ಕೀರ್ತನೆ 91:1-16
91 ಸರ್ವೋನ್ನತನ ರಹಸ್ಯ ಜಾಗದಲ್ಲಿ ಆಶ್ರಯ ಪಡ್ಕೊಳ್ಳೋರು+ಸರ್ವಶಕ್ತನ ನೆರಳಲ್ಲಿ ವಿಶ್ರಾಂತಿ ಪಡೀತಾರೆ.+
2 ನಾನು ಯೆಹೋವನಿಗೆ “ನೀನು ನನ್ನ ಆಶ್ರಯ, ನನ್ನ ಭದ್ರಕೋಟೆ,+ನಾನು ಭರವಸೆಯಿಡೋ ದೇವರು”+ ಅಂತ ಹೇಳ್ತೀನಿ.
3 ಯಾಕಂದ್ರೆ ಆತನು ನಿನ್ನನ್ನ ಬೇಟೆಗಾರನ ಬಲೆಯಿಂದ ಬಿಡಿಸ್ತಾನೆ,ಜೀವ ತೆಗಿಯೋ ಅಂಟುರೋಗದಿಂದ ಕಾಪಾಡ್ತಾನೆ.
4 ತನ್ನ ರೆಕ್ಕೆಯ ಗರಿಗಳಿಂದ ನಿನ್ನ ಮುಚ್ತಾನೆ,*ಆತನ ರೆಕ್ಕೆಗಳ ಕೆಳಗೆ ನೀನು ಆಶ್ರಯ ಪಡ್ಕೊಳ್ತೀಯ.+
ಆತನ ನಂಬಿಗಸ್ತಿಕೆ+ ದೊಡ್ಡ ಗುರಾಣಿ,+ ರಕ್ಷಣೆಯ ಗೋಡೆ ತರ* ಇರುತ್ತೆ.
5 ರಾತ್ರಿ ಎಲ್ಲಿ ಏನಾಗುತ್ತೋ ಅಂತಾಗಲಿ,+ಬೆಳಗ್ಗೆ ಹಾರಾಡೋ ಬಾಣಕ್ಕಾಗಲಿ ನೀನು ಹೆದ್ರಲ್ಲ,+
6 ಕತ್ತಲಲ್ಲಿ ತಿರುಗಾಡೋ ವಿಪತ್ತಿಗಾಗಲಿಮಟಮಟ ಮಧ್ಯಾಹ್ನ ನಡೆಯೋ ಕೇಡಿಗಾಗಲಿ ನೀನು ಭಯಪಡಲ್ಲ.
7 ನಿನ್ನ ಪಕ್ಕದಲ್ಲಿ ಸಾವಿರ ಜನ,ನಿನ್ನ ಬಲಗಡೆ ಹತ್ತು ಸಾವಿರ ಜನ ಬಿದ್ದುಹೋಗ್ತಾರೆ.
ಆದ್ರೆ ನಿನಗೆ ಏನೂ ಆಗಲ್ಲ.+
8 ನೀನು ಇದನ್ನೆಲ್ಲ ನಿನ್ನ ಕಣ್ಣಾರೆ ನೋಡ್ತೀಯಕೆಟ್ಟವರಿಗೆ ಆಗೋ ಶಿಕ್ಷೆಗೆ* ಪ್ರತ್ಯಕ್ಷ ಸಾಕ್ಷಿಯಾಗ್ತೀಯ.
9 ಯಾಕಂದ್ರೆ “ಯೆಹೋವ ನನ್ನ ಆಶ್ರಯ” ಅಂತ ನೀನು ಹೇಳಿದೆ.
ಸರ್ವೋನ್ನತನನ್ನ ನಿನ್ನ ವಾಸಸ್ಥಳವಾಗಿ* ಮಾಡ್ಕೊಂಡೆ.+
10 ನಿನ್ನ ಮೇಲೆ ಯಾವ ವಿಪತ್ತೂ ಬರಲ್ಲ,+ಯಾವ ಬಾಧೆನೂ ನಿನ್ನ ಡೇರೆ ಹತ್ರ ಸುಳಿಯಲ್ಲ.
11 ಯಾಕಂದ್ರೆ ನೀನು ಹೋದ ಕಡೆ ಎಲ್ಲನಿನ್ನನ್ನ ಕಾದು ಕಾಪಾಡೋಕೆ ಆತನು ತನ್ನ ದೂತರಿಗೆ+ ಆಜ್ಞೆ ಕೊಡ್ತಾನೆ.
12 ನಿನ್ನ ಕಾಲು ಕಲ್ಲಿಗೆ ತಾಗದ ಹಾಗೆ+ಅವರು ತಮ್ಮ ಕೈಯಿಂದ ನಿನ್ನನ್ನ ಎತ್ಕೊಳ್ತಾರೆ.+
13 ನೀನು ಎಳೇ ಸಿಂಹವನ್ನ ಮತ್ತು ನಾಗರಹಾವನ್ನ ಕಾಲಿಂದ ತುಳೀತಿಯ,ಬಲಿಷ್ಠ ಸಿಂಹವನ್ನ ಮತ್ತು ದೊಡ್ಡ ಹಾವನ್ನ ಪಾದಗಳ ಕೆಳಗೆ ಹೊಸಕಿ ಹಾಕ್ತೀಯ.+
14 ದೇವರು ಹೀಗೆ ಹೇಳಿದನು “ಅವನು ನನ್ನನ್ನ ತುಂಬ ಪ್ರೀತಿಸೋದ್ರಿಂದ ನಾನು ಅವನನ್ನ ಕಾಪಾಡ್ತೀನಿ.+
ಅವನಿಗೆ ನನ್ನ ಹೆಸ್ರು ಗೊತ್ತಿರೋದ್ರಿಂದ ನಾನು ಅವನನ್ನ ಕಾಪಾಡ್ತೀನಿ.+
15 ಅವನು ನನಗೆ ಮೊರೆಯಿಡ್ತಾನೆ, ನಾನು ಅವನಿಗೆ ಉತ್ತರ ಕೊಡ್ತೀನಿ.+
ಕಷ್ಟ ಬಂದಾಗ ನಾನು ಅವನ ಜೊತೆ ಇರ್ತಿನಿ.+
ನಾನು ಅವನನ್ನ ರಕ್ಷಿಸ್ತೀನಿ, ಅವನಿಗೆ ಜಾಸ್ತಿ ಗೌರವ ಸಿಗೋ ಹಾಗೆ ಮಾಡ್ತೀನಿ.
16 ಜಾಸ್ತಿ ಆಯಸ್ಸು ಕೊಟ್ಟು ನಾನು ಅವನನ್ನ ತೃಪ್ತಿಪಡಿಸ್ತೀನಿ,+ನನ್ನ ರಕ್ಷಣೆಯ ಕೆಲಸಗಳನ್ನ ಅವನು ನೋಡೋ ತರ ಮಾಡ್ತೀನಿ.”+
ಪಾದಟಿಪ್ಪಣಿ
^ ಅಥವಾ “ನಿನ್ನ ಹತ್ರ ಬರೋ ದಾರಿಯನ್ನ ತಡಿತಾನೆ.”
^ ಅಥವಾ “ಅಡ್ಡಗೋಡೆ ತರ.”
^ ಅಕ್ಷ. “ಶಾಸ್ತಿಗೆ.”
^ ಬಹುಶಃ, “ಕೋಟೆ, ಆಶ್ರಯ.”
