ಕೀರ್ತನೆ 41:1-13

  • ಹಾಸಿಗೆ ಹಿಡಿದವನ ಪ್ರಾರ್ಥನೆ

    • ಹಾಸಿಗೆ ಹಿಡಿದವರಿಗೆ ದೇವರ ಆಸರೆ (3)

    • ನಂಬಿದವರೇ ಮೋಸಮಾಡಿದಾಗ (9)

ಗಾಯಕರ ನಿರ್ದೇಶಕನಿಗೆ ಸೂಚನೆ, ದಾವೀದನ ಮಧುರ ಗೀತೆ. 41  ಬಡವನಿಗೆ ಕಾಳಜಿ ತೋರಿಸೋನು ಭಾಗ್ಯವಂತ,+ಕಷ್ಟ ಬಂದಾಗ ಯೆಹೋವ ಅವನನ್ನ ರಕ್ಷಿಸ್ತಾನೆ.   ಯೆಹೋವ ಅವನನ್ನ ಕಾದು ಕಾಪಾಡ್ತಾನೆ, ಅವನ ಜೀವವನ್ನ ಸಂರಕ್ಷಿಸ್ತಾನೆ. ಅವನು ಭೂಮಿ ಮೇಲೆ ಭಾಗ್ಯವಂತ ಅಂತ ಕರೆಸ್ಕೊಳ್ತಾನೆ,+ದೇವರು ಅವನನ್ನ ಯಾವತ್ತೂ ಅವನ ಶತ್ರುಗಳ ಕೈಗೆ ಒಪ್ಪಿಸಲ್ಲ.+   ಅವನಿಗೆ ಹುಷಾರಿಲ್ಲದೆ ಹಾಸಿಗೆ ಹಿಡಿದಾಗ ಯೆಹೋವ ಅವನಿಗೆ ಆಸರೆಯಾಗಿ ಇರ್ತಾನೆ,+ಅನಾರೋಗ್ಯದ ಸಮಯದಲ್ಲಿ ದೇವರು ಅವನಿಗೆ ಕಾಳಜಿ ತೋರಿಸ್ತಾನೆ.*   ನಾನು ಹೀಗೆ ಹೇಳಿದ್ದೆ “ಯೆಹೋವನೇ, ನನಗೆ ದಯೆ ತೋರಿಸು.+ ನನ್ನನ್ನ ವಾಸಿಮಾಡು,+ ಯಾಕಂದ್ರೆ ನಾನು ನಿನ್ನ ವಿರುದ್ಧ ಪಾಪ ಮಾಡಿದ್ದೀನಿ.”+   ಆದ್ರೆ ನನ್ನ ಶತ್ರುಗಳು “ಇವನು ಯಾವಾಗ ಸಾಯ್ತಾನೆ? ಇವನ ಹೆಸ್ರು ಯಾವಾಗ ಅಳಿದುಹೋಗುತ್ತೆ?” ಅಂತ ನನ್ನ ಬಗ್ಗೆ ಕೆಟ್ಟದಾಗಿ ಮಾತಾಡ್ಕೊತಾರೆ.   ಅವ್ರಲ್ಲಿ ಯಾವನಾದ್ರೂ ನನ್ನನ್ನ ನೋಡೋಕೆ ಬಂದ್ರೆ, ಸುಳ್ಳು ಹೇಳೋ ಉದ್ದೇಶ ಇಟ್ಕೊಂಡೇ ಬಂದಿರ್ತಾನೆ. ಅವನು ನನ್ನನ್ನ ಬೈಯೋಕೆ ಒಂದಲ್ಲ ಒಂದು ವಿಷ್ಯ ಹುಡುಕ್ತಾನೆ,ಆಮೇಲೆ ಹೊರಗೆ ಹೋಗಿ ಅದನ್ನ ಎಲ್ಲ ಕಡೆ ಹಬ್ಬಿಸ್ತಾನೆ.   ನನ್ನನ್ನ ದ್ವೇಷಿಸೋರೆಲ್ಲ ಗುಸುಗುಸು ಅಂತ ಮಾತಾಡ್ಕೊತಾರೆ,ನನ್ನ ವಿರುದ್ಧ ಏನೋ ಕುತಂತ್ರ ಮಾಡ್ತಿದ್ದಾರೆ.   “ಅವನಿಗೆ ಯಾವುದೋ ದೊಡ್ಡ ರೋಗ ಬಂದಿದೆ,ಅವನು ಬಿದ್ದು ಹೋಗಿದ್ದಾನೆ, ಇನ್ಯಾವತ್ತೂ ಮೇಲೆ ಏಳಲ್ಲ” ಅಂತ ಮಾತಾಡ್ಕೊತಾರೆ.+   ನಾನು ಯಾರ ಜೊತೆ ಶಾಂತಿಯಿಂದ ಇದ್ದೀನೋ, ಯಾರನ್ನ ನಂಬಿದ್ದೀನೋ,+ಯಾರು ನನ್ನ ಜೊತೆ ಊಟ ಮಾಡ್ತಿದ್ನೋ ಅವನೇ ನನ್ನ ವಿರುದ್ಧ ತಿರುಗಿಬಿದ್ದಿದ್ದಾನೆ.*+ 10  ಆದ್ರೆ ಯೆಹೋವನೇ, ನನಗೆ ದಯೆ ತೋರಿಸು, ನನ್ನನ್ನ ಮೇಲಕ್ಕೆತ್ತು,ಆಗ ನಾನು, ಅವರು ಮಾಡಿದ್ದಕ್ಕೆ ಅವ್ರಿಂದ ಲೆಕ್ಕ ಕೇಳ್ತೀನಿ. 11  ಯಾವಾಗ ನನ್ನ ಶತ್ರುಗಳು ನನ್ನ ಮೇಲೆ ಜಯ ಸಾಧಿಸಲ್ವೋ,ಆಗ ನೀನು ನನ್ನಿಂದ ಖುಷಿಯಾಗಿದ್ದೀಯ ಅಂತ ನಾನು ತಿಳ್ಕೊಳ್ತೀನಿ.+ 12  ನನ್ನ ನಿಯತ್ತಿಗಾಗಿ ನೀನು ನನ್ನನ್ನ ಎತ್ತಿ ಹಿಡಿತೀಯ,+ನಿನ್ನ ಸನ್ನಿಧಿಯಲ್ಲಿ ನನ್ನನ್ನ ಯಾವಾಗ್ಲೂ ಇಟ್ಕೊಳ್ತೀಯ.+ 13  ಇಸ್ರಾಯೇಲ್‌ ದೇವರಾದ ಯೆಹೋವನಿಗೆಯುಗಯುಗಾಂತರಕ್ಕೂ ಸ್ತುತಿ ಸಲ್ಲಲಿ.+ ಆಮೆನ್‌,* ಆಮೆನ್‌.

ಪಾದಟಿಪ್ಪಣಿ

ಅಕ್ಷ. “ಅವನ ಹಾಸಿಗೆಯನ್ನ ಪೂರ್ತಿ ಬದಲಾಯಿಸ್ತಾನೆ.”
ಅಕ್ಷ. “ತನ್ನ ಹಿಮ್ಮಡಿ ಎತ್ತಿದ್ದಾನೆ.”
ಅಥವಾ “ಹಾಗೆಯೇ ಆಗಲಿ.”