನೇರಳೆ ಬಣ್ಣದ ಉಣ್ಣೆಯಿಂದ ಮಾಡಿರೋ ಬಟ್ಟೆ ಹಾಕೋಳ್ತಾಳೆ. נ [ನೂನ್‌] 23  ಪಟ್ಟಣದ ಬಾಗಿಲಲ್ಲಿ ಅವಳ ಗಂಡನಿಗೆ ಒಳ್ಳೇ ಹೆಸ್ರು ಇರುತ್ತೆ,+ದೇಶದ ಹಿರಿಯರ ಜೊತೆ ಅವನು ಕೂತ್ಕೊಳ್ತಾನೆ. ס [ಸಾಮೆಕ್‌] 24  ಅವಳು ನಾರಿನ ಬಟ್ಟೆ ಮಾಡಿ ಮಾರ್ತಾಳೆ. ಸೊಂಟಪಟ್ಟಿಗಳನ್ನ ವ್ಯಾಪಾರಿಗಳಿಗೆ ಸರಬರಾಜು ಮಾಡ್ತಾಳೆ. ע [ಅಯಿನ್‌] 25  ಅವಳು ಮನೋಬಲವನ್ನ, ತೇಜಸ್ಸನ್ನ ತೊಟ್ಕೊಂಡಿದ್ದಾಳೆ,ಭವಿಷ್ಯದ ಬಗ್ಗೆ ಧೈರ್ಯವಾಗಿ ಇರ್ತಾಳೆ.* פ [ಪೇ] 26  ಅವಳು ಬಾಯಿ ತೆರೆದಾಗೆಲ್ಲ ವಿವೇಕದಿಂದ ಮಾತಾಡ್ತಾಳೆ,+ಮಾರ್ಗದರ್ಶನವನ್ನ ಪ್ರೀತಿಯಿಂದ* ಕೊಡ್ತಾಳೆ. צ [ಸಾದೆ] 27  ಅವಳು ತನ್ನ ಕುಟುಂಬದವ್ರ ಕೆಲಸಗಳ ಮೇಲೆ ಗಮನ ಇಟ್ಟಿರ್ತಾಳೆ,ಸೋಮಾರಿತನದ ರೊಟ್ಟಿ ತಿನ್ನಲ್ಲ.+ ק [ಕೊಫ್‌] 28  ಅವಳ ಮಕ್ಕಳು ಎದ್ದು ನಿಂತು ಅವಳನ್ನ ಹೊಗಳ್ತಾರೆ,ಅವಳ ಗಂಡ ಎದ್ದು ನಿಂತು ಅವಳ ಗುಣಗಾನ ಮಾಡ್ತಾನೆ. ר [ರೆಶ್‌] 29  ತುಂಬ ಜನ ಒಳ್ಳೇ* ಸ್ತ್ರೀಯರಿದ್ದಾರೆ,ಆದ್ರೆ ನೀನು ಅವರನ್ನೆಲ್ಲಾ ಮೀರಿಸಿದ್ದೀಯ. ש [ಶಿನ್‌] 30  ಸೌಂದರ್ಯ ಸುಳ್ಳಾಗಬಹುದು, ಅಂದಚಂದ ಇವತ್ತು ಇದ್ದು ನಾಳೆ ಇಲ್ಲದೆ ಹೋಗಬಹುದು+ಆದ್ರೆ ಯೆಹೋವನಿಗೆ ಭಯಪಡೋ ಸ್ತ್ರೀಯನ್ನ ಯಾವಾಗ್ಲೂ ಹೊಗಳ್ತಾ ಇರ್ತಾರೆ.+ ת [ಟಾವ್‌] 31  ಅವಳ ಪರಿಶ್ರಮಕ್ಕೆ ಪ್ರತಿಫಲ ಕೊಡಿ,+ಪಟ್ಟಣದ ಬಾಗಿಲಲ್ಲಿ ಅವಳ ಕೆಲಸಗಳೇ ಅವಳನ್ನ ಹೊಗಳಲಿ.+

ಪಾದಟಿಪ್ಪಣಿ

ಅಕ್ಷ. “ಸಮರ್ಥ.”
ಅಕ್ಷ. “ಅವಳು ತನ್ನ ಸೊಂಟಕ್ಕೆ ಬಲ ಕಟ್ಟಿಕೊಳ್ತಾಳೆ.”
ನೂಲು ತಯಾರಿಸೋಕೆ, ಸುತ್ತೋಕೆ, ಹೆಣೆಯೋಕೆ ಬಳಸೋ ಕೋಲುಗಳೇ ಈ ಸೀಳುಗೋಲು ಮತ್ತು ಚರಕದ ಕಡ್ಡಿ.
ಅಕ್ಷ. “ದುಪ್ಪಟ್ಟು.”
ಅಥವಾ “ಭವಿಷ್ಯವನ್ನ ನಗನಗ್ತಾ ಭಯ ಇಲ್ಲದೆ ಸ್ವಾಗತಿಸ್ತಾಳೆ.”
ಅಕ್ಷ. “ಅವಳ ನಾಲಿಗೆಯಲ್ಲಿ ಶಾಶ್ವತ ಪ್ರೀತಿ ಕೂಡಿದ ನಿಯಮ ಇದೆ.”
ಅಕ್ಷ. “ಸಮರ್ಥ.”