ಜ್ಞಾನೋಕ್ತಿ 17:1-28
17 ಜಗಳ ಇರೋ ಮನೇಲಿ ಭಾರಿ ಭೋಜನ* ಮಾಡೋದಕ್ಕಿಂತ,+ನೆಮ್ಮದಿ ಇರೋ ಮನೇಲಿ ಒಣ ರೊಟ್ಟಿ ತಿನ್ನೋದೇ ಒಳ್ಳೇದು.+
2 ಯಜಮಾನನ ಮಗ ಮೂರ್ಖನ ತರ ನಡ್ಕೊಂಡ್ರೆ, ತಿಳುವಳಿಕೆ* ಇರೋ ಸೇವಕ ಅವನ ಮೇಲೆ ಆಳ್ವಿಕೆ ಮಾಡ್ತಾನೆ.
ಯಜಮಾನನ ಮಕ್ಕಳಿಗೆ ಆಸ್ತಿ ಸಿಗೋ ಹಾಗೆ ಆ ಸೇವಕನಿಗೂ ಆಸ್ತಿ ಸಿಗುತ್ತೆ.
3 ಬೆಳ್ಳಿಬಂಗಾರವನ್ನ ಬೆಂಕಿಯಲ್ಲಿ ಹಾಕಿ ಶುದ್ಧ ಮಾಡೋ ತರ,+ಪ್ರತಿಯೊಬ್ಬನ ಹೃದಯದಲ್ಲಿ ಏನಿದೆ ಅಂತ ಯೆಹೋವ ಪರೀಕ್ಷಿಸ್ತಾನೆ.+
4 ಕೆಟ್ಟವನು ಹಾನಿಕರ ಮಾತಿಗೆ ಗಮನಕೊಡ್ತಾನೆ,ವಂಚಕ ದ್ವೇಷದ ಮಾತಿಗೆ ಕಿವಿಗೊಡ್ತಾನೆ.+
5 ಬಡವನನ್ನ ನೋಡಿ ಗೇಲಿ ಮಾಡುವವನು ಅವನ ಸೃಷ್ಟಿಕರ್ತನನ್ನೇ* ಅವಮಾನ ಮಾಡ್ತಾನೆ,+ಇನ್ನೊಬ್ಬನ ಕಷ್ಟ ನೋಡಿ ಖುಷಿ ಪಡುವವನಿಗೆ ಶಿಕ್ಷೆ ತಪ್ಪಿದ್ದಲ್ಲ.+
6 ವೃದ್ಧರಿಗೆ ಮೊಮ್ಮಕ್ಕಳು ಕಿರೀಟ,ಮಕ್ಕಳಿಗೆ ಅಪ್ಪನಿಂದಾಗಿ* ಕೀರ್ತಿ.
7 ಮೂರ್ಖನ ಬಾಯಲ್ಲಿ ನೀತಿಯ ಮಾತುಗಳು ಬರೋದು ಸರಿಯಲ್ಲ ಅಂದ್ಮೇಲೆ,+ಅಧಿಕಾರಿ ಬಾಯಲ್ಲಿ ಸುಳ್ಳು ಬರೋದು ಸರಿನಾ?+
8 ಉಡುಗೊರೆ ಪಡ್ಕೊಂಡಿರೋ ಯಜಮಾನನಿಗೆ ಅಮೂಲ್ಯ ರತ್ನ* ಸಿಕ್ಕಿದ ಹಾಗೆ,+ಅವನು ಏನೇ ಮಾಡಿದ್ರೂ ಅವನಿಗೆ ಯಶಸ್ಸು ಸಿಗುತ್ತೆ.+
9 ತಪ್ಪನ್ನ ಕ್ಷಮಿಸುವವನು* ಪ್ರೀತಿ ಬೇಕಂತ ಆಸೆಪಡ್ತಾನೆ,+ಆದ್ರೆ ಆ ತಪ್ಪು ಬಗ್ಗೆ ಎತ್ತಿ ಆಡುವವನು ಪ್ರಾಣ ಸ್ನೇಹಿತರನ್ನ ದೂರ ಮಾಡ್ತಾನೆ.+
10 ಮೂರ್ಖನಿಗೆ ನೂರು ಸಲ ಹೊಡಿಯೋದಕ್ಕಿಂತ,+ಅರ್ಥ ಮಾಡ್ಕೊಳ್ಳೋನನ್ನ ಒಂದು ಸಲ ಗದರಿಸಿದ್ರೆ ಸಾಕು.+
11 ಕೆಟ್ಟವನಿಗೆ ದಂಗೆ ಏಳೋದ್ರ ಬಗ್ಗೆನೇ ಯೋಚ್ನೆ,ಆದ್ರೆ ಕ್ರೂರ ಸಂದೇಶವಾಹಕ ಬಂದು ಅವನಿಗೆ ಶಿಕ್ಷೆ ಕೊಡ್ತಾನೆ.+
12 ಮೂರ್ಖತನದಲ್ಲಿ ಮುಳುಗಿರೋ ಮೂರ್ಖನನ್ನ ವಿರೋಧಿಸೋದಕ್ಕಿಂತ,ಮರಿಗಳನ್ನ ಕಳ್ಕೊಂಡಿರೋ ಕರಡಿ ಮುಂದೆ ಹೋಗೋದು ಒಳ್ಳೇದು.+
13 ಯಾರಾದ್ರೂ ಉಪಕಾರಕ್ಕೆ ಅಪಕಾರ ಮಾಡಿದ್ರೆ,ಕಷ್ಟ ಅವ್ರ ಮನೆ ಬಿಟ್ಟು ಹೋಗಲ್ಲ.+
14 ಜಗಳಕ್ಕೆ ಬಾಯಿ ತೆರಿಯೋದು ಅಣೆಕಟ್ಟು ಒಡೆದು ನುಗ್ಗೋ ನೀರಿನ ತರ.
ಜಗಳ ಜಾಸ್ತಿ ಆಗೋ ಮುಂಚೆನೇ ಅಲ್ಲಿಂದ ಹೋಗಿಬಿಡು.+
15 ಕೆಟ್ಟವನನ್ನ ನಿರಪರಾಧಿ ಅಂತ ತೀರ್ಪು ಮಾಡುವವನು, ನೀತಿವಂತನನ್ನ ಬೈಯುವವನು+ಇಬ್ರೂ ಯೆಹೋವನಿಗೆ ಇಷ್ಟ ಆಗಲ್ಲ.
16 ಮೂರ್ಖನಿಗೆ ವಿವೇಕ ಪಡಿಯೋಕೆ ಕೈತುಂಬಾ ಹಣ ಇದ್ರೂ,ಅದನ್ನ ಪಡಿಯೋ ಮನಸ್ಸು* ಇಲ್ಲದಿದ್ರೆ ಏನು ಲಾಭ?+
17 ನಿಜವಾದ ಸ್ನೇಹಿತ ಎಲ್ಲ ಸಮಯದಲ್ಲೂ ಪ್ರೀತಿಸ್ತಾನೆ.+
ಕಷ್ಟಕಾಲದಲ್ಲಿ ಅವನು ನಿಮ್ಮ ಸಹೋದರನಾಗ್ತಾನೆ.+
18 ಬುದ್ಧಿಯಿಲ್ಲದ ವ್ಯಕ್ತಿ ಪಕ್ಕದ ಮನೆಯವನ ಮುಂದೆಇನ್ನೊಬ್ಬನಿಗೆ ಜಾಮೀನು ಕೊಡ್ತೀನಿ ಅಂತ ಕೈಕುಲುಕ್ತಾನೆ.+
19 ಜಗಳವನ್ನ ಪ್ರೀತಿಸುವವನು ಅಪರಾಧವನ್ನ ಪ್ರೀತಿಸ್ತಾನೆ.+
ಯಾವಾಗ್ಲೂ ಕೊಚ್ಕೊಳ್ಳುವವನು ಕಷ್ಟವನ್ನ ಆಮಂತ್ರಿಸ್ತಾನೆ.*+
20 ಕೆಟ್ಟ ಹೃದಯ ಇರುವವನಿಗೆ ಯಶಸ್ಸು ಸಿಗೋದೇ ಇಲ್ಲ,*+ಒಳಗೊಂದು ಇಟ್ಕೊಂಡು ಹೊರಗೆ ಇನ್ನೊಂದು ಮಾತಾಡುವವನು ನಾಶವಾಗಿ ಹೋಗ್ತಾನೆ.
21 ಮೂರ್ಖನನ್ನ ಹೆತ್ತವನಿಗೆ ದುಃಖ ತಪ್ಪಿದ್ದಲ್ಲ,ದಡ್ಡನ ತಂದೆಗೆ ಸಂತೋಷ ಸಿಗೋದೇ ಇಲ್ಲ.+
22 ಹರ್ಷಹೃದಯ ಒಳ್ಳೇ ಮದ್ದು,+ಕುಗ್ಗಿದ ಮನಸ್ಸು ಒಬ್ಬನ ಶಕ್ತಿಯನ್ನೆಲ್ಲಾ ಹೀರಿಹಾಕುತ್ತೆ.*+
23 ನ್ಯಾಯದ ದಾರಿಯನ್ನ ತಿರುಚೋಕೆ,ಕೆಟ್ಟವನು ಗುಟ್ಟಾಗಿ ಲಂಚ ತಿಂತಾನೆ.+
24 ವಿವೇಚನೆ ಇರೋ ವ್ಯಕ್ತಿ ಮುಂದೆನೇ ವಿವೇಕ ಇರುತ್ತೆ,ಆದ್ರೆ ಮೂರ್ಖನ ಮನಸ್ಸು* ಭೂಮಿಯ ಮೂಲೆಮೂಲೆಗೂ ಅಲೆಯುತ್ತೆ.+
25 ದಡ್ಡ ತನ್ನ ಅಪ್ಪನಿಗೆ ದುಃಖ ಕೊಡ್ತಾನೆ,ಮೂರ್ಖ ತನ್ನ ಅಮ್ಮನಿಗೆ ನೋವು ತರ್ತಾನೆ.+
26 ನೀತಿವಂತರಿಗೆ ಶಿಕ್ಷೆ ಕೊಡೋದು* ಒಳ್ಳೇದಲ್ಲ,ದೊಡ್ಡದೊಡ್ಡ ವ್ಯಕ್ತಿಗಳನ್ನ ಹೊಡಿಯೋದು ಸರಿಯಲ್ಲ.
27 ಜ್ಞಾನ ಇರೋ ವ್ಯಕ್ತಿ ತನ್ನ ನಾಲಿಗೆಗೆ ಕಡಿವಾಣ ಹಾಕ್ತಾನೆ,+ವಿವೇಚನೆ ಇರೋ ವ್ಯಕ್ತಿ ಶಾಂತವಾಗಿ ಇರ್ತಾನೆ.+
28 ಮೌನವಾಗಿದ್ರೆ ಮೂರ್ಖನನ್ನ ಸಹ ವಿವೇಕಿ ಅಂದ್ಕೊಳ್ತಾರೆ,ಬಾಯಿಗೆ ಬೀಗ ಹಾಕೊಂಡಿದ್ರೆ ತಿಳುವಳಿಕೆ ಇಲ್ಲದವನನ್ನ ಸಹ ವಿವೇಚನೆ ಇರುವವನು ಅಂತ ನೆನಸ್ತಾರೆ.
ಪಾದಟಿಪ್ಪಣಿ
^ ಅಕ್ಷ. “ಬಲಿಗಳು.”
^ ಅಕ್ಷ. “ಒಳನೋಟ.”
^ ಅಥವಾ “ರಚಕನನ್ನೇ.”
^ ಅಥವಾ “ಹೆತ್ತವರಿಂದಾಗಿ.”
^ ಅಥವಾ “ಅನುಗ್ರಹ.”
^ ಅಕ್ಷ. “ಮುಚ್ಚುವವನು.”
^ ಅಕ್ಷ. “ಹೃದಯ.”
^ ಅಥವಾ “ಹೆಬ್ಬಾಗಿಲನ್ನ ಕಟ್ಟುವವನು ಕಷ್ಟವನ್ನ ಆಮಂತ್ರಿಸ್ತಾನೆ.”
^ ಅಕ್ಷ. “ಭ್ರಷ್ಟನಾಗಿರುವವನಿಗೆ ಒಳ್ಳೇದಾಗಲ್ಲ.”
^ ಅಥವಾ “ಮೂಳೆಗಳನ್ನ ಬತ್ತಿಸಿಬಿಡುತ್ತೆ.”
^ ಅಕ್ಷ. “ಕಣ್ಣುಗಳು.”
^ ಅಥವಾ “ನೀತಿವಂತರಿಗೆ ದಂಡ ಹಾಕೋದು.”
